ശ്രീജിവിന്റെ മരണം: സി.ബി.ഐ അന്വേഷണ ഉത്തരവായെന്ന സര്ക്കാര് വാദം പൊളിഞ്ഞു; ഹൈക്കോടതിയില് സി.ബി.ഐ എന്ത് നിലപാട് സ്വീകരിക്കുമെന്ന് അറിഞ്ഞ ശേഷം സമരം അവസാനിപ്പിക്കുന്നത് തീരുമാനിക്കുമെന്ന് സോഷ്യല്മീഡിയ കൂട്ടായ്മ
അനുജന് ശ്രീജിവിന്റെ മരണത്തിന് ഉത്തരവാദികളായ പൊലീസുകാര്ക്കെതിരെ നടപടി വേണമെന്നും കേസ് സി.ബി.ഐ അന്വേഷിക്കണമെന്നും ആവശ്യപ്പെട്ട് ശ്രീവിജ് നടത്തുന്ന സമരം ഒത്ത്തീര്പ്പാക്കാന് സര്ക്കാര് നടത്തിയ നാടകം പൊളിഞ്ഞു. കേസ് സി.ബിഐ ഏറ്റെടുത്തെന്ന ഉത്തരവുമായി മുഖ്യമന്ത്രിയുടെ സ്പെഷ്യല് സെക്രട്ടറി എം.വി ജയരാജന് രാവിലെ സമരപന്തലിലെത്തി ശ്രീജിത്തിനെ കണ്ടിരുന്നു. എന്നാല് സി.ബി.ഐ അന്വേഷണം ഏറ്റെടുത്ത ഉത്തരവല്ല, അന്വേഷണം ആവശ്യപ്പെട്ട് സര്ക്കാര് ഇറക്കിയ നോട്ടിഫിക്കേഷന് മറ്റൊരു രീതിയില് നല്കുകയായിരുന്നെന്ന് ശ്രീജിത്തിനൊപ്പമുള്ള സോഷ്യല്മീഡിയ കൂട്ടായ്മ വാര്ത്താസമ്മേളനത്തില് വ്യക്തമാക്കി.
കേസ് സി.ബി.ഐ ഏറ്റെടുക്കുന്നത് സംബന്ധിച്ച് നിലപാട് അറിയിക്കാന് ഹൈക്കോടതി നിര്ദ്ദേശിച്ചിട്ടുണ്ട്. ചൊവ്വാഴ്ച സി.ബി.ഐ കോടതിയില് നിലപാടറിയിക്കും. അനുകൂലമാണെങ്കില്, അന്വേഷണ സംഘത്തെ പ്രഖ്യാപിക്കും അതിന് ശേഷം സമരം അവസാനിപ്പിക്കാമെന്ന നിലപാടിലാണ് സോഷ്യല് മീഡിയ. സി.ബി.ഐ അന്വേഷണത്തിന് എതിര്പ്പില്ലെന്ന് സര്ക്കാര് കോടതിയെ അറിയിച്ചിട്ടുണ്ട്. ഇത് സംബന്ധിച്ച് ശ്രീജിത്തിന്റെ അമ്മ രമണിപ്രവീണയാണ് ഹൈക്കോടതിയില് ഹര്ജി നല്കിയത്. കുറ്റക്കാരായ പൊലീസുകാര്ക്കെതിരെ നടപടി സ്വീകരിക്കാന് , അവര് കോടതിയില് നിന്ന് വാങ്ങിയ സ്റ്റേ നീക്കാന് സര്ക്കാര് ഹൈക്കോടതിയെ സമീപിച്ചതിനെ പോസിറ്റീവായാണ് തങ്ങള് കാണുന്നതെന്ന് ഫെയിസ്ബുക്ക് കൂട്ടായ്മ വാര്ത്താസമ്മേളനത്തില് അറിയിച്ചു.
https://www.facebook.com/Malayalivartha
