സെറ്റില് അതിക്രമിച്ച് കയറിയതിന്റെ പേരില് അറസ്റ്റിലായവരുടെ തലയെങ്ങനെ പൊട്ടി?
ഷൂട്ടിംഗ് ലൊക്കേഷനില് അതിക്രമിച്ചു കയറി സിനിമാ പ്രവര്ത്തകരെ ആക്രമിച്ചെന്ന കേസില് മൂന്നംഗസംഘത്തെ പൊലീസ് അറസ്റ്റ് ചെയ്തു. നിരവധി ക്രിമിനല് കേസുകളില് പ്രതിയായ പുന്നമട അഭിലാഷ് ( 32) പ്രിന്സ് സേവ്യര് ( 31) ശ്രീക്കുട്ടന് ( 33) എന്നിവരാണ് അറസ്റ്റിലായത്. അഭിലാഷിനെ ഞായറാഴ്ച രാത്രിയിലും, പ്രിന്സിനെയും ശ്രീക്കുട്ടനെയും ഇന്നലെ പുലര്ച്ചെയുമാണ് പിടികൂടിയത്. കൈനകരിയില് കുഞ്ചാക്കോ ബോബന് നായകനായ കുട്ടനാടന് മാര്പ്പാപ്പ എന്ന സിനിമയുടെ ലൊക്കേഷനില് ഞായറാഴ്ച രാത്രി പത്തോടെയാണ് ആക്രമണമുണ്ടായത്.
സെറ്റില് അതിക്രമിച്ച് കയറിയതിന്റെ പേരില് അറസ്റ്റിലായവരുടെ തലയെങ്ങനെ പൊട്ടിയെന്ന ചോദ്യം ബാക്കി നില്ക്കേ പോലീസ് പറയുന്നതിങ്ങനെയാണ്. ഞായറാഴ്ച്ച രാത്രി ഏഴിന് കൈനകരി മുട്ടേല് പാലത്തിനു സമീപം ഷൂട്ടിംഗ് നടക്കുമ്പോള് അതുവഴി അഭിലാഷും പ്രിന്സും ബൈക്കില് പോവുകയും നിയന്ത്രണം വിട്ട് ആറ്റില് വീഴുകയും ചെയ്തു. തുടര്ന്ന് ബൈക്ക് യാത്രികര് ഷൂട്ടിംഗ് ലൊക്കേഷനിലുള്ളവരുമായി വാക്കേറ്റമുണ്ടായി. ഇവര് വിവരമറിയിച്ചതനുസരിച്ച് നെടുമുടി പൊലീസെത്തി നെറ്റിയില് മുറിവേറ്റ പ്രിന്സിനെ ആശുപത്രിയിലെത്തിച്ചു.
പിന്നീട് രാത്രിയില് ആശുപത്രിയില് നിന്നിറങ്ങിയ അഭിലാഷും സംഘവും വീണ്ടും ലൊക്കേഷനില് ആയുധങ്ങളുമായെത്തുകയും ആക്രമണം നടത്തുകയുമായിരുന്നു. ആക്രമണത്തില് പരിക്കേറ്റ സിനിമാ പ്രവര്ത്തകരെയും ആലപ്പുഴ സ്വദേശികളുമായ അനീസ്, ഷിന്റോ എന്നിവരെയും ജനറല് ആശുപത്രിയില് പ്രവേശിപ്പിച്ചു. പ്രതികള്ക്കെതിരെ വധശ്രമത്തിനു കേസെടുത്തിട്ടുണ്ട്. ഇന്നു കോടതിയില് ഹാജരാക്കും.
എന്നാല് ലൊക്കേഷനില് സിനിമാപ്രവര്ത്തകര് തങ്ങളെ ആക്രമിക്കുകയായിരുന്നെന്നാണ് പ്രതികളുടെ മൊഴി. കൈനകരിയില് യുവാവിനെ വെട്ടിക്കൊലപ്പെടുത്തിയതടക്കം നിരവധി ക്രിനമിനല് കേസുകളില് പ്രതിയാണ് അഭിലാഷെന്ന് പൊലീസ് പറഞ്ഞു.
https://www.facebook.com/Malayalivartha
