പണമില്ലെങ്കിലും സമീറിന് ഇനി ഗോകുലം മെഡിക്കല് കോളേജില് സ്ക്കോളര്ഷിപ്പോടെ പഠിക്കാം
മത്സ്യത്തൊഴിലാളിയുടെ മകന് ഇത് സ്വപ്നസാഫല്യത്തിന്റെ നിമിഷം. മെറിറ്റില് സ്ഥാനം നേടിയിട്ടും പതിനൊന്നു ലക്ഷം ഫീസു നല്കാനില്ലാത്തതിനാല് മെഡിക്കല് പഠനം വഴിമുട്ടിയിരുന്ന സമീറിന് ഏഷ്യാനെറ്റിലെ ന്യൂസ് അവര് ചര്ച്ച വഴിത്തിരിവായി. ബി പിഎല് കുടുംബാംഗമായ സമീറിനെ സ്ക്കോളര്ഷിപ്പോടെ പഠിപ്പിക്കാന് തയ്യാറാണെന്ന് തിരുവനന്തപുരത്തെ ഗോകുലം മെഡിക്കല് കോളേജ് അധികൃതര് അറിയിച്ചു.
പ്ലസ്ടൂ പഠനത്തിനു ശേഷം എംബിബിഎസ് സ്വപ്നത്തിനു പിന്നാലയായിരുന്നു സമീര് . കഴിഞ്ഞ വര്ഷവും റാങ്ക് ലിസ്റ്റില് പേരുണ്ടായിരുന്നു. എന്നാല് സ്വാശ്രയ കോളേജില് അടയ്ക്കാനുള്ള പണമില്ലാഞ്ഞതിനാല് കൂടുതല് മെച്ചപ്പെട്ട റാങ്കിനായി കടുത്ത ശ്രമം തുടര്ന്നു. എല്ലാം മറന്ന് പ്രവേശന പരീക്ഷയ്ക്കായി പഠനം തുടര്ന്നു. ഈ വര്ഷം ഫലമറിഞ്ഞപ്പോള് റാങ്ക് മെച്ചപ്പെട്ടു. 2015. ഗോകുലം മെഡിക്കല് കോളേജിലാണ് അലോട്ട്ചെയ്തതങ്കിലും ആദ്യം പ്രഖ്യാപിച്ച അഞ്ചു ലക്ഷത്തിനായി മറ്റുള്ളവരുടെ സഹായം തേടാനുള്ള ശ്രമത്തിലായിരുന്നു ഈ മിടുക്കന് . അപ്പോഴാണ് ഇടിത്തീ പോലെ സുപ്രീംകോടതി ഉത്തരവും എത്തുന്നത്.
ആറു ലക്ഷം കൂടി അധികം കണ്ടെത്തണം. ബി പിഎല് ലിസ്റ്റില് പെട്ട മത്സ്യത്തൊഴിലാളി കുടുംബത്തില് നിന്നു വരുന്ന തനിക്ക് ഒരിക്കലും മെഡിക്കല് പഠനം എത്തിപ്പിടിക്കാനാവില്ല എന്നു തന്നെ കരുതി . ഇത് തന്റെ മാത്രമല്ല, സര്ക്കാരിന്റ നയം മൂലം ഇതു പോലെ സ്വപ്നങ്ങള് ചാരമായ ഒട്ടേറെ സാധാരണക്കാരുണ്ടന്ന് ആശ്വാസം കണ്ടെത്താനുള്ള ശ്രമത്തിലായിരുന്നു സമീര്. എന്ട്രന്സ് പരിശീലനത്തിനായി ചെലവാക്കിയ തന്റെ രണ്ടു വര്ഷങ്ങളുടെ നിരാശ വേറെ .
11 ലക്ഷമായി കോടതി ഫീസ് നിശ്ചയിയിച്ചതിനെ തുടര്ന്ന് അടയ്ക്കാനുള്ള പണമില്ലാത്തതിനാല് ഗോകുലം കോളേജിലേയ്ക്ക് പോലും സമീര് പോയില്ല. തന്റെ നിരാശയും വിഷമവും എല്ലാം ഏഷ്യാനെറ്റിലൂടെ പ്രേക്ഷകരുമായി സമീര് പങ്കുവച്ചു. ഇതാണ് സമീറിന്റ ജീവിതത്തിലെ വലിയ വഴിത്തിരിവായത്. സമീറിന്റ അവസ്ഥ ടി വി ചര്ച്ചയിലൂടെ അറിഞ്ഞമെഡിക്കല് കോളേജ് ഉടമ ഗോകുലം ഗോപാലന് ഉടന് ബന്ധപ്പട്ടവര്ക്ക് നിര്ദ്ദേശം നല്കുകയായിരുന്നു. സമീറിനെ സൗജന്യമായി സ്ക്കോളര്ഷി്പ്പോടെ പഠിപ്പിക്കാന് തയ്യാറാണന്ന് ചര്ച്ചയ്ക്കിടെ കോളേജ് പ്രതിനിധി മനോജ് അറിയിക്കുകയായിരുന്നു. സമീറിന് അത് പറഞ്ഞറിയിക്കാനാവാത്ത സന്തോഷത്തിന്റ നിമിഷം.
https://www.facebook.com/Malayalivartha
