അമീറിന് ജയിലില് സുഖവാസം, ഒന്നര വര്ഷം കൊണ്ട് പത്ത് കിലോ കൂടി,ജയിലില് ആരോടും മിണ്ടാത്ത സ്വഭാവക്കാരന്,അമീറിന് വേണ്ടി വാദിക്കുന്നത് അഭിഭാഷകന് ആളൂര്, വിധി എന്താകും
ജിഷ വധക്കേസില് വിധി എന്താകുമെന്നറിയാന് കേരളം ഉറ്റ് നോക്കിയിരിക്കുകയാണ്.വിധി പ്രതിയ്ക്ക് അനുകൂലമാകുമോ എന്നാണ് പലര്ക്കും സംശയം.
കേസിലെ പ്രതിയായ അസം സ്വദേശിയായ അമീര് ഉള് ഇസ്ലാമാണ് ഏക പ്രതി. പ്രതിക്കുവേണ്ടി മുതിര്ന്ന അഭിഭാഷകന് ബി.എ. ആളൂരാണ് വാദിക്കുന്നത്.എറണാകുളം പ്രിന്സിപ്പല് സെഷന്സ് കോടതി ജഡ്ജി അനില്കുമാറാണ് വിധിപ്രസ്താവിക്കുക.
കേസില് വ്യക്തമായ തെളിവുണ്ടെന്ന് സാക്ഷികളെക്കൊണ്ട് സ്ഥാപിക്കാനാണു പ്രോസിക്യൂഷന് ശ്രമിച്ചത്. ശാസ്ത്രീയമായ തെളിവുകള് നിരത്തിയായിരുന്നു ആളൂരിന്റെ വാദം. 2016 ഏപ്രില് 28 നു പെരുമ്പാവൂര് ഇരിങ്ങോള് കനാല്പ്പുറമ്ബോക്കിലെ വീട്ടില് ജിഷയെ അസം സ്വദേശിയായ പ്രതി കൊലപ്പെടുത്തിയെന്നാണ് കേസ്.
ജിഷയെ ഇയാള് ക്രൂരമായി പീഡിപ്പിക്കുകയും ചെയ്തിരുന്നു. ഒന്നരമാസം നീണ്ട അന്വേഷണത്തിനൊടുവിലാണ് പ്രതിയെ പിടികൂടിയത്. അന്വേഷണ സംഘാംഗങ്ങള്, പോസ്റ്റ്മോര്ട്ടം നടത്തിയ ഡോക്ടര്മാര്, ഫോറന്സിക്, ഡി.എന്.എ. വിദഗ്ധര് എന്നിവര് ഉള്പ്പെടെ 104 സാക്ഷികളെ വിസ്തരിച്ചു.
പ്രതി അമീര് ഉള് ഇസ്ലാം ജയിലില് ശാന്തസ്വഭാവക്കാരനാണെന്നാണ് സൂചന. കേസില് ഇന്നു വിധി ഉണ്ടാകുമെന്നറിഞ്ഞിട്ടും ഭാവഭേദമില്ല. കാക്കനാട് ജില്ലാജയിലിലെ ഒന്നരവര്ഷത്തെ താമസം ആളുടെ രൂപം മാറ്റി എന്ന് വേണം പറയാന്. പോലീസ് അറസ്റ്റ് ചെയ്തപ്പോള് മെലിഞ്ഞ ആളായിരുന്നു.
ഇപ്പോള് ശരീരം വണ്ണംവച്ചു. തൂക്കവും കൂടി. പിടിയിലാകുമ്പോള് തൂക്കം 45 കിലോയായിരുന്നു. നിലവില് ഭാരം 55 കിലോയായി. ജയിലില് ആദ്യമൊക്കെ പീഡനം നേരിട്ടതായി അഭിഭാഷകനെ അമീര് അറിയിച്ചിരുന്നു. പിന്നീട് അഡ്വ. ബി.എ. ആളൂര് ഇക്കാര്യം അധികാരികളുടെ ശ്രദ്ധയില്പ്പെടുത്തി. ഇതോടെ, ഉദ്യോഗസ്ഥരുടെ സമീപനത്തില് മാറ്റമുണ്ടായി.
ആദ്യദിനങ്ങളില് കടുത്ത മാനസികസമ്മര്ദമുണ്ടായിരുന്നു. കൗണ്സലിങ്ങിനു വിധേയനാക്കിയതോടെ ഇതില് മാറ്റംവന്നു. സഹതടവുകാരുമായി സൗഹൃദത്തിലായിരുന്നു. അടച്ചിട്ട കോടതിയിലെ വിചാരണവേളകളില് മാത്രമായിരുന്നു പുറംലോകം കണ്ടത്.
അസം സ്വദേശിയായ അമീര് ഉളിന് അസമീസും ഹിന്ദിയും ബംഗാളിയും അറിയാം. കേരളത്തില് ജോലിചെയ്തിരുന്നെങ്കിലും മലയാളത്തില് സംസാരിക്കാന് അറിയില്ലായിരുന്നു. കേട്ടാല് മനസിലാകും. ഇപ്പോള് അല്പം മലയാളം അറിയാം.
https://www.facebook.com/Malayalivartha
