അണക്കെട്ടുകളുടെ ഉടമസ്ഥാവകാശം കേരളത്തിന് തന്നെന്ന് മുഖ്യമന്ത്രി
മുല്ലപ്പെരിയാറടക്കം നാലു അണക്കെട്ടുകളുടെ ഉടമസ്ഥാവകാശം തമിഴ്നാടിനാണെന്ന ആരോപണങ്ങള്ക്കു മുഖ്യമന്ത്രിയുടെ മറുപടി. നാല് അണക്കെട്ടുകളും കേരളത്തിന്റേതു തന്നെയാണെന്ന് മുഖ്യമന്ത്രി ഉമ്മന് ചാണ്ടി നിയമസഭയില് അറിയിച്ചു. ഈ അണക്കെട്ടുകള് ഇപ്പോഴും കേരളത്തിന്റെ ഉടമസ്ഥാവകാശത്തിലാണ്. ഇത് തമിഴ്നാടിന്റെ കൈവശമാണെന്നു രജിസ്റ്ററില് ഇല്ലെന്നും മുഖ്യമന്ത്രി അറിയിച്ചു.
2009-ല് ഈ ഡാമുകള് തമിഴ്നാടിന്റെ പട്ടികയിലുണ്ടായിരുന്നു. എന്നാല് തമിഴ്നാടുമായുള്ള കത്തിടപാടുകളുടെ ഫലമായി ഇത് 2014-ല് ഇവ കേരളത്തിന്റെ പട്ടികയിലാക്കി. വിഷയത്തില് അടുത്ത 33-ാം നമ്പര് യോഗത്തില് കേരളം ശക്തമായ നിലപാട് അറിയിക്കുമെന്നും മുഖ്യമന്ത്രി അറിയിച്ചു. ഉദ്യോഗസ്ഥര് യോഗങ്ങളില് ജാഗ്രത പാലിക്കണമെന്നും അദ്ദേഹം കൂട്ടിച്ചേര്ത്തു. എന്നാല്, ജമീല പ്രകാശം എംഎല്എ കഴിഞ്ഞദിവസം നിയമസഭയില് ഹാജരാക്കിയ മൂന്നു കത്തുകളെക്കുറിച്ചു മുഖ്യമന്ത്രി പ്രതികരിച്ചില്ല.
അതേസമയം, മുഖ്യമന്ത്രിയുടെ വിശദീകരണത്തില് തൃപ്തരല്ലന്നാണ് പ്രതിപക്ഷത്തിന്റെ പ്രതികരണം. ഡാം വിഷയത്തില് കേരളത്തിന്റെ പ്രതിനിധി എന്തുകൊണ്ടു മിണ്ടിയില്ലന്നു പ്രതിപക്ഷ നേതാവ് വി.എസ്. അച്യുതാനന്ദന് ചോദിച്ചു. തമിഴ്നാടിന്റെ വാദങ്ങളെ കേരളത്തിന്റെ പ്രതിനിധി എതിര്ത്തില്ലന്നും പ്രതിപക്ഷം ആരോപിച്ചു. വിഷയത്തില് കേരളം മൗനം പാലിച്ചതോടെയാണ് ഡാമിന്റെ ഉടമസ്ഥാവകാശം തമിഴ്നാട് അവകാശപ്പെട്ടത്.
മുല്ലപ്പെരിയാര് ഉള്പ്പെടെ നാല് അണക്കെട്ടുകളുടെ ഉടമസ്ഥാവകാശം തമിഴ്നാടിനു ലഭിച്ചതായി ജമീല പ്രകാശമാണ് ഇന്നലെ നിയമസഭയില് ആരോപണം ഉന്നയിച്ചത്. മുല്ലപ്പെരിയാര്, തൂണക്കടവ്, പറമ്പിക്കുളം, പെരുവാരിപള്ളം എന്നീ അണക്കെട്ടുകളെ നാഷണല് രജിസ്റ്റര് ഓഫ് ലാര്ജ് ഡാംസിന്റെ രജിസ്റ്ററില് തമിഴ്നാടിന്റെ ഉടമസ്ഥതയിലാണെന്നു രേഖപ്പെടുത്തണമെന്ന വാദം ഉയര്ന്നപ്പോള് കേരളത്തിന്റെ പ്രതിനിധിയായി പങ്കെടുത്ത ചീഫ് എന്ജിനിയര് പി. ലതിക എതിര്ത്തില്ലെന്നാണു ജമീല പ്രകാശത്തിന്റെ ആരോപണം. ഇതുമായി ബന്ധപ്പെട്ട രേഖകളും ജമീല പ്രകാശം ഹാജരാക്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
