നാടുകടത്തല് വീണ്ടും,.. ഷീല ദീക്ഷിതിനേയും ശങ്കരനാരായണനേയും സ്ഥലം മാറ്റും; ഗവര്ണര്മാരുടെ ആദ്യ പട്ടികയില് രാജഗോപാല് ഇല്ല
ഷീല ദീക്ഷിത്, ശങ്കരനായരായണന്, ശിവരാജ് പാട്ടില് എന്നിവരെ മാറ്റാന് എന്ഡിഎ സര്ക്കാര് തീരുമാനിച്ചു.. യുപിഎ നിയമിച്ച ഗവര്ണര്മാര് രാജിവയ്ക്കണമെന്ന നിര്ദ്ദേശം അവഗണിച്ചതിനെ തുടര്ന്നാണ് ഷീല ദീക്ഷിതിനെയും ശങ്കരനാരായണനെയും പാട്ടിലിനെയും സ്ഥലം മാറ്റുന്നതിന് ശുപാര്ശ ചെയ്യാന് കേന്ദ്ര സര്ക്കാര് തീരുമാനിച്ചത്.
അതേസമയം രാഷ്ട്രപതിയുടെ അംഗീകാരത്തിനായി സമര്പ്പിച്ച ഗവര്ണര്മാരുടെ ആദ്യ പട്ടികയില് ഒ രാജഗോപാല് ഇടം പിടിച്ചില്ല. പട്ടികയില് ബിജെപി നേതാക്കളായ രാം നായിക്, കേസരിനാഥ് ത്രിപാഠി, കൈലാസ് ജോഷി, വികെ മല്ഹോത്ര, ബിഡി ഠണ്ഡന് എന്നിവര് ഇടം നേടി. രാജഗോപാല് കര്ണാടക ഗവര്ണറായേക്കും എന്ന് സൂചനയുണ്ടായിരുന്നു.
ഗവര്ണര് സ്ഥാനത്തേക്ക് ഒ രാജഗോപാലിനെ പരിഗണിക്കുമെന്ന് ബിജെപി സംസ്ഥാന നേത്യത്വത്തിനും പ്രതീക്ഷയുണ്ടായിരുന്നുവെങ്കിലും ആദ്യ പട്ടികയില് അദ്ദേഹം ഇടം പിടിച്ചില്ല. രാം നായിക് യുപിയിലും ത്രിപാഠി ബംഗാളിലും ഗവര്ണറാകും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
