പുനസംഘടനയില്‍ എതിര്‍പ്പ്‌; രമേശ്‌ ചെന്നിത്തല ഡല്‍ഹിക്ക്‌
മന്ത്രിസഭാ പുനസംഘടന തടയുക എന്ന ലക്ഷ്യത്തോടെ ആഭ്യന്തരമന്ത്രി രമേശ്‌ ചെന്നിത്തല ഇന്ന് ഡല്‍ഹിക്ക്‌. ഇന്ന് വൈകിട്ട്‌ ഡല്‍ഹിയില്‍ എത്തുന്ന ചെന്നിത്തല ശനിയാഴ്‌ച പാര്‍ട്ടി അധ്യക്ഷ സോണിയ ഗാന്ധി, ഉപാധ്യക്ഷന്‍ രാഹുല്‍ ഗാന്ധി എന്നിവരുമായി കൂടിക്കാഴ്‌ച നടത്തും. കേരളത്തിന്റെ ചുമതലയുള്ള എഐസിസി ജനറല്‍ സെക്രട്ടറി മുകുള്‍ വാസ്‌നിക്‌, മുതിര്‍ന്ന നേതാക്കളായ എ.കെ.ആന്റണി, വയലാര്‍ രവി എന്നിവരുമായും ചെന്നിത്തല ചര്‍ച്ച നടത്തും.
മന്ത്രിസഭാ പുനസംഘടനയ്‌ക്ക്‌ നേരത്തെ ഹൈക്കമാന്‍ഡ്‌ മുഖ്യമന്ത്രിക്ക്‌ അനുമതി നല്‍കിയിരുന്നു. സംസ്ഥാനത്ത്‌ സമയവായം ഉണ്ടാക്കിയ ശേഷം പുനസംഘടന നടത്താനാണ്‌ നിര്‍ദ്ദേശം. എന്നാല്‍ പുനസംഘടനയില്‍ ഒരാള്‍ക്ക്‌ സ്ഥാനം നഷ്‌ടപ്പെടുമെന്ന്‌ കണ്ടാണ്‌ ഐ ഗ്രൂപ്പ്‌ പ്രതിരോധം തുടങ്ങിയത്‌. ഐ ഗ്രൂപ്പ്‌ മന്ത്രിമാരില്‍ ഒരാളെ ഒഴിവാക്കി കെ.ബി.ഗണേഷ്‌കുമാറിനെ മന്ത്രിസഭയില്‍ ഉള്‍പ്പെടുത്താനാണ്‌ മുഖ്യമന്ത്രിയുടെ നീക്കം. ഇതിന്‌ തടയിടാനാണ്‌ ചെന്നിത്തല ഡല്‍ഹിക്ക്‌ പോകുന്നത്‌. സംസ്ഥാനത്ത്‌ ഇക്കാര്യത്തില്‍ സമവായമില്ലെന്നും നിലവില്‍ പുനസംഘടനയുടെ ആവശ്യമില്ലെന്നും ഗണേഷിന്റെ പുനപ്രവേശനത്തിലുള്ള എതിര്‍പ്പും ചെന്നിത്തല ഹൈക്കമാന്‍ഡിനെ അറിയിക്കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
