താരങ്ങള് ജയിലിലെത്തിയത് ദിലീപിന് പാരയാകുമോ?
നടിയെ ആക്രമിച്ച ഗൂഢാലോചന കേസില് ആലുവ സബ്ജയിലില് റിമാന്ഡില് കഴിയുന്ന ദിലീപിനെ കാണാന് സിനിമാക്കാരുടെ വരവ് ദിലീപിന് പാരയാകും. ചലച്ചിത്രതാരവും എം.എല്.എയുമായ കെ.ബി. ഗണേഷ് കുമാര്, താരങ്ങളായ ജയറാം, സുരേഷ് കൃഷ്ണ, കലാഭവന് ഷാജോണ്, ഹരിശ്രീ അശോകന്, ഏലൂര് ജോര്ജ്, സംവിധായകരായ രഞ്ജിത്ത്, നാദിര്ഷാ, നിര്മാതാവ് ആന്റണി പെരുമ്പാവൂര്, തിരക്കഥാകൃത്ത് ബെന്നി പി. നായരമ്പലം, നടന് സുധീര്, ജോര്ജേട്ടന്സ് പൂരത്തിന്റെ നിര്മാതാക്കളായ അരുണ് ഘോഷ്, ബിജോയ് ചന്ദ്രന് തുടങ്ങിയവരാണു കഴിഞ്ഞദിവസം ജയിലിലെത്തി ദിലീപിനെ സന്ദര്ശിച്ചത്.
ജയിലില് കിടന്നുകൊണ്ടുതന്നെ ദിലീപിനു സിനിമാര്ക്കാര്ക്കിടയില് സ്വാധീനമുണ്ടാക്കാന് കഴിയുമെന്ന് പ്രോസിക്യൂഷനു കോടതിയില് ആരോപിക്കാനുള്ള വഴിവയ്ക്കാന്മാത്രമേ ഈ സന്ദര്ശനങ്ങള്ക്കു കഴിയൂ. അമ്പത്തിമൂന്നു ദിവസത്തെ മൗനവ്രതത്തിനുശേഷം ദിലീപിനെ കാണാന് ആലുവ സബ് ജയിലിലേക്കു തള്ളിക്കയറുന്ന താരങ്ങള്ക്കു ദിലീപിനോട് ഇപ്പോള് തോന്നുന്ന സ്നേഹത്തിന്റെ ആത്മാര്ത്ഥതയില് സംശയമുണ്ടെന്നും താരങ്ങളുടേത് അഭിനയം മാത്രമാണെന്നും ദിലീപിനുവേണ്ടി മനുഷ്യാവകാശ കമ്മിഷനില് ഹര്ജി ഫയല് ചെയ്ത സലിം ആരോപിച്ചിട്ടുണ്ട്.
അറസ്റ്റ് ചെയ്തപ്പോള് അമ്മയുടെ ഭാരവാഹിസ്ഥാനത്തില്നിന്നു മാത്രമാണ് മാറ്റിനിര്ത്തേണ്ടിയിരുന്നത്. കുറ്റവാളിയാണെന്നു തെളിഞ്ഞ് കോടതി ശിക്ഷിക്കുന്നതുവരെ പ്രാഥമിക അംഗത്വം നിലനിര്ത്തേണ്ടതായിരുന്നു.പരമോന്നത കോടതിയായ സുപ്രീം കോടതി ശിക്ഷിക്കുന്നതുവരെ താന് നിരപരാധിയാണന്നു സമര്ഥിക്കാനുള്ള അവസരം ദിലീപിനുണ്ട്. അത് അറിയാത്തവരല്ല അമ്മയിലെ താരങ്ങള്.
നിയമപരമായോ വ്യക്തിപരമായോ സന്ദര്ശനങ്ങള് ദീലീപിന് ഒരു ഗുണവും ചെയ്യില്ല. കോടതിയുടെ ഓണാവധി കഴിഞ്ഞാല് ജാമ്യഹര്ജി കൊടുക്കാനിരിക്കെ വിപരീതമായ ഫലമുണ്ടാക്കുന്ന ഇപ്പോഴത്തെ സന്ദര്ശനങ്ങള് ഒഴിവാക്കേണ്ടതായിരുന്നു. സംസ്ഥാന മനുഷ്യാവകാശ കമ്മിഷനും പ്രധാനമന്ത്രിക്കും നല്കിയ ഹര്ജിയുടെ പകര്പ്പുകള് സലിം ദിലീപിനു കൈമാറി. ദിലീപിന് സിനിമാക്കാര്ക്കിടയില് സ്വാധീനമുണ്ടെന്നും പുറത്തിറങ്ങിയാല് ദിലീപ് സ്വാധീനമുപയോഗിച്ച് പെണ്കുട്ടിയെ ഇല്ലാതാക്കുമെന്നും ചൂണ്ടിക്കാട്ടിയാണ് പ്രോസിക്യൂഷന് ജാമ്യം തടഞ്ഞിരിക്കുന്നത്.
https://www.facebook.com/Malayalivartha
