പത്ത് വര്ഷമായി താനും ഭര്ത്താവ് ഹരിയും രണ്ട് ശരീരവും രണ്ട് മനസുമായി രണ്ട് സ്ഥലങ്ങളിലാണ് കഴിഞ്ഞത്, വിവാഹമോചനം പെട്ടെന്ന് എടുത്ത തീരുമാനം അല്ലെന്നും പ്രതിഭാഹരി
തന്റെ വിവാഹമോചന കേസില് മാധ്യമങ്ങള് അനാവശ്യമായി ഇടപെടരുതെന്ന് കായംകുളം എം.എല്.എ പ്രതിഭാ ഹരി. ഇന്നലെ വരെ ഒരു വീട്ടില് പങ്കാളിയോടൊപ്പം ജീവിച്ച് ഒരു സുപ്രഭാതത്തില് പിരിയാന് തീരുമാനിച്ചതല്ല. 10 വര്ഷമായി രണ്ട് സ്ഥലങ്ങളിലായി , രണ്ട് മനസ്സും രണ്ട് ശരീരവുമായി കഴിഞ്ഞവരാണ് ഞാനും ഭര്ത്താവ് ഹരിയും. ഇനി കഴിയില്ല ഇതുപോലെ മുന്നോട്ടു പോകാന്. മകന് എന്നും രണ്ടു പേരുടേയും ആയിരിക്കും. അവന് തിരിച്ചറിയാന് കഴിയുന്നതിനുള്ള കാത്തിരിപ്പിനാണ് വിരാമം ആവുകയാണ്. അതിനാല് കൂടെ നിന്നില്ലെങ്കിലും മാറി നിന്ന് കല്ലെറിയരുത് . ജനപ്രതിനിധി ആണെങ്കിലും ഞാനും ഒരു സ്ത്രീയാണെന്നും പ്രതിഭാ ഹരി ഫെയിസ്ബുക്കില് കുറിച്ചു.
വ്യക്തിപരമായ ജീവിതത്തെ സംബന്ധിക്കുന്ന ഒരു തീരുമാനത്തിലൂടെ കടന്നു പോവുകയാണ്. 10 വര്ഷങ്ങള്ക്ക് മുന്പ് ഞാന് മനസ്സില് എടുത്ത ഒരു തീരുമാനം, അതിന്റെ നിയമപരമായ അനിവാര്യതയിലേക്ക് കടക്കുന്നു എന്ന് മാത്രം. കുടുംബകോടതിയില് ഞാന് കേസ് കൊടുത്തു എന്നത് ശരി തന്നെയാണ്. ഇല കൊഴിഞ്ഞു വീഴുന്ന ശബ്ദം പോലുമില്ലാതെ ആ തീരുമാനം എടുക്കാനാണ് ഞാന് ആഗ്രഹിച്ചിരുന്നത്. എന്നാല് ചില പ്രത്യേക കാരണങ്ങളാല് അതു കഴിഞ്ഞില്ല. അഭ്യൂഹങ്ങള്ക്കും ഊഹാപോഹങ്ങള്ക്കും ഉള്ള വെളിപ്പെടുത്തല് ആയി ഈ എഴുത്തിനെ കണ്ടാല് മതി.
10 വര്ഷമായി എന്റെ മാതാപിതാക്കള്ക്കൊപ്പം എന്റെ മകനുമായാണ് ഞാന് താമസിക്കന്നത്. എനിക്കും ഹരിക്കും ഞങ്ങള് എന്താണ് ഇങ്ങനെ കഴിയേണ്ടിവന്നത് എന്നതിനെ സംബന്ധിച്ച് വ്യക്തമായി അറിയാം. ഒരാള് ജനപ്രതിനിധി ആയി എന്നത് കൊണ്ട് മാത്രം വ്യക്തിപരമായ കാര്യങ്ങളില് തീരുമാനം എടുക്കാന് പാടില്ല എന്ന പിന്തിരിപ്പന് ശാഠ്യമുള്ള ആരെങ്കിലും ഉണ്ടെങ്കില് ദയവു ചെയ്ത് എന്റെ കാര്യത്തില് ഇടപെടാന് വരരുത്. ഇത് വ്യക്തി ജീവിതത്തിലെ എന്റെ തീരുമാനം ആണ്. എന്റെ മകന് 12 വയസ്സ് ആകാന് വേണ്ടി മാത്രമാണ് ഈ തീരുമാനം നിയമപരമാക്കാന് എനിക്ക് ഇത്രയും സമയം വേണ്ടി വന്നത്.
https://www.facebook.com/Malayalivartha
