തിരിച്ചു വരവിലെ ആദ്യ ശമ്പളം ആദിവാസി കുട്ടികള്ക്ക്
സര്ക്കാരിനെതിരായ നിയമപോരാട്ടത്തിനൊടുവില് പോലീസ് മേധാവി സ്ഥാനത്ത് തിരിച്ചെത്തിയ ടിപി സെന്കുമാര് തിരിച്ചു വരവിലെ ആദ്യ ശമ്പളം ദാനം ചെയ്തു. വയനാട്ടിലെ ആദിവാസി കുട്ടികള്ക്കാണ് സെന്കുമാര് തന്റെ ശമ്പളം നല്കിയിരിക്കുന്നത്. നിര്ധനരായ ആദിവാസി കുട്ടികള്ക്ക് പുത്തനുടുപ്പും പാഠപുസതകവും വാങ്ങാനാണ് സെന്കുമാര് ഒരുമാസത്തെ ശമ്പളം മുഴുവനായി നല്കിയിരിക്കുന്നത്. ശനിയാഴ്ച കല്പ്പറ്റയില് വച്ച് നടക്കുന്ന നേതൃപഠന ക്യാംപില് വച്ച് 100 നിര്ധന ആദിവാസി കുട്ടികള്ക്കായി സെന്കുമാര് രണ്ടു ലക്ഷത്തോളം രൂപ നല്കും.
ഡിജിപി സ്ഥാനത്ത് തിരിച്ചെത്തിയതു മുതല് സര്ക്കാരില് നിന്ന് കടുത്ത എതിര്പ്പും സമ്മര്ദവും സെന്കുമാറിനുണ്ട്. ഇതിനെ തുടര്ന്ന് കൂടിയാന് സെന്കുമാര് വയനാട്ടിലേക്ക് എത്തുന്നത്. മൂന്നു ദിവസം സെന്കുമാര് തലസ്ഥാനത്ത് ഉണ്ടാകില്ലെങ്കിലും തലസ്ഥാനത്തെ ചുമതല ആര്ക്കും നല്കിയിട്ടുമില്ല. പിണറായി സര്ക്കാര് അധികാരമേറ്റതിനു പിന്നാലെ സെന്കുമാറിനെ ഡിജിപി സ്ഥാനത്തു നിന്ന് നീക്കിയിരുന്നു. ഇതിനെതിരെയാണ് സെന്കുമാര് കോടതിയെ സമീപിച്ചത്.സുപ്രീംകോടതി വരെ നീണ്ട നിയമ പോരാട്ടത്തില് അന്തിമ വിജയം സെന്കുമാറിനായിരുന്നു. അധികാരത്തില് വീണ്ടും തിരിച്ചെത്തിയതോടെ സെന്കുമാറും സര്ക്കാരും തമ്മിലുള്ള വടംവലി വീണ്ടും ശക്തമായിരിക്കുകയാണ്.
https://www.facebook.com/Malayalivartha
