പിഡിപി നേതാവ് അബ്ദുള്‍ നാസര്‍ മദനി ജയില്‍ മോചിതനായി. ഒരു മാസത്തേക്കാണ് മഅദനിക്ക് കോടതി ജാമ്യം നല്‍കിയിരിക്കുന്നത്. നാലു വര്‍ഷത്തിനു ശേഷമാണ് മദനി ജയില്‍ മോചിതനാകുന്നത്. കടുത്ത ആരോഗ്യ പ്രശ്നങ്ങളുള്ള മഅദനിക്ക് സ്വന്തം ചെലവില്‍ ചികിത്സയ്ക്കായാണ് കോടതി ജാമ്യം അനുവദിച്ചത്.

കനത്ത സുരക്ഷയിലാണ് അദ്ദേഹത്തെ ആശുപത്രിയിലേയ്ക്ക് മാറ്റിയിരിക്കുന്നത്. ആശുപത്രിയിലും പോലീസിന്റെ കര്‍ശന സുരക്ഷയുണ്ടാവും. തന്റെ നിരപരാധിത്വം തെളിയിക്കാന്‍ കഴിയുമെന്ന ഉറച്ച പ്രതീക്ഷയാണുള്ളതെന്ന് മദനി ജയിലിന് പുറത്ത് മാധ്യമപ്രവര്‍ത്തകരോട് പറഞ്ഞു. കാഴ്ച നഷ്ടപ്പെടുമ്പോഴും നീതിയുടെ വെളിച്ചം തനിക്ക് കിട്ടിതുടങ്ങിയിട്ടുണ്ട്. സുപ്രീം കോടതിയുടെ ജാമ്യ വ്യവസ്ഥകള്‍ പൂര്‍ണമായും പാലിക്കും. കേരളത്തിലേയ്ക്ക് തനിക്ക് വരാന്‍ ആഗ്രഹമുണ്ടെന്നും ഇത് പെട്ടന്ന് തന്നെ സാധിക്കുമെന്നാണ് പ്രതീക്ഷിക്കുന്നതെന്നും മഅദനി പറഞ്ഞു.

ബാംഗളൂര്‍ വിട്ടുപോകരുതെന്ന കര്‍ശന നിര്‍ദേശമാണു സുപ്രീം കോടതി ജാമ്യത്തിനായി മുന്നോട്ടുവച്ചിരുന്ന പ്രധാന ഉപാധി. ഒരു ലക്ഷം രൂപ ജാമ്യത്തുകയായി കെട്ടിവയ്ക്കണമെന്നും കോടതി ഉത്തരവിട്ടിരുന്നു. ജാമ്യം ലഭിച്ചതിനു ശേഷം താമസിക്കുന്ന സ്ഥലത്തെ വിലാസം സര്‍ക്കാരിനെ അറിയിക്കണം.

അബ്ദുല്‍ നാസര്‍  മദനിയ്ക്ക്  നഗരത്തിലെ സ്വകാര്യ ഫ്ലാറ്റിലായിരിക്കും താമസ സൗകര്യം ഒരുക്കുക.

ജയില്‍ മോചിതനായ മദനി നേരെ സൗഖ്യ ആശുപത്രിയിലേക്കാവും പുറപ്പെടുക. സൗഖ്യയില്‍ നടുവേദനയ്ക്കുളള തിരുമ്മല്‍ ചികത്സയാണ് ആദ്യം നടക്കും. ഇതിനിടെ  നഗരത്തിലെ മണിപ്പാല്‍, അഗര്‍വാള്‍ ആശുപത്രികളിലും ചികിത്സ നടത്താനും തീരുമാനിച്ചിട്ടുണ്ട്. രൂക്ഷമായ പ്രമേഹം നിയന്ത്രിക്കുന്നതിനും പ്രോസറ്റേറ്റ് പ്രശ്‌നത്തിനും ഉളള ചികിത്സയുമായിരിക്കും  മണിപ്പാലില്‍ നല്‍കുക. പ്രമേഹം രൂക്ഷമായതു കാരണം നേത്രപടലങ്ങളിലെ ഞെരമ്പുകള്‍ മുറിയുന്നതിനുളള ലേസര്‍ ചികിത്സയാണ് അഗര്‍വാള്‍ ആശുപത്രിയില്‍ നടക്കുക.  ചുരങ്ങിയത് മൂന്ന് മാസത്തെ ചികിത്സയെങ്കിലും വേണ്ടി വരുമെന്ന് അദ്ദേഹത്തെ ചികിത്സിക്കുന്ന സൗഖ്യ ആശുപത്രിയിലെ ഡോക്ടര്‍ ഐസക് മത്തായി വ്യക്തമാക്കിയിരുന്നു. ജ്യാമം അനുവദിച്ച ഒരുമാസ കാലയളവില്‍ ചികിത്സ തുടങ്ങി വച്ച ശേഷം ജയിലില്‍ കഴിയുന്ന വേളയില്‍ തുടരാനാണ് തീരുമാനം. ഇത് എത്രത്തോളം ഫലപ്രദമാകും എന്ന കാര്യത്തില്‍  ഡോക്ടര്‍മാര്‍ക്ക് സംശയമുണ്ട്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha