കാര്ത്തികേയന് ഒഴിയാന് തീരുമാനിച്ചപ്പോള് വക്കം രാജിവച്ചതെന്തിന്?
വക്കം വന്നു ഇനി കേരളത്തില് മന്ത്രിയാകാനാണ് ആഗ്രഹം. വക്കം ധനകാര്യമന്ത്രിയായിരിക്കെ സംസ്ഥാനത്ത് നൂറ് പൂക്കള് വിരിയിച്ചതായി വക്കത്തിന്റെ അടുത്ത സഹൃത്തുക്കള് മലയാളിവാര്ത്തയോട് പറഞ്ഞു. നാഗാലാന്റ് ഗവര്ണറാക്കിയതിന്റെ പേരിലാണ് വക്കം രാജിവച്ചിരിക്കുന്നത്. മിസോറാം ഗവര്ണ്ണറായിരുന്നു അദേഹം. എന്നാല് മന്ത്രിസഭാ പുനസംഘടനയുടെ കാറ്റ് തിരുവനന്തപുരത്ത് അടിച്ചുതുടങ്ങിയപ്പോള് വക്കം പൊടുന്നനെ രാജിവെച്ചതെന്തിനാണെന്നാണ് കോണ്ഗ്രസിന്റെ സംശയം. താന് രാഷ്ട്രീയ പ്രവര്ത്തകനായി തുടരുമെന്നാണ് വക്കം പറയുന്നത്. ഗവര്ണര് പദവിയെ അപമാനിച്ചുവെന്നാണ് വക്കത്തിന്റെ പരാതി. ക്ലാര്ക്കുമാരെ മാറ്റിയതുപോലെ തന്നെ മാറ്റാന് ശ്രമിച്ചു. എന്നാല് ഇതിനു മുന്നേ രാജിവച്ചുകൂടായിരുന്നോ എന്നാണ് കോണ്ഗ്രസുകാരുടെ ചോദ്യം.കേന്ദ്ര ആഭ്യന്തര സെക്രട്ടറി വക്കത്തോട് രാജിവയ്ക്കാന് ആവശ്യപ്പെട്ടിരുന്നു. എന്നാല് ശങ്കരനാരായണനും ഷീലാദീക്ഷിത്തും വക്കവും രാജിവയ്ക്കാനാവില്ലെന്ന നിലപാടാണ് സ്വീകരിച്ചത്.
മിസോറാമില് നിന്നും ഡല്ഹി വഴിയാണ് വക്കം കേരളത്തിലെത്തിയത്. ഡല്ഹിയില് സോണിയ ഗാന്ധിയേയും രാഹൂല് ഗാന്ധിയേയും അതീവ രഹസ്യമായി സന്ദര്ശിച്ചു. താന് ഗവര്ണര് സ്ഥാനം രാജിവയ്ക്കുകയാണെന്നും കേരളാ കോണ്ഗ്രസില് ഒരിടം നല്കണമെന്നുമാണ് ആവശ്യം. ഒരു പ്രത്യേകസമുദായത്തിന്റെ പിന്തുണ എനിക്കുണ്ടെന്നും ബാര് വിഷയത്തില് ഇടഞ്ഞുനില്ക്കുന്ന സമുദായത്തെ പാട്ടിലാക്കാന് തന്റെ മന്ത്രിസ്ഥാനത്തിന് കഴിയുമെന്നും വക്കം പറഞ്ഞതായി അറിയുന്നു. ഉമ്മന്ചാണ്ടിയോട് സംസാരിക്കാനായിരുന്നു സോണിയയുടെ നിര്ദേശം. കാര്ത്തികേയന് സ്പീക്കര് സ്ഥാനം ഒഴിഞ്ഞ് മന്ത്രിയാകുമെന്ന് സോണിയ വക്കത്തെ അറിയിച്ചു. കേരളമന്ത്രിസഭയില് പുനസംഘടനയ്ക്ക് അനുമതി നല്കിയിട്ടുണ്ടെന്നും ഹൈക്കമാന്റ് വക്കത്തെ അറിയിച്ചു.
കേരളത്തിലെത്തിയ വക്കം തീരുമാനമെടുത്താണ് രാജിവാര്ത്ത സ്തിരീകരിച്ചത്. രാജിവച്ചില്ലെങ്കില് പുറത്താക്കുമെന്ന് ബി.ജെ.പി. അന്ത്യശാസനം നല്കിയിരുന്നു. എന്നാല് പുറത്താക്കിയാലുടന് കോടതിയെ സമീപിക്കാന് തീരുമാനിക്കുകയായിരുന്നു. ഇതിനിടയിലാണ് ശങ്കരനാരായണനെ പോലും അറിയിക്കാതെ വക്കം രാജിവച്ചത്. വക്കത്തിന്റെ രാജിവാര്ത്ത ശങ്കരനാരായണന് അറിഞ്ഞത് ടെലിവിഷനിലൂടെയാണെന്ന് അറിയുന്നു. അതേസമയം വക്കത്തിന്റെ മോഹം അതിമോഹമാണെന്നും സംസ്ഥാന രാഷ്ട്രീയത്തില് സജീവമാകാന് അദ്ദേഹത്തെ അനുവദിക്കില്ലെന്നും കോണ്ഗ്രസ് നേത്യത്വം വ്യക്തമാക്കുന്നു.
മന്ത്രിസ്ഥാനം പോയിട്ട് മന്ത്രിയുടെ പി.എ ആക്കാന് പോലും അനുവദിക്കില്ലെന്നാണ് കോണ്ഗ്രസ് നേതാക്കള് പറയുന്നത്. ധനമന്ത്രി ആയിരിക്കേ വക്കം സ്വന്തം ഇഷ്ടപ്രകാരമാണ് പ്രവര്ത്തിച്ചിരുന്നത്. കോണ്ഗ്രസുകാരും മന്ത്രിസഭയിലെ മറ്റു സഹമന്ത്രിമാരും പറയുന്ന കാര്യങ്ങള് വക്കം അനുസരിച്ചിരുന്നില്ല. ഇതിന്റെ വൈരാഗ്യം കേരളത്തിലെ കോണ്ഗ്രസ് നേതാക്കള്ക്കെല്ലാമുണ്ട്. ആന്റണി രാജിവച്ചപ്പോള് മുഖ്യമന്ത്രിയാകാനും വക്കം ശ്രമിച്ചിരുന്നു. എന്നാല് ഉമ്മന്ചാണ്ടി അദ്ദേഹത്തെ വെട്ടി മുഖ്യമന്ത്രിയാവുകയായിരുന്നു. ഇതിനിടെ നിലവിവിരിക്കുന്ന ഗവര്ണര്മാര് സ്ഥാനം ഒഴിയാന് തയ്യാറല്ലെങ്കില് അവരെ കേസില് കുരുക്കാനും സ്ഥലം മാറ്റാനും കേന്ദ്രസര്ക്കാര് ആലോചിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
