പി. കൃഷ്ണപിള്ളയുടെ സ്മാരകത്തിനു തീയിട്ടിട്ട് ഇന്നേക്ക് നാല് വര്ഷം
കമ്മ്യൂണിസ്റ്റാചാര്യന് പി. കൃഷ്ണപിള്ളയുടെ സ്മാരകത്തിനു തീയിട്ടിട്ട് ഇന്ന് നാല് വര്ഷം. കൃഷ്ണപിള്ള ഒളിവില് കഴിയുന്നതിനിടെ മരിച്ച മുഹമ്മയിലെ സ്മാരകം 2013 ഒക്ടോബര് 31ന് അര്ദ്ധരാത്രിയാണ് കത്തിച്ചത്. സിപിഎമ്മുമായി അടുപ്പമുള്ളവരായിരുന്നു പ്രതികള്. സ്മാരകം തകര്ത്ത കേസില് ഇവരല്ല യഥാര്ത്ഥ പ്രതികളെന്ന നിലപാടാണ് വിഎസ് പരസ്യമായി സ്വീകരിച്ചത്.
ഇവരെ കുറ്റക്കാരാണെന്ന് വിധിച്ച് പാര്ട്ടി നടപടി സ്വീകരിച്ചതിലും വിഎസ് എതിര്പ്പ് പ്രകടിപ്പിച്ചിരുന്നു. പാര്ട്ടിയിലെ വിഭാഗീയതയാണ് അക്രമത്തിന് കാരണമെന്ന് െ്രെകംബ്രാഞ്ച് എസ്പി പി.ബി. രാജീവിന്റെ നേതൃത്വത്തിലുള്ള അന്വേഷണ സംഘം ആലപ്പുഴ ജുഡീഷ്യല് ഒന്നാം കഌസ് മജിസ്ട്രേറ്റ് കോടതിയില് നല്കിയ കുറ്റപത്രത്തില് വ്യക്തമാക്കിയിരുന്നു.
പാര്ട്ടി സ്ഥാപകാചാര്യന് പാമ്പുകടിയേറ്റ് മരിച്ച സ്മാരകമന്ദിരം ചുറ്റുമതില് പോലും കെട്ടി സംരക്ഷിച്ചിരുന്നില്ല. അതിനാലാണ് ഇരുട്ടിന്റെ മറവില് സ്മാരകത്തില് അതിക്രമം നടത്താന് അക്രമികള്ക്ക് കഴിഞ്ഞതെന്നും വിമര്ശനം ഉയര്ന്നിരുന്നു. പി. കൃഷണപിള്ളയുടെ പേരില് സാംസ്ക്കാരിക കേന്ദ്രം തുടങ്ങുമെന്ന് പിണറായി സര്ക്കാരിന്റെ ആദ്യ ബജറ്റില് പ്രഖ്യാപിച്ചിരുന്നെങ്കിലും യാതൊരു നടപടിയും ഇതുവരെ സ്വീകരിച്ചിട്ടില്ല.
https://www.facebook.com/Malayalivartha
