ഐ പി എസ് ട്രെയിനിയായിരിക്കെ ഐഎഎസിനായി സിവില്സര്വ്വീസ് പരീക്ഷയില് ക്രമക്കേട് കാട്ടിയ സഫീര് കരീമിന് കിട്ടിയത് എട്ടിന്റെ പണി
ഐ പി എസ് ട്രെയിനിയായിരിക്കെ ഐഎഎസിനായി സിവില്സര്വ്വീസ് പരീക്ഷയില് ക്രമക്കേട് കാട്ടിയതാണ് എറണാകുളം സ്വദേശി സഫീര് കരീമിനും ഭാര്യക്കും പണി ആയത്.
ഇടുക്കി സ്വദേശിനി ജോയ്സി ആണ് അറസ്റ്റിലായത്. ഹൈദരാബാദിലെ ഒരു സിവില് സര്വീസ് അക്കാദമിയില് അധ്യാപികയാണ് ഇവര്. ഹൈദരാബാദില് നിന്നാണ് ഇവരെ ഇന്നു രാവിലെ കസ്റ്റഡിയില് എടുത്തത്. പരീക്ഷാ ഹാളില് നിന്ന് ബ്ലൂടുത്ത് വഴി കോപ്പിയടിച്ച സഫീര് കരീമിനെ ഇന്നലെയാണ് ഐ.ബി പിടികൂടിയത്.
സഫീര് മുന് പരീക്ഷകളിലും കോപ്പിയടിച്ചുവെന്ന് കണ്ടെത്തിയതിനെ തുടര്ന്നാണ് ഐ.ബി ഉദ്യോഗസ്ഥര് പരീക്ഷാഹാളില് പരിശോധന നടത്തിയത്. ഹാളില് കയറും മുന്പ് ഉദ്യോഗാര്ത്ഥികള് സുരക്ഷാ പരീക്ഷ പതിവാണ്. കൈവശമുണ്ടായിരുന്ന മൊബൈല് ഫോണും മറ്റും ഈ സമയം സുരക്ഷാ ജീവനക്കാര്ക്ക് കൈമാറും.
ഇതുകൂടാതെ ഷൂവിന്റെ സോക്സിനുള്ളില് ഒളിപ്പിച്ചുകയറ്റിയ മൊബൈല് ഫോണും കോഡ്ലെസ് ബ്ലൂടുത്തും ഉപയോഗിച്ച് കോപ്പിയടിക്കുകയായിരുന്നു സഫീറിന്റെ പതിവ്. പരീക്ഷാ ചോദ്യപേപ്പര് കോപ്പിയെടുത്ത് ഭാര്യയ്ക്ക് അയച്ചുകൊടുക്കുകയും അവര് അതിന്റെ ഉത്തരങ്ങള് പറഞ്ഞുകൊടുക്കുകയുമായിരുന്നു. 2014ല് ഐ.പി.എസ് ലഭിച്ചിരുന്ന സഫീര് കരീം ഐ.എ.എസ് ലഭിക്കുന്നതിനു വേണ്ടിയാണ് വീണ്ടും പരീക്ഷ എഴുതിയത്.
എറണാകുളം സ്വദേശിയായ കരീം തമിഴ്നാട് കേഡറില് പ്രൊബേഷനറി ഓഫീസര് ആയിരുന്നു. ജോയ്സി ജോലി ചെയ്തിരുന്ന സിവില് സര്വീസ് പരീശീലന കേന്ദ്രത്തിന്റെ ഡയറക്ടര്ക്കും സംഭവത്തില് പങ്കുണ്ടെന്നാണ് ഐ.ബി നിഗമനം. മൂന്നു പേര്ക്കുമെതിരെ വഞ്ചന അടക്കം വിവിധ വകുപ്പുകള് പ്രകാരം കേസെടുക്കാനാണ് തീരുമാനം.
https://www.facebook.com/Malayalivartha
