സരിതയുടെ വാഹനത്തിന്‌ സൈഡ്‌ നല്‍കാത്തതിനാല്‍ ടിപ്പര്‍ ഡ്രൈവര്‍ അറസ്റ്റില്‍
സരിത എസ്‌ നായര്‍ സഞ്ചരിച്ചിരുന്ന വാഹനത്തിന്‌ സൈഡ്‌ നല്‍കാതിരുന്ന ടിപ്പര്‍ ഡ്രൈവറെ പോലീസ് അറസ്റ്റു ചെയ്‌തു. കിളിമാനൂരിനടുത്ത്‌ കുറവന്‍ കുഴിയിലായിരുന്നു സംഭവം നടന്നത്‌. ഇന്നു രാവിലെ 7.30ന്‌ അമ്പലപ്പുഴ കോടതിയിലേക്ക്‌ എംസി റോഡ്‌ വഴി പോകുകയായിരുന്നു സരിത.
മുമ്പേ പോയ ടിപ്പര്‍ ഇന്‍ഡിക്കേറ്റര്‍ ഇടാതെ വലത്തോട്ടുള്ള റോഡിലേക്ക്‌ തിരിഞ്ഞു. ഇതില്‍ ക്ഷുഭിതയായി സരിത തന്റെ കാര്‍ ടിപ്പറെ ഓവര്‍ടേക്ക്‌ ചെയ്‌ത്‌ നിര്‍ത്തിപ്പിച്ചു. കാര്‍ കുറുകേയിട്ട്‌ ഡ്രൈവറെ പുറത്തിറക്കി അസഭ്യം പറഞ്ഞു.
തുടര്‍ന്ന്‌ ഇക്കാര്യം ഉന്നതരെ വിളിച്ച്‌ സരിത അറിയിക്കുകയും ചെയ്‌തു. മിനിറ്റുകള്‍ക്കകം കിളിമാനൂര്‍ പോലീസെത്തി ഡ്രൈവറെ അറസ്റ്റു ചെയ്‌ത്‌ കൊണ്ടു പോയി. കോടതിയില്‍ ഹാജരാകാനുള്ളതിനാല്‍ സരിതയെ ഉടന്‍ വിട്ടയയ്‌ക്കുകയും ചെയ്‌തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
