ആളൊഴിഞ്ഞ സ്ഥലത്ത് പെണ്കുട്ടികള്ക്ക് മുമ്പില് നഗ്നത പ്രദര്ശനം നടത്തുന്ന ടെക്നോപാര്ക്ക് ജീവനക്കാരന് പിടിയില്
ബൈക്കില് കറങ്ങിനടന്ന് പത്താം ക്ലാസ് വിദ്യാര്ത്ഥിനികള് മുതല് മുതിര്ന്ന് സ്ത്രീകളോട് വരെ പ്രായഭേദമന്യേ മോശമായി പെരുമാറുകയും നഗ്നത പ്രദര്ശനം നടത്തുകയും ചെയ്യുന്ന ടെക്നോപാര്ക്കിലെ ജീവനക്കാരനായ ആരോണ് ലാലാണ് പിടിയിലായത്. ഷാഡോ പൊലീസാണ് ഇയാളെ പിടികൂടിയത്. ബിടെക് ബിരുദധാരിയായ ഇയാള് ടെക്നോപാര്ക്കിലെ ഒരു കമ്പനിയിലെ എഞ്ചിനീയറാറാണ്.
തിരുവനന്തപുരത്തെ കേശവദാസപുരത്താണ് ഇയാള് താമസിക്കുന്നത്. ട്യൂഷന് ക്ളാസ് കഴിഞ്ഞ് വരുന്ന പ്ലസ് ടൂ പെണ്കുട്ടികളെ ശാസ്തമംഗലത്ത് വെച്ച് ഇയാള് സ്ഥിരം ശല്യം ചെയ്തിരുന്നു. സമാനമായ രീതിയില് നഗരത്തിലെ പല ട്യൂഷന് സെന്ററുകളിലും ക്ലാസ് കഴിഞ്ഞ് വരുന്ന പെണ്കുട്ടികളോട് കമ്മന്റു പറയുകയും ഒരു പരിചയവുമില്ലാത്തവരോട് പോലും പ്രണയാഭ്യര്ഥന നടത്തുന്നതും ഇയാളുടെ പതിവാണ്. ഇങ്ങനെ ശല്യം രൂക്ഷമായതോടെയാണ് ശാസ്തമംഗലത്തെ ട്യൂഷന് സെന്ററിലെ വിദ്യാര്ത്ഥിനികള് സംഭവം വീട്ടില് അറിയിച്ചത്.
പെണ്കുട്ടികളില് ചിലര് രക്ഷിതാക്കളുമായി നേരിട്ടെത്തി പൊലീസിന് പരാതി നല്കുകയും ചെയ്തു. അവിടെ സ്ഥിതി വഷളാകുന്നുവെന്ന് കണ്ടതോടെ ആരോണ് മറ്റ് സ്ഥലങ്ങളിലേക്ക് പോവുകയും പിന്നെ പ്രശ്നം ശാന്തമായെന്ന് മനസ്സിലാകുമ്പോള് വീണ്ടും പഴയ സ്ഥലത്ത് പ്രത്യക്ഷപ്പെടുന്നതുമാണ് രീതി. എന്നാല് ഇത്തവണ ആരോണ് കുടുങ്ങിയത് പരാതി നല്കിയ പെണ്കുട്ടികളിലൊരാള് ഇയാളുടെ വാഹന നമ്പറും കൂടി ചേര്ത്ത് പരാതി നല്കിയതോടെയാണ്. വാഹനത്തിന്റെ രജിസ്ട്രേഷന് ഉള്പ്പടെ പരിശോധിച്ചാണ് ഇയാളെ പിടികൂിയത്.
നേരത്തെ ശാസ്തമംഗലം, ഇടപ്പഴിഞ്ഞി എന്നിവിടങ്ങളില് താമസിക്കുന്ന സമയത്ത് ഇയാള് ചില വീട്ടമ്മമാരോടും അസഭ്യം പറഞ്ഞതുള്പ്പടെ പരാതിയുണ്ടായിരുന്നു. സ്കൂള് കോളേജ് വിദ്യാര്ത്ഥിനികള്ക്ക് പുറമെ ജോലി കഴിഞ്ഞ് വീട്ടിലേക്ക് വരുന്ന സ്ത്രീകളോടും ഇയാള് നഗ്നത പ്രകടനം നടത്തിയിരുന്നു. ഇടവഴികളിലും ഇടറോഡുകളിലും നിന്ന ശേഷം സ്ത്രീകള് വരുന്നത് കണ്ടാല് മന:പൂര്വ്വം നഗ്നത പ്രദര്ശനം നടത്തി മൂത്രമൊഴിക്കുക, വിസിലടിക്കുക, അനാവശ്യമായ കമന്റുകള് പറയുക എന്നിവയാണ് സ്ഥിരം കലാപരിപാടികളെന്നും പൊലീസ് പറയുന്നു.
രണ്ട് മാസത്തോളമായി പരാതി ലഭിച്ചിട്ടെങ്കിലും ശല്യം ചെയ്യുന്നുവെന്നല്ലാതെ കൂടുതല് വിവരങ്ങള് ലഭിച്ചിരുന്നില്ല. ഇയാളുടെ ബൈക്കിന്റെ നമ്പര് കിട്ടിയതോടെയാണ് തങ്ങള്ക്കും കാര്യങ്ങള് എളുപ്പമായതെന്നും പൊലീസ് പറയുന്നു. ടെക്നോപാര്ക്കിലെ ഉദ്യോഗസ്ഥനായ ഇയാള് അതിരാവിലെയും വൈകിട്ടുമാണ് ആളൊഴിഞ്ഞ പ്രദേശങ്ങളില് ബൈക്കില് കറങ്ങി നടന്ന് സ്ത്രീകളോട് അപമര്യാദയായി പെരുമാറിയിരുന്നത്.
ഇടപ്പഴിഞ്ഞി സിഎസ്എം നഗറിനു സമീപത്ത് സ്കൂള് വിദ്യാര്ത്ഥിനിയെ ആക്രമിച്ചത്, അതിനടുത്ത് മറ്റൊരു സ്ത്രീയോട് നഗ്നതാപ്രദര്ശനം നടത്തിയത്, പട്ടം എല്ഐസി ലെയ്നില് സ്ത്രീയോട് അപമര്യാദയായി പെരുമാറിയത്, ചാരച്ചിറ കുളത്തിനു സമീപത്ത് സ്ത്രീകളോട് അനാവശ്യം പറഞ്ഞത്, മറ്റൊരു സ്ത്രീയെ ആക്രമിച്ചത് ഉള്പ്പെടെ നിരവധി സംഭവങ്ങള് പൊലീസ് ചോദ്യം ചെയ്യലില് ഇയാള് സമ്മതിച്ചു.
https://www.facebook.com/Malayalivartha
