കൊല്ലത്ത് പത്താം ക്ലാസ് വിദ്യാര്ഥിനി ഗൗരി ആത്മഹത്യ ചെയ്തതിനെ തുടര്ന്ന് വിവാദത്തിലായ കൊല്ലം ട്രിനിറ്റി സ്കൂള് ഇന്ന് തുറന്നു
കൊല്ലത്ത് പത്താം ക്ലാസ് വിദ്യാര്ഥിനി ആത്മഹത്യ ചെയ്തതിനെ തുടര്ന്ന് വിവാദത്തിലായ കൊല്ലം ട്രിനിറ്റി സ്കൂള് നാളെ തുറക്കും. ഇന്നലെ ചേര്ന്ന പിടിഎ യോഗത്തിലാണ് തീരുമാനം ഉണ്ടായത്. പിടിഎ യോഗത്തിനെത്തിയ ഗൗരിയുടെ പിതാവ് പ്രസന്നനെ മാനേജ്മെന്റ് പ്രതിനിധികളും അധ്യാപകരും ചേര്ന്ന് അപമാനിച്ചിരുന്നു. മാനേജ്മെന്റ് വിളിച്ചുചേര്ത്ത പിടിഎ മീറ്റിംഗിലായിരുന്നു സംഘര്ഷം.
ഒരു വിഭാഗം രക്ഷകര്ത്താക്കള് സ്കൂള് തുറക്കണമെന്ന നിലപാടെടുത്തപ്പോള്, ഒരു വിഭാഗം സ്കൂള് തുറക്കാന് അനുവദിക്കില്ലെന്നും വ്യക്തമാക്കി. ഇതാണ് ബഹളത്തിലേക്ക് നയിച്ചത്. കനത്ത പോലീസ് കാവലിലാണ് യോഗം ആരംഭിച്ചത്. അതേസമയം കുറ്റക്കാരായ അധ്യാപകര്ക്കെതിരെ നടപടിയെടുത്തതിന് ശേഷം മാത്രമേ സ്കൂള് തുറക്കാന് അനുവദിക്കൂയെന്ന് ഗൗരിയുടെ പിതാവ് യോഗത്തില് വ്യക്തമാക്കിയിരുന്നു.
അല്ലാത്തപക്ഷം താനും തന്റെ കുടുംബവും സ്കൂളിന് മുന്നില് ആത്മഹത്യ ചെയ്യുമെന്നും പിതാവ് പറഞ്ഞു. ഇരുവിഭാഗങ്ങളും തമ്മിലുള്ള തര്ക്കം രൂക്ഷമായതോടെ പോലീസ് ഇടപെടുകയായിരുന്നു. സ്കൂളിലെ അധ്യാപികമാരുടെ മാനസിക പീഡനത്തെത്തുടര്ന്ന് ഇക്കഴിഞ്ഞ വെള്ളിയാഴ്ചയാണ് ഗൗരി സ്കൂള് കെട്ടിടത്തിന്റെ മൂന്നാം നിലയില് നിന്ന് ചാടി ആത്മഹത്യ ചെയ്തത്.
അതീവ രുരുതരാവസ്ഥയില് തിരുവനന്തപുരത്തെ അനന്തപുരി ആശുപത്രിയിലായിരുന്നു കുട്ടി ചികിത്സയില് കഴിഞ്ഞത്. ആത്മഹത്യാ പ്രേരണക്കുറ്റത്തിന് അധ്യാപികമാര്ക്കെതിരെ പോലീസ് കേസെടുത്തിരുന്നു.
https://www.facebook.com/Malayalivartha
