സ്റ്റാര്‍ട്ട്‌ കാര്‍ഡ്‌ സംരംഭങ്ങള്‍ക്ക്‌ 10,000 കോടി; മാണിയുടെ സ്വപ്‌ന പദ്ധതിക്ക്‌ കേന്ദ്ര ബജറ്റില്‍ സ്ഥാനം
ധനമന്ത്രി കെ.എം മാണി കേരളത്തില്‍ നടപ്പിലാക്കിയ രണ്ടു പദ്ധതികള്‍ കേന്ദ്ര ബജറ്റില്‍ ഇടം നേടി. കെ.എം.മാണിയുടെ ബജറ്റില്‍ പ്രഖ്യാപിച്ച നൈപുണ്യ വികസന പദ്ധതിയും സ്വയം തൊഴില്‍ സംരംഭക മിഷനുമാണ്‌ കേന്ദ്ര ബജറ്റില്‍ ഉള്‍പ്പെട്ടത്‌.
സ്‌കൂളുകളിലാണ്‌ നൈപുണ്യ വികസന പദ്ധതി കേരളം നടപ്പിലാക്കിയത്‌. സംസ്ഥാനത്തെ മികച്ച മാതൃകകള്‍ കേന്ദ്ര ബജറ്റില്‍ ഉള്‍പ്പെടുത്തുമെന്ന്‌ പ്രധാനമന്ത്രി നരേന്ദ്രമോദി പ്രഖ്യാപിച്ചിരുന്നു. വിദ്യാഭ്യാസത്തോടൊപ്പം നൈപുണ്യ വികസനം സാധ്യമാക്കുന്ന നൈപുണ്യവികസന പദ്ധതി ബജറ്റില്‍ ഉള്‍പ്പെടുത്തണമെന്ന്‌ ധനമന്ത്രി കെ.എം.മാണി നരേന്ദ്രമോദിയോട്‌ ആവശ്യപ്പെട്ടിരുന്നു. പുതിയ തൊഴില്‍ സംരംഭകരെ കണ്ടെത്തുന്നതിനുവേണ്ടിയാണ്‌ കേരള ഫിനാന്‍ഷ്യല്‍ കോര്‍പ്പറേഷന്‍ വഴി സ്വയം സംരംഭക മിഷന്‍ പ്രഖ്യാപിച്ചത്‌.
ഗ്രാമീണ യുവജനങ്ങളുടെ തൊഴില്‍ വികസനത്തിന്‌ സ്റ്റാര്‍ട്ട്‌ അപ്‌ വില്ലേജുകള്‍ സ്ഥാപിക്കാന്‍ കേന്ദ്ര സര്‍ക്കാര്‍ ബജറ്റില്‍ പ്രഖ്യാപിച്ചു. 10,000 കോടി ഇതിനുവേണ്ടി വകയിരുത്തി. സ്വയം സംരംഭക മിഷന്റെ മാതൃകയിലുള്ളതാണ്‌ സ്റ്റാര്‍ട്ട്‌ അപ്‌ വില്ലേജ്‌. യുവജനങ്ങള്‍ക്ക്‌ കേരളത്തില്‍ 20 ലക്ഷം രൂപ പലിശരഹിത വായ്‌പയായി നല്‍കുന്ന പദ്ധതിയുടെ മാതൃകയാണ്‌ കേന്ദ്രമന്ത്രി അരുണ്‍ ജയ്‌റ്റ്‌ലി അദ്ദേഹത്തിന്റെ ബജറ്റില്‍ സ്വീകരിച്ചത്‌. ജെയ്‌റ്റ്‌ലി പ്രഖ്യാപിച്ച സ്‌കില്‍ ഇന്ത്യ പദ്ധതിയും കേരളത്തെ മാതൃകയാക്കി.
തൊഴില്‍ നൈപുണ്യ പദ്ധതി കേരളം നടപ്പാക്കി കഴിഞ്ഞു. കഴിഞ്ഞ വര്‍ഷം ഇതിന്റെ ഉദ്‌ഘാടനം സംസ്ഥാന വിദ്യാഭ്യാസ മന്ത്രി നിര്‍വഹിച്ചിരുന്നു. സ്‌കുളൂകളിലും കോളേജുകളിലും പദ്ധതി ആരംഭിച്ചു കഴിഞ്ഞു. പഠനം പൂര്‍ത്തിയാക്കി പുറത്തു വരുന്നവര്‍ക്കാണ്‌ സ്റ്റാര്‍ട്ട്‌ അപ്‌ സംരംഭങ്ങള്‍ ഗുണകരമാവുക. കേരളത്തിലും സ്റ്റാര്‍ട്ട്‌ അപ്‌ സംരംഭങ്ങള്‍ക്ക്‌ സര്‍ക്കാര്‍ ധനസഹായം നല്‍കുന്നുണ്ട്‌.
സര്‍ക്കാരിന്റെ ചിലവുകള്‍ വിലയിരുത്തുന്നതിന്‌ കേരളത്തിലുളള കമ്മിറ്റിയുടെ മാതൃകയിലാണ്‌. കേന്ദ്രത്തില്‍ ചിലവ്‌ മേല്‍നോട്ട സമിതിക്ക്‌ രൂപം നല്‍കിയിരിക്കുന്നത്‌. കേരളത്തിലെ ചിലവ്‌ മേല്‍നോട്ട സമിതിയുടെ അധ്യക്ഷന്‍ ഡോ. ബി.എ.പ്രകാശാണ്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
