സി.പി.എം ലീഗുമായി അടുക്കുന്നു; കുട്ടികടത്തില്‍ ലീഗിനൊപ്പം നില്‍ക്കും
കുട്ടികടത്തില്‍ അകപ്പെട്ട മുസ്ലീം ലീഗിനെ സഹായിക്കാന്‍ സി.പി.എം തീരുമാനിച്ചു. മനുഷ്യകടത്തിനെക്കുറിച്ച്‌ പരുഷമായ അന്വേഷണം ആവശ്യപ്പെട്ട സംസ്ഥാന സെക്രട്ടറി പിണറായി വിജയന്‍ തന്റെ മുന്‍നിലപാടില്‍ നിന്നും പിന്‍മാറി. വെറുതെ ഒരു പ്രബലസമുദായത്തെ പിണക്കരുതെന്ന കോടിയേരിയുടെ ഉപദേശത്തെതുടര്‍ന്നാണ്‌ പിണറായി പിന്‍മാറിയത്‌. മുസ്ലീങ്ങള്‍ക്കെതിരെ രമേശ്‌ ചെന്നിത്തലയുടെ നേതൃത്ത്വത്തില്‍ ഒരുസംഘം പരസ്യമായി രംഗത്തെത്തിയ സാഹചര്യത്തിലാണ്‌ സി.പി.എം. കളംമാറി ചവിട്ടാന്‍ തീരുമാനിച്ചത്‌.
കുട്ടികളെ കൊണ്ടുവന്നത്‌ മനുഷ്യകടത്താണെന്ന്‌ പറയരുതെന്ന്‌ കോടിയേരി ബാലകൃഷ്‌ണന്‍ പരസ്യമായി പറഞ്ഞു. മാനുഷികപ്രശ്‌നമായി കാണേണ്ട വിഷയം വര്‍ഗീയവല്‍ക്കരിച്ചതായും കോടിയേരി പറഞ്ഞു.നൂനപക്ഷങ്ങള്‍ക്കൊപ്പമാണെന്ന്‌ പറഞ്ഞ് മേനിചമയുന്ന കോണ്‍ഗ്രസ്‌ ഭൂരിപക്ഷത്തോടൊപ്പമാണെന്ന്‌ കോടിയേരി ആരോപിച്ചു.മുഖ്യമന്ത്രി മൗനം വെടിയണുമെന്നും നിശബ്‌ദത പാലിച്ചാല്‍ അത് വര്‍ഗീയതയ്‌ക്ക്‌ കാരണമാകുമെന്നും കോടിയേരി പറഞ്ഞു.
സി.പി.എം ന്റെ നിലപാടുമാറ്റത്തില്‍ മുസ്ലീം സമുദായം ആഹ്ലാദിക്കുന്നു. ഇത്‌ ദൂരവ്യപകമായ പ്രത്യഘാതങ്ങള്‍ക്ക്‌ ഇടയാക്കും. ലീഗിന്റെ ഉറച്ചകോട്ടയായ പൊന്നാനിയില്‍ വെറും 25,000 വോട്ടിനാണ്‌ ഇ.ടി. മുഹമ്മദ്‌ ബഷീര്‍ ജയിച്ചത്‌. ഇതെല്ലാം നല്ല സൂചനയായി സി.പി.എം കാണുന്നു. പണ്ട്‌ ലീഗിനെ ഒപ്പം കൂട്ടാന്‍ ഇ.എം. എസ്‌ തീരിമാനിച്ചതാണ്‌. ഏതായാലും കോണ്‍ഗ്രസിന്റെ നീക്കം സസൂക്ഷ്‌മം വീക്ഷിക്കാനാണ്‌ സി.പി.എം ന്റെ തീരുമാനം. എന്നാല്‍ വി.എസ്‌. അച്ചുതാനന്ദന്‍ മനുഷ്യകടത്താണെന്ന നിലപാടില്‍ തന്നെ നില്‍ക്കുന്നു. അച്ചുതാനന്ദന്റെ നിലപാട്‌ കാര്യമാക്കേണ്ടതല്ലെന്നാണ്‌ സി.പി.എം. പറയുന്നത്‌.
സി.പി.എം.ന്റെ നിലപാട്‌ ലീഗിനെയും ആഹ്ലാദിപ്പിക്കുന്നുണ്ട്‌. യഥാര്‍തത്തില്‍ ലീഗിനെ പ്രതിസന്ധിയിലാക്കിയത്‌ കോണ്‍ഗ്രസ്‌ സര്‍ക്കാരാണ്‌.ലീഗിന്റെ നേതൃത്വത്തില്‍ നടക്കുന്നത്‌ മനുഷ്യകടത്താണ്‌ എന്ന മട്ടിലാണ്‌ ഇപ്പോള്‍ കേരളം സംസാരിക്കുന്നത്‌. വല്ലാത്ത പ്രതിസന്ധിയില്‍ ആയിരിക്കുകയാണ്‌ ലീഗ്‌.
സര്‍ക്കാര്‍ നിയമനടപടികളുമായി മുന്നോട്ടുപോയാല്‍ മുക്കം അനാഥാലയത്തിന്റെ രക്ഷാധികാരിയായ പാണക്കാട്‌ ശിഹാബ്‌ തങ്ങള്‍ വിഷമകുരിക്കിലാകും.പോലീസിന്‌ അദ്ദേഹത്തിനെതിരെ നടപടി എടുക്കാതിരിക്കാന്‍ കഴിയാത്ത സ്ഥിതി വിശേഷവും വന്നു ചേരും.അങ്ങനെ സംഭവിച്ചാല്‍ അതോടെ ഉമ്മന്‍ചാണ്ടി ഭരണം പ്രതിസന്ധിയിലാകും. അതിനിടെ കുട്ടികടത്ത്‌ സി.ബി.ഐ അന്വേഷണത്തിനു വിടാന്‍ കേന്ദ്രസര്‍ക്കാര്‍ ആലോചിക്കുന്നു. ഝാര്‍ഖണ്ട്‌ ഭരിക്കുന്ന ബി.ജെ.പി. സര്‍ക്കാര്‍ കുട്ടികടത്ത്‌ സി.ബി.ഐ ക്ക്‌ വിടണമെന്ന്‌ ആലോചിക്കുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
