പൊലീസും യൂത്ത് കോണ്ഗ്രസ് പ്രവര്ത്തകരും തലസ്ഥാനത്ത് ഏറ്റുമുട്ടി; നിരവധി പേര്ക്ക് പരിക്ക്, ഗതാഗതം സ്തംഭിച്ചു
തലസ്ഥാനത്ത് യൂത്ത്കോണ്ഗ്രസ്- പൊലീസ് സംഘര്ഷം. ഷുഹൈബ് വധത്തില് സി.ബി.ഐ അന്വേഷണം ഉള്പ്പെടെ ആവശ്യപ്പെട്ട് യൂത്ത് കോണ്ഗ്രസ് പ്രവര്ത്തകര് നടത്തിയ മാര്ച്ചിനിടെയാണ് സംഘര്ഷം ഉണ്ടായത്. സംഭവത്തില് നിരവധി പ്രവര്ത്തകര്ക്കും പൊലീസുകാര്ക്കും പരിക്കേറ്റു. പ്രവര്ത്തകര് പൊലീസിന് നേരെ കല്ലെറിഞ്ഞതോടെയാണ് പ്രശ്നം തുടങ്ങിയത്. പൊലീസ് പ്രവര്ത്തകര്ക്ക് നേരെ ടിയര് ഗ്യാസും കണ്ണീര്വാതകവും പ്രയോഗിച്ചു. ആരുടെയും പരിക്ക് ഗുരുതരമല്ല. കണ്ണീര്വാതകം പ്രയോഗിച്ചതിനെ തുടര്ന്ന് ചിലര്ക്ക് ദേഹാസ്വാസ്ഥ്യം അനുഭവപ്പെട്ടു. പൊലീസും പ്രവര്ത്തകരും തമ്മില് അരമണിക്കൂറിലധികം സമയം ഏറ്റുമുട്ടി. സെക്രട്ടറിയേറ്റിന്റെ സമര ഗേറ്റ് മുതല് സ്റ്റ്യാച്യുവിലെ കാര്ഷിക വികസന ബാങ്കിന് മുന്നില് വരെ തെരുവ് യുദ്ധമായിരുന്നു.
യൂത്ത്കോണ്ഗ്രസ് നേതാക്കളായ ഡീന്കുര്യാക്കോസും സി.ആര് മഹേഷും നിരാഹാരം അനുഷ്ടിക്കുന്ന പന്തലിലേക്ക് പൊലീസ് ഇരച്ച് കയറാന് ശ്രമിച്ചെങ്കിലും നേതാക്കള് ഇടപെട്ട് തടഞ്ഞു. മൂക്കാല് മണിക്കൂറോളം എം.ജി റോഡില് ഗതാഗതം സ്തംഭിച്ചു. കൂടുതല് പ്രവര്ത്തകര് സ്ഥലത്തേക്ക് എത്തിയത് പൊലീസിനെ വെട്ടിലാക്കി. നിയമസഭ തുടങ്ങിയതോടെ നിരവധി സംഘടനകള് സെക്രട്ടറിയേറ്റിന് മുന്നില് സമരത്തിന് എത്തിയിരുന്നു. വഴിയാത്രക്കാരും വലഞ്ഞു.
https://www.facebook.com/Malayalivartha
