അണക്കെട്ടുകള് തമിഴകത്തിന്; കേരളത്തെ ചതിച്ചത് ഒരു ഉദ്യോഗസ്ഥ മാത്രമോ?
കേരളത്തിലെ നാല് അണക്കെട്ടുകളുടെ ഉടമസ്ഥാവകാശം തമിഴ്നാടിന് ലഭ്യമാക്കിയതിന് പിന്നില് മറിഞ്ഞത് കോടികള്. സംസ്ഥാനത്തെ ഉയര്ന്ന രാഷ്ട്രീയ നേതാക്കന്മാരടക്കും അറിയുന്ന ഇടപാടില് പണം ഒഴുക്കിയത് തമിഴ്നാടാണ്. ജമീല പ്രകാശം എം. എല്.എ നിയമസഭയില് ഉന്നയിച്ച ആരോപണത്തില് 65 ഏക്കറും ഫ്ളാറ്റും കൈമാറി നല്കിയെന്ന് പറയുന്നു.അന്തര്സംസ്ഥാന നദീജല വകുപ്പ് മുഖ്യമന്ത്രിയാണ് ഭരിക്കുന്നത്. എന്നാല് പതിവുപോലെ ഇടപാടു നടന്നകാര്യം മുഖ്യമന്ത്രി അറിഞ്ഞിട്ടില്ല.
മുല്ലപ്പെരിയാര്, ചാലക്കുടി പെരുവാരിപ്പളളം തുടങ്ങി നാല് അണക്കെട്ടുകളാണ് തമിഴ്നാട് സ്വന്തമാക്കിയത്.ഡാം സുരക്ഷ ദേശീയ അതോറിറ്റിയുടെ യോഗത്തില് തമിഴ്നാട് ഉടമസ്ഥാവകാശം ഉന്നയിച്ചപ്പോള് കേരളത്തിന്റെ പ്രതിനിധി എതിര്ത്തതേയില്ല. മാത്രമല്ല ഇക്കാര്യം സര്ക്കാരിനെ അറിയിച്ചതുമില്ല. അന്തിമ തീരുമാനം ഉണ്ടാകാത്തതുകൊണ്ടാണ് തീരുമാനത്തെ എതിര്ക്കാത്തതെന്ന് ഉദ്യോഗസ്ഥയുടെ വെളിപ്പെടുത്തല് സര്ക്കാര് നിസാരമായാണ് സ്വീകരിച്ചത്.
അതേസമയം തീരുമാനത്തെ എതിര്ക്കരുതെന്ന് യോഗത്തിലേക്ക് പോയ ഉദ്യാഗസ്ഥയ്ക്ക് ഉന്നതതല നിര്ദേശം ലഭിച്ചതായാണ് വിവരം. തുടര്ന്ന് യോഗത്തിന്റെ മിനിറ്റ്സ് കേരളത്തിലെത്തുകയും ബന്ധപ്പെട്ട മന്ത്രാലയം കണ്ട് ഒപ്പിട്ട് ദേശീയ അണക്കെട്ടു സുരക്ഷ സമിതിക്ക് മടക്കി അയക്കുകയും ചെയ്തു. എന്നാല് ഫയല് കണ്ട ഒരു ഉദ്യാഗസ്ഥന് ഇത് തെറ്റാണെന്ന് ഫയല് എഴുതിയപ്പോള് മാത്രമാണ് സര്ക്കാര് ഉണര്ന്നത്. പേരിന് ഡാം സുരക്ഷാ സമിതിക്ക് ഒരു കത്തയച്ച് വെറുതെയിരുന്നു. ഡാം സുരക്ഷാ ആതേറിറ്റി പറമ്പിക്കുളം, തുണക്കടവ് അണക്കെട്ടുകള് സന്ദര്ശിക്കുമെന്ന കേരള സര്ക്കാരിന്റെ കത്ത് കിട്ടിയപ്പോള് പ്രസ്തുത അണക്കെട്ടുകള് തമിഴ്നാടിന്റേതാണെന്ന് പരിശോധിക്കാന് വരേണ്ടതില്ലെന്ന് അവര് മറുപടി അയച്ചു.
ജലവിഭവവകുപ്പ് ചീഫ് എഞ്ചിനിയര് വി. ലതയാണ് കേരളത്തെ പ്രതിനിധീകരിച്ച് ദേശീയ ഡാം സുരക്ഷാ അതോറിറ്റി മുമ്പാകെ ഹാജരായത്. തമിഴ്നാട് അണക്കെട്ടുകള് സ്വന്തമാക്കുന്നതിന് വര്ഷങ്ങളായി ശ്രമിച്ചുവരികയാണ്. കോടിക്കണക്കിന് രൂപയാണ് അവര് ഇതിനായി മാറ്റിവയ്ക്കുന്നത്. കേരളത്തിലെ നിരവധി നേതാക്കള്ക്ക് തമിഴ്നാട്ടില് ഏക്കര്കണക്കിന് വസ്തുവകകള് ഉണ്ട്. പ്രേമചന്ദ്രന് മാത്രമാണ് തമിഴ്നാടിനെതിരെ നിലപാട് സ്വീകരിച്ചിട്ടുളളത്. എന്നല് പ്രേമചന്ദ്രന് യു.ഡി. ഫിലെത്തിയതോടെ നിശബ്ദനായി. ഇടതുമുന്നണിയിലെ മറ്റ് നേതാക്കള്ക്ക് അണകെട്ട് വിഷയത്തില് വേണ്ടത്ര പ്രാവണ്യവുമില്ല. ഇതിനിടെ സര്ക്കാര് തലത്തില് നിന്നു തന്നെയാണ് കേരളത്തിന് സംഭവിച്ച ചതിയുടെ വിശദാംശങ്ങള് ജമീല പ്രകാശം എം.എല്.എ ക്ക് ലഭിച്ചത്. ജമീല രേഖകള് ഹാജരാക്കി കൈയ്യടി നേടി. എന്നാല് സംഭവിച്ച പിഴവുകള് പിഴവുകളായി തന്നെ തുടരും. തമിഴ്നാടിന് ഉടമസ്ഥാവകാശം കൈമാറിയ രേഖ കേരളത്തിന് തിരുത്താനാവില്ല. ഇതേസമയം കേരളത്തെ ചതിച്ച ഉദ്യോസ്ഥര്ക്കെതിരെ നടപടിയുമില്ല. ഉന്നതര്ക്ക് ബന്ധമുണ്ടെങ്കില് നടപടിയെടുക്കാന് വിമുഖത എന്തിന്?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
