മുല്ലപ്പരിയാറില് പുതിയ ഡാം; കേരളം പ്രമേയം പാസാക്കി
മുല്ലപ്പെരിയാര് വിഷയത്തില് കേരളം പുതിയ പ്രമേയം പാസാക്കി. മുഖ്യമന്ത്രി അവതരിപ്പിച്ച പ്രമേയം ഐകകണ്ഠേന നിയമസഭ പാസാക്കുകയായിരുന്നു. പുതിയ അണക്കെട്ടിനായി കേന്ദ്രസര്ക്കാര് മധ്യസ്ഥത വഹിക്കണമെന്നാണ് പ്രമേയം പറയുന്നത്. കേസ് വിപുലമായ ഭരണഘടനാ ബഞ്ചിനു വിടണം. രാഷ്ട്രപതി സുപ്രീം കോടതിക്ക് വിഷയം റഫര് ചെയ്യണം. ജലനിരപ്പ് ഉയര്ത്തുന്നത് പാരിസ്ഥിതിക പ്രശ്നം സൃഷ്ടിക്കും. ഇത് പരിഹരിക്കാന് കേന്ദ്രം ഇടപെടണമെന്നും പ്രമേയത്തില് പറയുന്നു. മുല്ലപ്പെരിയാര് കേസില് കേരളത്തിനെതിരായി വിധി വന്ന ശേഷം നിയമസഭ സമ്മേളിച്ച ആദ്യദിനം തന്നെയാണ് ഒറ്റക്കെട്ടായി പ്രമേയം പാസാക്കിയത്. പ്രതിപക്ഷനേതാവ് വി.എസ്. അച്യുതാനന്ദനാണ് വിഷയം പ്രമേയത്തിലൂടെ അവതരിപ്പിച്ചത്. തുടര്ന്ന് ചര്ച്ചയ്ക്കു ശേഷം മുഖ്യമന്ത്രി പ്രമേയം അവതരിപ്പിച്ചു.
അതേസമയം മുല്ലപ്പെരിയാര് വിഷയത്തിലെ സുപ്രീംകോടതി വിധിയിലെ തിരിച്ചടിക്ക് കാരണം സര്ക്കാരിന്റെ ഉത്തരവാദിത്വമില്ലായ്മയാണെന്ന് പ്രതിപക്ഷനേതാവ് വിഎസ് അച്യുതാനന്ദന് കുറ്റപ്പെടുത്തി. നിയമസഭയില് ആരംഭിച്ച മുല്ലപ്പെരിയാര് ചര്ച്ചയില് പ്രമേയം അവതരിപ്പിക്കവെയാണ് വിഎസിന്റെ കുറ്റപ്പെടുത്തല്. ജസ്റ്റിസ് കെ.ടി തോമസിനെതിരെ ചര്ച്ചയില് ഭരണ-പ്രതിപക്ഷ ഭേദമന്യേ വിമര്ശനം ഉയര്ന്നു. മുല്ലപ്പെരിയാര് വിഷയത്തിലെ സുപ്രീം കോടതി വിധിയുടെ പശ്ചാത്തലത്തില് ചട്ടം 130 പ്രകാരമാണ് നിയമസഭയില് ചര്ച്ച നടന്നത്. സഭയില് പ്രമേയമവതരിപ്പിച്ച വിഎസ് അച്യുതാനന്ദന് സംസ്ഥാന സര്ക്കാരിനെ രൂക്ഷമായി വിമര്ശിക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
