കുട്ടികളെ വാങ്ങിയത് 1500 മുതല് 3000 രൂപവരെ നല്കി; അന്യ സംസ്ഥാനത്തെ കുട്ടികളെ മലയാളിയാക്കി കേരളസര്ക്കാരില് നിന്നും തട്ടിയത് 35 ലക്ഷം
ബംഗാള് , ബീഹാര് , ജാര്ഖണ്ഡ് എന്നീ സംസ്ഥാനങ്ങളില് നിന്നും കുട്ടികളെ കേരളത്തിലേക്ക് കൊണ്ടു വന്നത് വില നല്കിയാണെന്ന് തെളിഞ്ഞു. ജാര്ഖണ്ഡ് ശിശുക്ഷേമ സമിതിയാണ് ഇന്നലെ അന്വേഷണ ഉദ്യോഗസ്ഥര്ക്ക് ഈ വിവരം നല്കിയത്. കുട്ടിയെ കൊണ്ടു പോകുന്നതിന് പകരമായി 1500 മുതല് 3000 രൂപ വരെയാണ് മതാപിതാക്കള്ക്ക് നല്കിയത്. കേരളത്തിലെത്തുന്നതോടെ പേരും മാറ്റിയിട്ടുണ്ടെന്നാണ് ഇവര് നല്കുന്ന വിവരം.
ഇങ്ങനെ കൊണ്ടുവരുന്ന കുട്ടികളെ വ്യാജ മേല്വിലാസം തയ്യാറാക്കി മലയാളികളായ അനാഥക്കുട്ടികളാക്കുന്നു. അങ്ങനെ മലയാളികളായ അനാഥക്കുട്ടികള്ക്കായുള്ള ആനുകൂല്യം സംസ്ഥാന സര്ക്കാരില് നിന്നും ഇവര് വാങ്ങിയെടുക്കുന്നു. കോഴിക്കോട്ടെ ഒരു അനാഥാലയം ഇങ്ങനെ 35 ലക്ഷം രൂപ തട്ടിയെടുത്തതായി ലോക്കല് ഓഡിറ്റ് വിഭാഗം നടത്തിയ പരിശോധനയില് തെളിഞ്ഞിട്ടുണ്ട്. ഇതേതുടര്ന്ന് ഈ അനാഥാലയത്തിന്റെ ലൈസന്സ് റദ്ദാക്കണമെന്നും ശുപാര്ശ ചെയ്തിരുന്നു. എന്നാല് രാഷ്ട്രീയ സമ്മര്ദ്ദങ്ങളെ തുടര്ന്ന് ഈ റിപ്പോര്ട്ട് പൂഴ്ത്തിയതായി രഹസ്യാന്വേഷണ വിഭാഗം കണ്ടെത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
