ഒളിക്യാമറ ദൃശ്യങ്ങള്‍ കാട്ടി പുരുഷന്മാരെ കൊള്ളയടിച്ച റുക്‌സാനയേയും സൂര്യയേയും കുടുക്കിയത്‌ പണത്തോടുള്ള ആര്‍ത്തി
സമ്പന്നരായ പുരുഷന്മാരെ വശീകരിച്ച്‌ സ്റ്റാര്‍ ഹോട്ടലുകളില്‍ എത്തിച്ച്‌ ശാരീരിക ബന്ധത്തില്‍ ഏര്‍പ്പെടുകയും ആ ദൃശ്യങ്ങള്‍ ഒളിക്യാമറയില്‍ ചിത്രീകരിക്കുകയും ചെയ്‌ത റുക്‌സാനയേയും സൂര്യയേയും കുടുക്കിത്‌ പണത്തോടുള്ള ആര്‍ത്തി. തങ്ങളുടെ അവിഹിത ബന്ധത്തിന്റെ വീഡിയോ പുറത്തറിയാതിരിക്കാനായി മാന്യന്മാര്‍ എന്ത്‌ ഒത്തുതീര്‍പ്പിനും തയ്യാറായിരുന്നു. ഇത്‌ മനസിലാക്കിയ റുക്‌സാനയും സൂര്യയും അവര്‍ക്ക്‌ താങ്ങാന്‍ പറ്റാത്ത തുക ചോദിച്ചതാണ്‌ വിനയായത്‌. പലരും എങ്ങനേയും ലക്ഷങ്ങള്‍ സ്വരൂപിച്ച്‌ നല്‍കി ഇവരുടെ വലയില്‍ നിന്നും മോചനം നേടിയിരുന്നു.
എന്നാല്‍ അനാശാസ്യത്തിനെത്തിയ വ്യവസായിയെ ഒളികാമറയില്‍ പെടുത്തിയശേഷം മൂന്നുകോടി രൂപയാണ്‌ ഇവര്‍ ആവശ്യപ്പെട്ടത്‌. 25ലക്ഷം രൂപവരെ കൊടുക്കാന്‍ ഈ വ്യവസായി സമ്മതിച്ചിരുന്നതായാണ്‌ അറിയുന്നത്‌. ആവശ്യപ്പെട്ട 3 കോടി രൂപയില്‍ ഒരു പൈസ പോലും കുറക്കാന്‍ തയാറല്ലെന്നായിരുന്നു റുക്‌സാനയുടെയും സൂര്യയുടെയും ഭീഷണി. പണം നല്‍കിയില്ലെങ്കില്‍ വ്യവസായിയുടെ വീഡിയോ പരസ്യപ്പെടുത്തുമെന്നായിരുന്നു ഭീഷണി.
വ്യവസായിയെ സമ്മര്‍ദ്ദത്തിലാക്കാന്‍ തിരുവനന്തപുരത്ത്‌ ബലാല്‍സംഗത്തിന്‌ പരാതിയും നല്‍കി. ഈ വ്യവസായിയുടെ ഒരു സുഹൃത്തും ഇവര്‍ക്കൊപ്പം കിടപ്പറ പങ്കിട്ടിരുന്നു.
ഭീഷണി കനത്തപ്പോഴാണ്‌ വ്യവസായി പോലിസിനെ സമീപിച്ചത്‌. തുടര്‍ന്ന്‌ പോലിസ്‌ ഇവര്‍ക്കായി കെണിയൊരുക്കി. 2 കോടി രൂപ നല്‍കാമെന്നും മാസ്‌റ്റര്‍ സിഡി തിരികെ നല്‍കണമെന്നും വ്യവസായി ഇവരുമായി ധാരണയുണ്ടാക്കി. അഡ്വാന്‍സായി ഒരു കോടി രൂപ നല്‍കാമെന്നും സമ്മതിച്ചു.
തട്ടിപ്പുസംഘത്തെ പിടിക്കുന്നതിന്റെ മുന്‍പുള്ള ദിവസം പോലിസ്‌ നിര്‍ദേശ പ്രകാരം വ്യവസായി സൂര്യയെ വിളിച്ച്‌ 60 ലക്ഷം രൂപയേ ആയിട്ടുള്ളുവെന്നും 40 ലക്ഷം രൂപ കുറവാണെന്നും അല്‍പ ദിവസത്തെ സാവകാശം കൂടി നല്‍കണമെന്നും അറിയിച്ചു. എന്നാല്‍ ഇവര്‍ വഴങ്ങിയില്ല. ഒരു കോടി താരമെന്നു പറഞ്ഞാല്‍ ഒരു കോടിക്ക്‌ ഒരു വിട്ടുവിഴ്‌ചയുമില്ലെന്നായിരുന്നു മറുപടി. തട്ടിപ്പു സംഘത്തിന്റെ വിശ്വാസമുറപ്പിക്കാനായി പോലിസ്‌ ഒരുക്കിയ കെണിയായിരുന്നു ഇത്‌. ഇതിനിടെ ഇവരുടെ മുഴുവന്‍ ഫോണ്‍ സംഭാഷണങ്ങളും പോലിസ്‌ ചോര്‍ത്തുന്നുണ്ടായിരുന്നു. നീക്കങ്ങളും നിരീക്ഷണത്തിലാക്കി.
തുടര്‍ന്ന്‌ ഒരു കോടി അഡ്വാന്‍സ്‌ നല്‍കാമെന്നു വിശ്വസിപ്പിച്ച്‌ വിളിച്ചു വരുത്തിയാണ്‌ തട്ടിപ്പുസംഘത്തെ പോലിസ്‌ കുടുക്കിയത്‌. റുക്‌സാന, സൂര്യ, ഹൈക്കോടതി അഭിഭാഷകനായ സനിലന്‍, ഇടനിലക്കാരനായ പ്രജീഷ്‌ എന്നിവരെ പോലീസ്‌ അറസ്റ്റ്‌ ചെയ്യുകയും ചെയ്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
