ഐപിഎല്ലിൽ ഇന്ന് ഡൽഹി ക്യാപിറ്റൽസ് ഗുജറാത്ത് ടൈറ്റൻസിനെ നേരിടും. ന്യൂഡൽഹിയിലെ അരുൺ ജയറ്റ്ലി സ്റ്റേഡിയത്തിലാണ് മത്സരം നടക്കുക

തുടർച്ചയായ രണ്ട് മത്സരങ്ങളും വിജയിച്ച് മികച്ച ഫോമിലാണ് ഡൽഹി ക്യാപിറ്റൽസ് ഉള്ളത്. എന്നാൽ കളിച്ച രണ്ട് മത്സരങ്ങളും തോറ്റ് ആണ് ഗുജറാത്ത് ഇന്നത്തെ മത്സരത്തിന് എത്തുന്നത്. അക്ഷർ പട്ടേലിന്റെ നേതൃത്വത്തിൽ മികച്ച ഫോമിലാണ് ഡൽഹി ക്യാപിറ്റൽസ് കളിക്കുന്നത്.

ബൗളിങ് വിഭാഗമാണ് ടീമിന്റെ പ്രധാന ശക്തി. ലുങ്കി എന്‍ഗിഡി,മുകേഷ് കുമാർ, ടി നടരാജൻ എന്നിവരുടെ പേസ് ആക്രമണം എതിരാളികളെ പേടിപ്പെടുത്തുന്നതാണ്. അതുകൊണ്ട് തന്നെ ഓസ്ട്രേലിയൻ താരം മിച്ചൽ സ്റ്റാർക്കിന്റെ അഭാവം ടീമിനെ ബാധിച്ചിട്ടുമില്ല.

സ്പിന്നിങ് വിഭാഗത്തിലും ക്യാപിറ്റൽസ് ശക്തരാണ്. ഇടംകൈ സ്പിന്നറായ കുൽദീപ് യാദവ് മിഡിൽ ഓവറുകളിൽ എതിരാളികളെ പിടിച്ചുകെട്ടാനായി കഴിയുന്നുണ്ട്. ഒപ്പം നായകൻ അക്ഷർ പട്ടേൽ നൽകുന്ന പിന്തുണയും ടീമിന് കരുത്തായി മാറുന്നു. എന്നാൽ, ബാറ്റിങിൽ കെ എൽ രാഹുൽ, നിതീഷ് റാണ എന്നിവർ സ്ഥിരം പരാജയമായി മാറുന്നത് ടീമിന് തിരിച്ചടിയാണ്.

മറ്റൊരുവശത്ത്, ഗുജറാത്ത് ടൈറ്റൻസിന് ഈ സീസണിൽ ഇതുവരെ വിജയം നേടാൻ കഴി്ഞിട്ടില്ല. കഴിഞ്ഞ മത്സരത്തിൽ രാജസ്ഥാൻ റോയൽസിനെതിരെ തോൽവി വഴങ്ങിയത് അവരുടെ ആത്മവിശ്വാസത്തെ ബാധിച്ചിട്ടുണ്ട്. എന്നാൽ നായകനായ ശുഭ്മാൻ ​ഗിൽ പരിക്കിൽ നിന്ന് മുക്തനായി ഈ മത്സരത്തിൽ കളിക്കാനിറങ്ങുന്നത് ടീമിന് ഗുണകരമാകും.