സരിതയുടെ പേരില് ജഡ്ജിയുടെ പണി തുലാസില് ... രഹസ്യമൊഴി രേഖപ്പെടുത്താത്ത മജിസ്ട്രേട്ട് എന്വി രാജുവിനെതിരെ നടപടിക്ക് സാധ്യത
സരിതയുടെ പേരില് ഒരു ജഡ്ജിയുടെ ജോലി തുലാസിലായിരിക്കുകയാണ്. സോളാര് കേസില് സരിത എസ് നായരുടെ രഹസ്യമൊഴി രേഖപ്പെടുത്താത്ത മജിസ്ട്രേട്ട് എന് വി രാജുവിന് എതിരെ നടപടിക്കുള്ള സാധ്യതയാണ് തെളിയുന്നത്. ജസ്റ്റീസ് എന് വി രാജുവിന്റെ വിശദീകരണം തള്ളിയ ഹൈക്കോടതി അഡ്മിനിസ്ട്രേറ്റീവ് കമ്മിറ്റി മജിസ്ട്രേട്ടിന് ചാര്ജ് മെമ്മോ നല്കും.
സംഭവത്തില് മജിസ്ട്രേട്ട് എന് വി രാജു നല്കുന്ന വിശദീകരണം തൃപ്തികരമല്ലെങ്കില് സര്വ്വീസില് നിന്ന് നീക്കുന്നത് ഉള്പ്പെടെയുള്ള നടപടികള്ക്ക് സാധ്യതയുണ്ട്. ഹൈക്കോടതി ജഡ്ജിയുടെ നേതൃത്വത്തിലാകും അന്വേഷണം. വിജിലന്സ് രജിസ്ട്രാര് നടത്തിയ അന്വേഷണത്തിലും സരിതയുടെ മൊഴി രേഖപ്പെടുത്താത്ത മജിസ്ട്രേട്ടിന്റെ നടപടിയില് വീഴ്ചയുണ്ടെന്ന് കണ്ടെത്തിയിരുന്നു.
സോളാര് കേസില് പ്രതിയായിരിക്കെ സരിത മജിസ്ട്രേട്ടിന് നല്കിയ രഹസ്യ മൊഴി രേഖപ്പെടുത്തിയില്ല. പകരം എഴുതി നല്കാനുള്ള സാവകാശം നല്കുകയായിരുന്നു. മന്ത്രിസഭയിലെ പ്രബലന്മാരുടെ പേരുകള് സരിത പറഞ്ഞെന്നാണ് അറിയുന്നത്. എന്നാല് രാജു സരിതയ്ക്ക് സാവകാശം നല്കിയതോടെ പേരു പരാമര്ശിച്ചവരുടെ ആള്ക്കാര് ഇടപെട്ട് അവരെല്ലാം ലിസ്റ്റില് നിന്നും ഒഴിവായി. സരിത എഴുതി നല്കിയ ലിസ്റ്റ് കോടതിയിലെത്തുന്നതിന് മുമ്പ് വീണ്ടും തിരുത്തി. ആ പഴയ ലിസ്റ്റാണ് ബാലകൃഷ്ണപിള്ള ഇപ്പോള് കാട്ടി വിരട്ടുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
