വിദ്യാര്‍ത്ഥി സമരത്തിലൂടെ നാടിനെ ഇളക്കി മറിച്ച എസ്‌എസ്‌ഐ പുതിയ സമര രീതിയിലേക്ക്‌. പഠിപ്പു മുടക്കിയുള്ള സമരത്തില്‍ നിന്നാണ്‌ എസ്‌എഫ്‌ഐ പിന്മാറുന്നത്‌. പഠിപ്പുമുടക്കു സമരം കാലഹരണപ്പെട്ടതാണെന്നും വിദ്യാഭ്യാസരംഗത്തിന്‌ അതു ഗുണകരമല്ലെന്നുമാണ്‌ സിപിഎം നേതാക്കളുടെ പുതിയ കണ്ടു പിടുത്തം. സിപിഎം കേന്ദ്രകമ്മിറ്റി അംഗം ഇ.പി. ജയരാജന്റെ പ്രസ്ഥാവനയോടെ പഠിപ്പുമുടക്കി സമരത്തിനെതിരെ എസ്‌എഫ്‌ഐയും രംഗത്തു വന്നു.
ഇ.പി. ജയരാജനു പിന്നാലെ എസ്‌എഫ്‌ഐ അഖിലേന്ത്യാ പ്രസിഡന്റ്‌ വി. ശിവദാസനും പഠിപ്പുമുടക്കിനെയും അക്രമസമ രത്തെയും തള്ളി രംഗത്തു വന്നിട്ടുണ്ട്‌. പൊതുമുതല്‍ നശിപ്പിച്ചും വിദ്യാഭ്യാസ സ്ഥാപനങ്ങള്‍ ആക്രമിച്ചുമുള്ള സമരരീതി എല്ലാ സംഘടനകളുടെയും ഭാഗത്തുനിന്ന്‌ ഇന്നലെകളില്‍ ഉണ്ടായിട്ടുണ്ടെന്നും പുതിയ കാലത്തു കാലോചിതമായി ഇതു പരിഷ്‌കരിക്കേണ്ടി വരുമെന്നും ശിവദാസന്‍ ചൂണ്ടിക്കാട്ടി.
അനാവശ്യ സമരങ്ങളോടും പൊതുമുതല്‍ നശിപ്പിക്കുന്ന രീതിയോടും പുതുതലമുറയിലെ വിദ്യാര്‍ഥികള്‍ മുഖംതിരിഞ്ഞു നില്‍ക്കുന്നുവെന്നു സംഘടന വിലയിരുത്തുന്നുണ്ട്‌. ഈ പശ്ചാത്തലത്തില്‍ സമരമാര്‍ഗത്തില്‍ പൊളിച്ചെഴുത്തിന്‌ എസ്‌എഫ്‌ഐ തയാറാണെന്നും ശിവദാസന്‍ പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha