ദിലീപിനെതിരെ പ്രതിഷേധമോ ജയ് വിളിയോ വരാത്തതിനാല് എല്ലാം ശാന്തമായി അവസാനിച്ചു
നടിയെ ആക്രമിച്ചതിലെ ഗൂഢാലോചന കേസില് റിമാന്ഡില് കഴിയുന്ന ദിലീപ് 58 ആം ദിവസം പിതാവിന്റെ ശ്രാദ്ധചടങ്ങിന് പുറത്തിറങ്ങിയത് അതീവ സുരക്ഷയില്. പോലീസ് പ്രതീക്ഷിച്ചപോലെ പ്രതിഷേധമോ ഫാന്സ് തരംഗമോ ദിലീപിനെ വരവേല്ക്കാന് എത്തിയിരുന്നില്ല. ഫാന്സുകാര് റോഡ് ഷോയ്ക്കോ കീ വിളിക്കോ തയ്യാറായിരുന്നെങ്കില് അതിനെതിരെ പ്രതിഷേധം വരികയും അങ്ങനെ ദിലീപിന്റെ ജാമ്യം അടയുകയും ചെയ്യുമായിരുന്നു. ഇത് മുന്നില് കണ്ട് ഫാന്സുകാര്ക്ക് ദിലീപിന്റെ അനുയായികള് നിര്ദേശം നല്കിയിരുന്നു. എല്ലാം ശാന്തമായി കലാശിച്ചതോടെ ഇനിയുള്ള ജാമ്യാപേക്ഷ എളുപ്പത്തിലാകും.
പതിവുപോലെ മാധ്യമങ്ങള് മാത്രമാണ് ദിലീപിന്റെ വരവ് ഒപ്പിയെടുക്കാന് മണിക്കൂറുകളായി ആലുവ സബ് ജയിലിനു മുന്നിലും കുടുംബവീടായ പത്മസരോവരത്തിനു മുന്നിലും കാത്തുനിന്നത്.
ദിലീപ് അറസ്റ്റിലായതിനു പിന്നാലെ നാട്ടുകാരുടെയും ചില സംഘടനകളുടെയും വലിയ പ്രതിഷേധം ഉയര്ന്നിരുന്നു. ജയിലില് നിന്ന് പുറത്തിറങ്ങുമ്പോഴും കോടതിയില് എത്തുമ്പോഴും തെളിവെടുപ്പ് വേളിയിലും വലിയ പ്രതിഷേധം ഉയര്ന്നിരുന്നു. ഇതേതുടര്ന്ന് ദിലീപിനെ ജയിലിന് വെളിയില് വിടാന് പോലീസ് തയ്യാറായിരുന്നില്ല. എന്നാല് പോലീസിനെ പോലും അതിശയിപ്പിക്കുന്നതായിരുന്നു ഇന്നത്തെ ശാന്തത.
ദിലീപിനെ അനുകൂലിച്ച് മലയാള സിനിമയിലെ പ്രമുഖര് അടക്കമുള്ളവര് രംഗത്തെത്തിയിരുന്നു. ഓണദിവസങ്ങളില് ദിലീപിനെ ജയിലിലെത്തി കാണാനും ഇവര് മത്സരിച്ചു. ദിലീപിന് അനുകൂലമായി പൊതുജനങ്ങളുടെ മനസ്സ് മാറിവരുന്നുവെന്ന സൂചനയാണ് ഇന്നത്തെ സാഹചര്യത്തില് നിന്ന് മനസ്സിലാകുന്നത്. ദിലീപ് വീട്ടിലെത്തിയപ്പോള് പോലീസിനെയും മാധ്യമങ്ങളെയും കണ്ട് ഏതാനും വഴിയാത്രക്കാര് മാത്രമാണ് അവിടെ തടിച്ചുകൂടിയത്. എന്നാല് ഒരു പ്രതിഷേധസ്വരം പോലും എവിടെ നിന്നും ഉയര്ന്നിരുന്നില്ല. ശ്രാദ്ധത്തിന് വന്ന ദിലീപായത് കൊണ്ട് എല്ലാവരും പ്രത്യേക മാനസികാവസ്ഥയിലായിരുന്നു. അതിനാലാണ് ആരും പ്രതിഷേധവുമായി വരാതിരുന്നത്.
കഴിഞ്ഞ ദിവസം ജാമ്യം നിഷേധിച്ചപ്പോള് ഫാന്സ് അസോസിയേഷന് ആലുവയില് പ്രതിഷേധ പ്രകടനം നടത്തിയിരുന്നു. എന്നാല് ഇന്നത്തെ സാഹചര്യത്തില് ഒരുതരത്തിലുള്ള ഇടപെടലും പാടില്ലെന്ന് ഫാന്സ് നേതൃത്വം തന്നെ സോഷ്യല് മീഡിയ വഴി പ്രവര്ത്തകര്ക്ക് തുടര്ച്ചയായി നിര്ദേശം നല്കിയിരുന്നു. ഇന്ന് ഏതെങ്കിലും വിധത്തിലുള്ള പ്രതികൂല സാഹചര്യമുണ്ടായാല് അത് ദിലീപിന്റെ വരുംനാളുകളിലെ ജാമ്യാപേക്ഷകളില് ദോഷം ചെയ്യുമെന്ന മുന്നറിയിപ്പ് നല്കിയിരുന്നു. അതുകൊണ്ടുതന്നെ ഫാന്സുകാരും സംയമനം പാലിച്ചു.
കോടതി നിര്ദേശിച്ച എല്ലാ ഉപാധികളും അനുസരിച്ച് നിശ്ചയിച്ചതിലും പത്ത് മിനിറ്റ് മുന്പേ ജയിലില് തിരികെ പ്രവേശിച്ച് ദിലീപും പോലീസുമായി സഹകരിച്ചു. ആര്ക്കും ബുദ്ധിമുട്ട് സൃഷ്ടിക്കാതെ സൗമ്യനായി തന്നെ ദിലീപ് ജയിലിലേക്ക് മടങ്ങി.
https://www.facebook.com/Malayalivartha
