കുട്ടി വീണ്ടും വെട്ടിലാകും... പരാതി ലഭിക്കാതെ അബ്ദുള്ളക്കുട്ടിക്കെതിരെ നടപടി എടുക്കാനാവില്ലെന്ന് സുധീരന്
എ.പി. അബ്ദുള്ളക്കുട്ടിക്കെതിരെ ഇപ്പോള് നടപടി എടുക്കാനാവില്ലെന്ന് കെപിസിസി പ്രസിഡന്റ് വിഎം സുധീരന് പറഞ്ഞു. സരിത കോടതിയില് നല്കിയ മൊഴി വിശദമായി പരിശോധിച്ചു മാത്രമേ ഇക്കാര്യത്തില് എന്തെങ്കിലും എടുക്കാന് കഴിയൂ. ഉത്തരവാദിത്വപ്പെട്ട സ്ഥാനത്തിരിക്കുന്ന ഒരാള്ക്കെതിരെ അങ്ങനെ പെട്ടെന്ന് എന്തെങ്കിലും പറയാനാകില്ലെന്നും സുധീരന് പറഞ്ഞു.
എംഎല്എ മണ്ഡലത്തില് സജീവമല്ലെന്ന് കണ്ണൂര് ഡിസിസിയില് നിന്നും അബ്ദുള്ളക്കുട്ടിക്കെതിരെ ആരും കെപിസിസിക്ക് പരാതി നല്കിയിട്ടില്ല. എംഎല്എ എന്ന നിലയില് അബ്ദുള്ളക്കുട്ടിയുടെ പ്രവര്ത്തനം പരിശോധിക്കേണ്ടതും വിലയിരുത്തേണ്ടതും ഡിസിസിയാണ്.
കഴിഞ്ഞ ദിവസം സരിത കോടതിയിലെത്തി അബ്ദുള്ളക്കുട്ടിക്കെതിരെ മൊഴി നല്കിയിരുന്നു. പരാതിയില് പറഞ്ഞ കാര്യങ്ങളില് ഉറച്ചു നില്ക്കുന്നതായി സരിത പറഞ്ഞു. ഇതോടെ അബ്ദുള്ളക്കുട്ടിയ്ക്കെതിരെ പാര്ട്ടി തലത്തില് നടപടി വരുമെന്നാണ് വ്യാഖ്യാനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
