മലപ്പുറം ചങ്ങരംകുളത്തിനടുത്ത് പൊന്നാനി നരണി പുഴയിൽ തോണി മറിഞ്ഞ് മരിച്ച ആറു കുട്ടികളുടെയും മൃ​ത​ദേ​ഹ​ങ്ങ​ൾ ഇ​ൻ​ക്വ​സ്റ്റ് ന​ട​പ​ടി​ക​ൾ പൂർത്തിയാക്കി ബ​ന്ധു​ക്ക​ൾ​ക്ക് നൽകി. ച​ങ്ങ​രം​കു​ളത്തെ സ്വകാര്യ ആ​ശു​പ​ത്രി​യി​ലാണ് കുട്ടികളുടെ മൃതദേഹങ്ങൾ സൂക്ഷിച്ചിരുന്നത്. പുലർച്ചെ ആറോടെ തുടങ്ങിയ ഇൻക്വസ്റ്റ് നടപടികൾ എട്ടോടെ പൂർത്തിയായിരുന്നു.

ആ​റ് ആം​ബു​ല​ൻ​സു​ക​ളി​ലാ​യി ച​ങ്ങ​രം​കു​ള​ത്ത് നി​ന്ന് വി​ലാ​പ​യാ​ത്ര​യാ​യി വാ​ഹ​ന​ങ്ങ​ൾ ഒ​രു​മി​ച്ച് നീ​ങ്ങി. സ്പീ​ക്ക​ർ പി.ശ്രീരാമകൃഷ്ണൻ ഉൾപ്പടെയുള്ളവർ വിലാപയാത്രയിൽ പങ്കെടുത്തു. ന​ര​ണി​പ്പു​ഴ-കൊ​ള​പ്പു​ള്ളി റോ​ഡി​ലെ ഒ​ഴി​ഞ്ഞ സ്ഥ​ല​ത്ത് പൊ​തു​ദ​ർ​ശ​ന​ത്തി​ന് വച്ച കുരുന്നുകളുടെ മൃ​ത​ദേ​ഹ​ങ്ങ​ൾ കാ​ണാ​ൻ ആ​യി​ര​ങ്ങ​ൾ ഓടിയെത്തി.

പൊ​തുദ​ർ​ശ​ന​ത്തി​ന് ശേ​ഷം വീ​ടു​ക​ളി​ൽ എ​ത്തി​ക്കു​ന്ന മൃ​ത​ദേ​ഹ​ങ്ങ​ൾ ഈ​ശ്വ​ര​മം​ഗ​ലം പൊ​തു​ശ്മ​ശാ​ന​ത്തി​ൽ വൈകുന്നേരം നാലോടെ സംസ്കരിക്കും. അവധി ആഘോഷിക്കാനെത്തിയ കുട്ടികളാണ് അപകടത്തില്‍ പെട്ടത്. നാലു പെണ്‍കുട്ടികളും രണ്ട് ആണ്‍കുട്ടികളുമാണ് അപകടത്തില്‍ മരിച്ചത്, ഇരുപത് വയസില്‍ താഴെയുള്ളവരാണ് അപകടത്തില്‍ മരിച്ചവര്‍. എത്തിച്ചേരാന്‍ ബുദ്ധിമുട്ടുള്ള മേഖലയിലാണ് അപകടം നടന്നത്. അവധി ആഘോഷത്തിനായി ഒത്ത് ചേര്‍ന്ന ഒരേ തറവാട്ടിലെ അംഗങ്ങളാണ് അപകടത്തില്‍പ്പെട്ടത്. വിജനമായ സ്ഥലത്ത് നടന്ന അപകടമായതിനാല്‍ രക്ഷാപ്രവര്‍ത്തനം ദുഷ്കരമായതാണ് മരണ നിരക്ക് കൂട്ടിയത്.