ചതികള്‍ ഏറ്റുവാങ്ങാന്‍ ഇരട്ടച്ചങ്കന്റെ ജന്മം ഇനിയും ബാക്കി. സോഷ്യല്‍ മീഡിയ ഇന്ന് ആഘോഷിക്കുകയാണ്. മണിയാശാന്‍ പറഞ്ഞപോലെ 1 2 3 ... സത്യ പ്രതിജ്ഞ ചെയ്തപ്പോള്‍ വാക്കുകള്‍ മാറ്റാമായിരുന്നില്ലേ, 'എന്റെ പണം ഉപയോഗിച്ചു ചാണ്ടി എന്ന ഞാന്‍ പാര്‍ട്ടിക്കാരെ വിലക്ക് വാങ്ങും എല്ലാ കായലുകളും ചാണ്ടി എന്ന ഞാന്‍ മണ്ണിട്ടു നികത്തും' ഇങ്ങിനെയായിരുന്നു പറയേണ്ടിയിരുന്നത്. മൂന്നാം വിക്കറ്റ് നഷ്ടത്തില്‍ ടീം ഇരട്ടചങ്കന്‍ പതറുന്നു. അഡ്വ ജയശങ്കര്‍ പറയുന്നത് ഓട്ടചങ്കനാണെന്ന്.

കണ്ണീര്‍ കായലിലാണോ തോമാച്ചന്റെ രാജീ.. അലയും കാറ്റിലുലയും രണ്ടു ഗ്രൂപ്പും വേറെ വേറെ. മനസിലെ ഭാരം പങ്ക് വെക്കാനായി കൂട്ടീന്നൊരാളും കൂടെ വേറെ. ചാണ്ടി കാലുതെറ്റി കായലില്‍ വീണു. രക്ഷിക്കുവാന്‍ ശ്രമിച്ച പിണറായിക്കും പരിക്ക് പറ്റി.

ബിസിനസ്സില്‍ അങ്ങേനെയാണ് പെട്ടെന്ന് തോല്‍വി ഏറ്റുവാങ്ങാന്‍ മനസ്സനുവദിക്കില്ല. അതില്‍ ധാര്‍മികതയുടെ പ്രശ്‌നമൊന്നുമില്ല. കുവൈറ്റ് ചാണ്ടി എന്ന വ്യവസായിയും പെട്ടെന്ന് തോല്‍ക്കാന്‍ മനസ്സില്ലാത്ത തനി കുട്ടനാട്ടുകാരനാണ്. കായലില്‍ മുങ്ങിയാല്‍ പിന്നെ പൊങ്ങുന്നതെവിടെ എന്നറിയില്ല. കുട്ടനാട്ടിലെ എല്ലാ റിസോര്‍ട്ടുകളും ചാണ്ടി ചെയ്തതിനു സമാനമായാണ് നിര്‍മ്മിച്ചിരിക്കുന്നത്. സ്വകാര്യ ഭൂമിയിലേക്കുള്ള നടപ്പാതകള്‍ വീതികൂട്ടി മണ്ണിട്ട് ടാര്‍ ചെയ്തു ടൂറിസം വളര്‍ത്തുകയും കീശ വീര്‍പ്പിക്കുകയും ചെയ്യുമ്പോള്‍ ഇത്തരം കാര്യങ്ങളില്‍ സര്‍ക്കാരിന് കൃത്യമായ ഒരു നയമോ, ടൂറിസം വളര്‍ത്താനുള്ള നടപടികളോ ഇല്ല എന്നുള്ളത് ഖേദകരമാണ്.

മന്ത്രിയാകുന്നതിനു മുന്‍പ് കോണ്‍ഗ്രസ് ഭരിച്ചിരുന്ന നഗര സഭയെ സ്വാധിനിച്ചു എല്ലാ ബസിനസുകാരും ചെയ്യുന്നതുപോലെ ചാണ്ടിയും നിലം മണ്ണിട്ട് മൂടി. ഒടുവില്‍ മാധ്യമങ്ങള്‍ക്കുള്ള ഇരയായി മാറിയപ്പോഴും കുട്ടനാട്ടുകാരന്റെ അഹങ്കാരം വിട്ടില്ല. മുതലാളിയുടെ ശരീരഭാഷയും ആരെയും വിലക്കെടുക്കാം എന്ന ഗര്‍വ്വും ഉപദേശകരുടെ വിഡ്ഢിത്തങ്ങളും ചാണ്ടിയെ ചണ്ടിയാക്കി. മാധ്യമങ്ങളോട് കട്ടക്ക് നില്‍ക്കണം എന്ന പോളിസി വിലപ്പോയില്ല. മാധ്യമങ്ങളുടെ വിജയം ആള്‍ക്കൂട്ടത്തിന്റെ മനഃശാസ്ത്രമാണ്. മാധ്യമങ്ങളുടെ കല്ലേറില്‍ പിന്നീട് വിധി ന്യായങ്ങളൊന്നുമില്ല നിലത്തു വീഴുന്നത് വരെ ഏറിയും. പിന്നെയും... മന്ത്രിപ്പണി ചെയ്യണമെങ്കില്‍ ഇവിടെ ഇത്തിരി പാടാ. കല്ലേറുകളില്‍ ഒഴിഞ്ഞു മാറാനുള്ള മെയ്‌വഴക്കം വേണം. നല്ല അഭിനേതാവാകണം. തോമസ് ചാണ്ടി നിങ്ങള്‍ പരാജയമായിരുന്നു. കേരളത്തിന്റെ മനഃശാസ്ത്രം നിങ്ങളെ വെറുക്കപ്പെട്ടവനാക്കി.
ബന്ധു നിയമനം ഇ.പി ജയരാജനും ഫോണ്‍ കെണി ശശീന്ദ്രനും വില്ലനായപ്പോള്‍ ഭൂമി കൈയ്യേറ്റമാണ് തോമസ് ചാണ്ടിയെ കുടുക്കിയത്.

ആരോപണങ്ങള്‍ വലിയ വിവാദമായതോടെ ഇ.പി ജയരാജനും ശശീന്ദ്രനും വേഗത്തില്‍ രാജിവെച്ച് മുന്നണിയുടെ പ്രതിച്ഛായയെ മങ്ങലേല്‍പ്പിക്കാതെ കാത്തിരുന്നു. എന്നാല്‍ തോമസ് ചാണ്ടി കസേരയില്‍ നിന്നിറങ്ങാതെ നിന്നത് മുന്നണിയില്‍ പൊട്ടിത്തെറിയോളമെത്തി. കൂടാതെ ഹൈകോടതി വിമര്‍ശനവും ഇടതുപക്ഷ സര്‍ക്കാറിന്റെ പ്രതിച്ഛായക്ക് വിള്ളല്‍ വീഴ്ത്തി. ബുധനാഴ്ച ചേര്‍ന്ന മന്ത്രിസഭാ യോഗത്തില്‍ നിന്ന് സി.പി.ഐ മന്ത്രിമാര്‍ കൂടി വിട്ടുനിന്നതോടെ മുന്നണിയിലും അസ്വാരസ്യങ്ങളുണ്ടായി. ഇതോടെയാണ് ചാണ്ടി രാജിക്ക് വഴങ്ങിയത്.

2016 മെയ് 25നാണ് പിണറായി വിജയന്റെ നേത്യത്വത്തിലുള്ള ഇടതുപക്ഷ സര്‍ക്കാര്‍ കേരളത്തിന്റെ അധികാരത്തിലേറിയത്. ഇതിനിടെ പെട്ടെന്നാണ് മന്ത്രിസഭയിലെ കരുത്തനായിരുന്ന ഇപി ജയരാജന്റെ പേരില്‍ അധികാര ദുര്‍വിനിയോഗ വാര്‍ത്ത പുറത്തുവരുന്നത്. വിവാദം അവസാനിപ്പിക്കാന്‍ വ്യവസായ മന്ത്രിയായിരുന്ന ജയരാജന് ഒക്ടോബര്‍ 14ന് രാജിവെക്കേണ്ടി വന്നു.

സ്വകാര്യ ടെലിവിഷന്‍ വിരിച്ച ഫോണ്‍ കെണിയില്‍ ഗതാഗത മന്ത്രിയായിരുന്ന എകെ ശശീന്ദ്രന്‍ കുടുങ്ങി. ലൈംഗിക ആരോപണമായതിനാല്‍ 2016 മാര്‍ച്ച് 26ന് ശശീന്ദ്രനും രാജിവെച്ചു.