കേസ് അന്തിമ ഘട്ടത്തിലേക്കെത്തുമ്പോള് തന്ത്രങ്ങള് മെനഞ്ഞ് പോലീസ്
നടിയെ ആക്രമിച്ച കേസ് നിര്ണായകമായി വഴിത്തിരിവിലേക്ക് കടക്കുകയാണ്. ജയിലില് കഴിയുന്ന ദിലീപിനെതിരായ കുറ്റപത്രം അടുത്ത മാസം 10ആം തിയതിക്കുള്ളില് സമര്പ്പിക്കുമെന്ന് സൂചന. അന്വേഷണം അവസാന ഘട്ടത്തിലാണ്. അറസ്റ്റിലായി 90 ദിവസത്തിനുള്ളില് കുറ്റപത്രം സമര്പ്പിച്ചില്ലെങ്കില് ദിലീപിന് ജാമ്യം ലഭിക്കും. ഇതിനിടെ നടി ആക്രമിക്കപ്പെട്ട ശേഷം ഒരു മാധ്യമത്തിന് നല്കിയ അഭിമുഖവും ദിലീപിനെതിരായെന്നാണ് സൂചനകള്. ഇതില് ചില കാര്യങ്ങളും കേസ് തെളിയിക്കാന് പോലീസ് ആയുധമാക്കുമെന്നാണ് സൂചനകള്.
സംഭവശേഷം പിറ്റേ ദിവസം രാവിലെ നടി തങ്ങിയത് രമ്യാ നമ്പീശന്റെ വീട്ടിലാണ്. ഇവിടേയ്ക്ക് ദിലീപ് വിളിച്ചിരുന്നു. എന്നാല് എല്ലാ സഹപ്രവര്ത്തകരെയും പോലെ വിവരം അന്വേഷിക്കാന് മാത്രമാണ് ദിലീപ് വിളിച്ചതെന്ന് പ്രതിഭാഗം വാദിച്ചു. ക്വട്ടേഷന് തന്നയാള് നാളെ രാവിലെ 10 മണിക്കകം വിളിക്കുമെന്ന് സുനി നടിയോട് പറഞ്ഞിരുന്നു. അതിനാല് ദിലീപിന്റെ വിളി അസ്വാഭാവികമാണെന്ന് പോലീസ് പറയുന്നു.
എന്നാല് രണ്ടു തവണയായി 18 മണിക്കൂര് ചോദ്യം ചെയ്തിട്ടും നാദിര്ഷയില് നിന്ന് കൂടുതല് വിവരങ്ങള് ഒന്നും ലഭിച്ചിട്ടില്ലെന്നാണ് സൂചന. കൂടുതലായൊന്നും അറിയില്ലെന്ന നിലപാടിലാണ് നാദിര്ഷ. സുനിയുമായി നാദിര്ഷയ്ക്ക് ബന്ധമുള്ളതായി സ്ഥിതീകരിക്കാനും സാധിച്ചിട്ടില്ല.
https://www.facebook.com/Malayalivartha
