ഇരയ്ക്ക് നീതി ലഭിക്കുന്നു... ബലാത്സംഗത്തിന് ഗൂഢാലോചന നടത്തിയെ കേസില് അഴിയെണ്ണുന്ന ദിലീപ് കൂടുതല് കുടുക്കിലേക്ക്; വാദിക്കാനൊന്നുമില്ലാതെ ദിലീപ് ഭക്തര് മാളത്തിലൊളിച്ചു
നാലാം പ്രാവശ്യവും ജാമ്യം നിഷേധിച്ചു കൊണ്ടുള്ള അങ്കമാലി കോടതിയുടെ ഉത്തരവ് ദിലീപിന് വിനയാകുന്നു. കേരളത്തിലെ ഏറ്റവും വിലപിടിച്ച വക്കീലന്മാരായ രാം കുമാറും രാമന് പിള്ളയും വാദിച്ചിട്ടു കൂടി ദിലീപിന് ജാമ്യം ലഭിക്കുന്നില്ല എന്നത് കേസിന്റെ ഗൗരവം കൂട്ടുന്നു.
ദിലീപിന് സ്വാഭാവിക ജാമ്യത്തിന് അര്ഹതയില്ലെന്ന് അങ്കമാലി കോടതി ഉത്തരവിട്ടത്. 20 വര്ഷം വരെ കഠിനതടവ് കിട്ടാവുന്ന കുറ്റമാണ് നടനു മേല് ചുമത്തിയിരിക്കുന്നത്. അതിനാല് കുറ്റപത്രം സമര്പ്പിക്കാനുള്ള സമയപരിധിക്കു ശേഷമേ സ്വാഭാവിക ജാമ്യത്തിന് അര്ഹതയുള്ളൂ എന്ന കര്ശനമായ വിധിയാണ് ഇന്നുണ്ടായത്.
രണ്ടുമാസം പിന്നിട്ടതിനാല് സ്വാഭാവിക ജാമ്യം വേണമെന്നാവശ്യപ്പെട്ടാണ് ദിലീപ് ജാമ്യാപേക്ഷ അങ്കമാലി മജിസ്ട്രേറ്റ് കോടതിില് നല്കിയത്. നടിയെ ആക്രമിച്ച കേസില് രണ്ടു മാസമായി ജയിലില് കഴിയുന്ന പ്രതി ദിലീപിന് കനത്ത തിരിച്ചടിയായി അങ്കമാലി ജുഡീഷ്യല് മജിസ്ട്രേറ്റ് കോടതി വിധി. നാലാം തവണയാണ് ദിലീപിന്റെ ജാമ്യഹര്ജി തള്ളുന്നത്.
നടിയുടെ നഗ്നചിത്രങ്ങള് പകര്ത്താന് ഗൂഢാലോചന നടത്തിയെന്ന കുറ്റം മാത്രമാണു പൊലീസ് ഉന്നയിച്ചതെന്നും അതില് അന്വേഷണം പൂര്ത്തിയായെന്നും ദിലീപ് ജാമ്യാപേക്ഷയില് ചൂണ്ടിക്കാട്ടിയിരുന്നു. 10 വര്ഷത്തില് താഴെ മാത്രം ശിക്ഷ കിട്ടാവുന്ന കുറ്റമായതിനാല് 65 ദിവസങ്ങളായി റിമാന്ഡില് കഴിയുന്ന പ്രതിക്കു സോപാധിക ജാമ്യം അനുവദിക്കണമെന്നായിരുന്നു പ്രതിഭാഗം വാദം. കൂട്ടമാനഭംഗക്കുറ്റം ദിലീപിനെതിരെ ആരോപിക്കാനാകില്ലെന്ന വാദവും പ്രതിഭാഗം ഉയര്ത്തിയിരുന്നു.
എന്നാല് കേസ് അന്വേഷണം അന്തിമ ഘട്ടത്തിലാണെന്നും ദിലീപിനു ജാമ്യം നല്കിയാല് സാക്ഷികളെ സ്വാധീനിക്കാന് കാരണമാകുമെന്നും പ്രോസിക്യൂഷന് നിലപാടെടുത്തു. മാത്രമല്ല രണ്ടു മാസത്തിലധികമായി ജയിലില് കിടന്നിട്ടും ദിലീപിന് ഇപ്പോഴും സിനിമാ മേഖലയില് നല്ല പിടിപാടാണെന്നും സിനിമാ മേഖലകളില്നിന്നുള്ളവര് ജയിലില് ദിലീപിനെ സന്ദര്ശിക്കുന്നത് ഇതിന്റെ തെളിവാണെന്നും പ്രോസിക്യൂഷന് കോടതിയെ ബോധിപ്പിച്ചു.
https://www.facebook.com/Malayalivartha
