സ്കൂളുകളില് വെള്ളിയാഴ്ച അവധി? നിര്ദ്ദേശം സജീവ ചര്ച്ചക്ക്
സംസ്ഥാനത്തെ സ്കൂളുകളില് ശനിയാഴ്ചകള് പ്രവര്ത്തി ദിവസമാക്കാന് വിദ്യാഭ്യാസതലത്തില് രഹസ്യനീക്കം. ശനിയാഴ്ചക്ക് പകരം വെള്ളിയാഴ്ച അവധി നല്കാനാണ് ആലോചന. കരിക്കുലം കമ്മിറ്റിയില് നിന്നും ഇക്കാര്യം ഉന്നയിച്ച് സര്ക്കാര് തലത്തിലെത്തിച്ച് തീരുമാനമെടുക്കാനാണ് വിദ്യാഭ്യാസമന്ത്രിയുടെ നീക്കം. ഇസ്ലാമത വിശ്വാസികള്ക്ക് വെള്ളിയാഴ്ചയാണ് ആഴ്ചയിലെ പ്രധാന ദിവസം. നിലവില് ഇസ്ലാമതസ്ഥാരായ വിദ്യാര്ത്ഥികള്ക്ക് വെള്ളിയാഴ്ച ഉച്ചക്ക് രണ്ട് മണിക്കൂര് നേരം പ്രാര്ത്ഥിക്കാന് സമയമുണ്ട്. ഇതു പോരെന്നാണ് ഇസ്ലാം മതവിശ്വാസികള്ക്കിടയിലുള്ള പൊതു അഭിപ്രായം. വെള്ളിയാഴ്ച അവധി വേണമെന്നാണ് ഇവരുടെ ആവശ്യം. ഗള്ഫില് വെള്ളിയാഴ്ച അവധിയും ശനിയാഴ്ച പ്രവൃത്തിദിവസവുമാണ്. ഇസ്ലാം വിശ്വാസികള്ക്ക് വേണ്ടിയാണിത്.
നിര്ദ്ദേശം വിദ്യാഭ്യാസ മന്ത്രിയുടെ ഓഫീസ് ഡി.പി ഐയെ അറിയിച്ചു. ഡിപിഐ വിദ്യാഭ്യാസമന്ത്രിയുമായി തെറ്റി നില്ക്കുകയാണ്. ദിവസം എട്ട് പിരീഡ് നിര്ണ്ണയിച്ച് ഡിപിഐ വിവാദത്തിലായിരുന്നു. കരിക്കുലം കമ്മിറ്റിയുടെ ശുപാര്ശയായിരുന്നു ഇത്. അത് ഡിപിഐ അംഗീകരിക്കുകയായിരുന്നു. എന്നാല് ഡിപിഐയുടെ ശുപാര്ശ വിദ്യാഭ്യാസ മന്ത്രിയുമായി ആലോചിക്കാത്തതിനാല് നടപ്പിലാക്കേണ്ടതില്ലെന്നാണ് സര്ക്കാര് പറയുന്നത്. സ്വന്തം ഇഷ്ട പ്രകാരം തീരുമാനങ്ങളെടുക്കരുതെന്നും സര്ക്കാര് ഡിപിഐയെ അറിയിച്ചു. ഏട്ട് പിരീഡ് അനുവദിക്കുകയാണെങ്കില് വെള്ളിയാഴ്ചകളില് മുസ്ലീം വിദ്യാര്ത്ഥികള്ക്ക് പളളിയില് പോകാന് സമയം കിട്ടുകയില്ല.
രണ്ട് ഡിപിഐമാര് വിദ്യാഭ്യാസ മന്ത്രിയുമായി തെറ്റിയാണ് സ്ഥലം വിട്ടത്. ഷാജഹാനും ബിജുപ്രഭാകരുമാണ് ഇവര് . ബിജുപ്രഭാകര് തസ്തിക വിടുന്നതിനുമുമ്പ് വിദ്യാഭ്യാസ വകുപ്പിനെതിരെ ഫേസ് ബുക്ക് പോസ്റ്റിംഗും നടത്തിയിരുന്നു. വിദ്യാഭ്യാസ വകുപ്പില് പച്ചപുതയ്ക്കാന്ഏറെ നാളായി മന്ത്രി ശ്രമിച്ചു വരികയാണ്. വിവാദങ്ങള് പാടില്ലെന്ന് മന്ത്രി പികെ കുഞ്ഞാലിക്കുട്ടി നിരവധി തവണ നിര്ദ്ദേശം നല്കിയിട്ടും അനുസരിക്കുന്ന മട്ടില്ല.
വെള്ളിയാഴ്ച അവധി നല്കണമെന്ന നിര്ദ്ദേശവും ഡിപിഐ അംഗീകരിക്കാനിടയില്ല. സര്ക്കാര് തലത്തില് വിദ്യാഭ്യാസ വകുപ്പിനെതിരെ ആക്ഷേപങ്ങള് നിരവധിയാണ്. സ്വജനപക്ഷ പാതവും കെടുകാര്യസ്ഥതയുമാണ് വകുപ്പില് നടക്കുന്നതെന്ന ആക്ഷേപത്തിന് കാലങ്ങളുടെ പഴക്കമുണ്ട്. എന്നാല് ഇത്തരം കാര്യങ്ങളൊന്നും കേട്ടില്ലെന്ന മട്ടാണ് വിദ്യാഭ്യാസ മന്ത്രിക്ക്. ആരോപണങ്ങള് വക വയ്ക്കുന്ന ആളുമല്ല അദ്ദേഹം.
ഗള്ഫില് വെള്ളിയാഴ്ച അവധിയാണെന്ന നിര്ദ്ദേശമാണ് വിദ്യാഭ്യാസ വകുപ്പ് മുന്നോട്ടു വച്ചിട്ടുള്ളത്. ഇത്തരമൊരു തീരുമാനം എടുത്താല് അത് ലീഗിന് വ്യക്തിപരമായി ഗുണം ചെയ്യും. എന്നാല് സര്ക്കാരിന് പൊതുവേ ദോഷകരമായി ഭവിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
