പുന:സംഘടനയില്‍ തിരുവഞ്ചൂരിനെ പുറത്തെറിയാന്‍ ശ്രമം തകൃതി
മന്ത്രിസഭാ പുനസംഘടനയില്‍ വനം, സിനിമ മന്ത്രിയായ തിരുവഞ്ചൂര്‍ രാധാകൃഷ്‌ണനെ പുകച്ചു പുറത്താക്കാന്‍ ശ്രമം. തിരുവഞ്ചൂരിനെതിരെ അഴിമതി ആരോപണങ്ങള്‍ കൊണ്ടുവന്ന്‌ അദ്ദേഹത്തെ പുറത്താക്കാനാണ്‌ ശ്രമം. ചിറ്റൂരിലെ ഭൂമി ഇടപാടും കെ.എസ്‌.ആര്‍.ടി.സി പാക്കേജ്‌ പൊളിക്കലുമാണ്‌ തിരുവഞ്ചൂരിനെതിരെ ഉയര്‍ന്നിരിക്കുന്ന രണ്ട്‌ ആരോപണങ്ങള്‍. കെ.എസ്‌.ആര്‍.ടി.സി പാക്കേജ്‌ അട്ടിമറിച്ച്‌ സ്വന്തം വകുപ്പിനെ തന്നെ തുലയ്‌ക്കാനാണ്‌ തിരുവഞ്ചൂര്‍ ശ്രമിച്ചതെന്ന്‌ കോണ്‍ഗ്രസിലെ ഒരു വിഭാഗം ആരോപിക്കുന്നു. രമേശ്‌ ചെന്നിത്തലയുടെ നേതൃത്വത്തില്‍ ഐ ഗ്രൂപ്പാണ്‌ തിരുവഞ്ചൂരിനെതിരെ പ്രവര്‍ത്തിക്കുന്നത്‌. രമേശ്‌ ചെന്നിത്തല ആഭ്യന്ത്രമന്ത്രിയാവാന്‍ നടത്തിയ ശ്രമങ്ങള്‍ തിരുവഞ്ചൂര്‍ അട്ടിമറിച്ചതാണ്‌ കാരണം. തിരുവഞ്ചൂരിനെ ആഭ്യന്തരമന്ത്രി സ്ഥാനത്ത്‌ നിന്നും രമേശിന്റെ നേത്യത്വം നീക്കി.
പഴയവൈരാഗ്യത്തിന്റെ പേരില്‍ തിരുവഞ്ചൂരിന്റെ വിടാന്‍ രമേശ്‌ ഇപ്പോഴും തയ്യാറായിട്ടില്ല. എന്നാല്‍ ഭരണതലത്തിലെ പ്രമുഖരാണ്‌ തീരുമാനത്തിന്‌ പിന്നിലെന്ന്‌ തിരുവഞ്ചൂരുമായി അടുത്തവൃത്തങ്ങള്‍ പറയുന്നു. കോട്ടയത്ത്‌ നിന്നാണ്‌ സ്വകാര്യബസുകള്‍ അധികവും മലബാറിലേക്ക്‌ സര്‍വീസ്‌ നടത്തുന്നത്‌. 46 റൂട്ടുകളിലാണ്‌ കെ.എസ്‌.ആര്‍.ടി.സി സര്‍വീസ്‌ നടത്തിയിരുന്നത്‌. ഇത്രയും റൂട്ടുകള്‍ സ്വകാര്യബസുകള്‍ക്ക്‌ നല്‍കാനാണ്‌ സംസ്ഥാനമന്ത്രിസഭ തീരുമാനിച്ചിരിക്കുന്നത്‌. ഇത്‌ തിരുവഞ്ചൂരുമായി അടുത്തുളളപ്പോള്‍ സ്ഥിരീകരിക്കുന്നുണ്ടെങ്കിലും മന്ത്രിയല്ല തീരുമാനമെടുക്കതെന്ന്‌ പറയുന്നു.
കെ.എസ്‌.ആര്‍.ടി.സി പുനരുദ്ധാരണ പാക്കേജിന്റെ ഭാഗമായാണ്‌ റൂട്ടുകള്‍ ഏറ്റെടുക്കാന്‍ സര്‍ക്കാര്‍ നേരത്തെ തീരുമാനിച്ചിരുന്നത്‌. കെ.എസ്‌.ആര്‍.ടി.സി യുടെ പ്രവര്‍ത്തനങ്ങള്‍ താറുമാറാവുകയാണ്‌. ഇത്തരത്തിലാണ്‌ ആ വണ്ടിയുടെ പോക്കെങ്കില്‍ അധികം വൈകാതെ വണ്ടികള്‍ കട്ടപുറത്താകും. ഇക്കാര്യം ഭരണപക്ഷത്തിനും പ്രതിപക്ഷത്തിനും അറിയാം. എന്നാല്‍ ഭരണപക്ഷവും പ്രതിപക്ഷവും സ്വകാര്യബസ്‌ ലോബിക്കൊപ്പം നില്‍ക്കും. ഇത്‌ തിരുവഞ്ചൂരിന്റെ മാത്രം കുഴപ്പമല്ല.
ഇതിനിടെ പാറ്റൂര്‍ ഭൂമിവിവാദവും തിരുവഞ്ചൂരിനെ തിരിഞ്ഞുകുത്തുകയാണ്‌. ചീഫ്‌ സെക്രട്ടറിയെ സഹായിക്കുന്നതിനുവേണ്ടി പാറ്റൂര്‍ ഭൂമിവിഷയിത്തില്‍ നിലപാടെടുത്തു എന്നാണ്‌ ആരോപണം. തിരുവഞ്ചൂരിനെതിരെ അച്യൂതാനന്ദന്‍ രംഗത്തു വന്നു കഴിഞ്ഞു. ചീഫ്‌സെക്രട്ടറിയുടെയും പാറ്റൂരിലെ ഫ്‌ലാറ്റ്‌ ഉടമയേയും സഹായിക്കാന്‍ തിരുവഞ്ചൂര്‍ നടത്തിയ ശ്രമങ്ങള്‍ അന്വേഷിക്കണമെന്നാണ്‌ പ്രതിപക്ഷത്തിന്റെ ആവശ്യം. അതേസമയം പാറ്റൂരിലെ പുറമ്പോക്ക്‌ ഭൂമി തിരിച്ചുപിടിക്കുമെന്ന്‌ റവന്യൂമന്ത്രി അടൂര്‍ പ്രകാശ്‌ പറഞ്ഞു. തിരുവഞ്ചൂര്‍ രാജിവയ്‌ക്കണമെന്നും അച്യൂതാനന്ദന്‍ ആരോപിച്ചു. പാറ്റൂര്‍ഭൂമിയിലെ നിര്‍മ്മാണപ്രവര്‍ത്തനങ്ങള്‍ നിര്‍ത്തിവയ്‌ക്കണമെന്ന്‌ നിര്‍ദേശം നല്‍കിയട്ടുണ്ടെന്ന്‌ മന്ത്രി മഞ്ഞാളാംകുഴി അലിയും നിയമസഭയെ അറിയിച്ചു.പാറ്റൂര്‍ ഭൂമി ഇടപാടും കെ.എസ്‌.ആര്‍.ടി.സി യും ചേര്‍ന്ന്‌ തിരുവഞ്ചൂരിനെ പുറത്താക്കുമോ എന്ന് ഏതാനും ദിവസങ്ങള്‍ക്കകും അറിയാം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
