കുട്ടികളെ കടത്തിക്കൊണ്ടുവന്ന കേസില്‍ കുഞ്ഞാലിക്കുട്ടിയുടെ വിരട്ട്‌ ഏറ്റു. അവസാനം പോലീസ്‌ സമര്‍ത്ഥമായി അന്വേഷിച്ചിരുന്ന കേസുകളെല്ലാം തകിടം മറിഞ്ഞു. ഇന്നലെവരെ കണ്ട ആഭ്യന്തര മന്ത്രി രമേശ്‌ ചെന്നിത്തലയും ഉള്‍ വലിഞ്ഞു.

കുട്ടികളെ കൊണ്ടുവന്നത് മനുഷ്യക്കടത്തായി കാണാനാകില്ലെന്ന് മുഖ്യമന്ത്രിയുടെ അധ്യക്ഷതയില്‍ ചേര്‍ന്ന പ്രത്യേക യോഗം വിലയിരുത്തി. അനാഥാലയങ്ങള്‍ക്ക് ഗൂഢലക്ഷ്യങ്ങളില്ലെന്നും യോഗം വിലയിരുത്തി. മന്ത്രിസഭയുടെ പ്രത്യേക നിര്‍ദേശപ്രകാരമായിരുന്നു യോഗം. മുഖ്യമന്ത്രി ഉമ്മന്‍ചാണ്ടി, ആഭ്യന്തര വകുപ്പു മന്ത്രി രമേശ് ചെന്നിത്തല, വ്യവസായ വകുപ്പു മന്ത്രി പി.കെ കുഞ്ഞാലിക്കുട്ടി, മുതിര്‍ന്ന ഉദ്യോഗസ്ഥര്‍ എന്നിവര്‍ പങ്കെടുത്ത ഉന്നത തല യോഗത്തിലാണ് ഈ തീരുമാനം.

എന്നാല്‍ ആഭ്യന്തര വകുപ്പിന് സംഭവത്തില്‍ വീഴ്ച പറ്റിയിട്ടില്ലെന്നും പാലക്കാട് ചൈല്‍ഡ് ലൈന്‍ പ്രവര്‍ത്തകരുടെ റിപ്പോര്‍ട്ടിന്റെ അടിസ്ഥാനത്തിലാണ് ആഭ്യന്തര വകുപ്പ് ഇക്കാര്യത്തില്‍ നടപടിയെടുത്തതെന്നും, മുക്കം അനാഥാലയത്തിന് തെറ്റായ ലക്ഷ്യങ്ങളില്ളെന്നും യോഗം വിലയിരുത്തി.

ഉത്തരേന്ത്യയില്‍ നിന്ന് അനാഥാലയങ്ങളിലേക്ക് കുട്ടികളെ കൊണ്ടുവന്ന സംഭവത്തില്‍ നടപടിക്രമത്തില്‍ വീഴ്ചപറ്റിയതായി മുഖ്യമന്ത്രി പറഞ്ഞു. അനാഥാലയങ്ങള്‍ നിയമപരമായി പ്രവര്‍ത്തിക്കണം. അനാഥാലയങ്ങളുടെ നടത്തിപ്പില്‍ വ്യക്തതയും സുതാര്യതയും വേണം പോരായ്മകളുണ്ടെങ്കില്‍ പരിഹരിക്കാന്‍ സര്‍ക്കാര്‍ ഇടപെട്ടേക്കുമെന്നും മുഖ്യമന്ത്രി പറഞ്ഞു.

എന്നാല്‍ മനുഷ്യക്കടത്തിനെ ലളിതവത്‌കരിക്കാനുള്ള സര്‍ക്കാരിന്റെ ശ്രമത്തിനെതിരെ ബിജെപി ശക്തമായി രംഗത്തുവന്നു. കേസ്‌ അട്ടി മറിച്ചെന്ന്‌ അവര്‍ പറഞ്ഞു കഴിഞ്ഞു. ബിജെപി അന്വേഷണത്തിനായി കേന്ദ്രത്തെ നേരത്തെ തന്നെ സമീപിച്ചിട്ടുണ്ട്‌. ഈ വിഷയത്തില്‍ കേന്ദ്രമന്ത്രി മനേകാ ഗാന്ധിയും സജീവമായി രംഗത്തുണ്ട്‌. ഇതുകൂടാതെ ജാര്‍ഖണ്‌ഡ്‌, ബംഗാള്‍ , ബീഹാര്‍ എന്നീ സംസ്ഥാനങ്ങളിലെ അന്വേഷണവും ലീഗിനെ വെള്ളം കുടുപ്പിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha