കക്കാടംപൊയിലില്‍ ആദിവാസി യുവാവ് സുരേഷ് മരിച്ച സംഭവത്തില്‍ ദുരൂഹത. സംഭവത്തിൽ അന്വേഷണത്തിന് ഉത്തരവ്. ഫാമില്‍ ജോലിക്ക് പോയ യുവാവ് അപസ്മാരം വന്ന് മരത്തില്‍ നിന്ന് വീണ് മരിച്ചെന്നാണ് സ്ഥലം ഉടമ ബന്ധുക്കളെ അറിയിച്ചത്. എന്നാല്‍, ശരീരത്തില്‍ മുറിവുകളുണ്ടായിരുന്നെന്നും മരണ വിവരം കുടുംബത്തെയും നാട്ടുകാരെയും അറിയിക്കാതെ ഏറെ നേരം മറച്ചുവെച്ചെന്നും നാട്ടുകാര്‍ ആരോപിക്കുന്നു.

സംഭവത്തില്‍ ദുരൂഹത ഉയര്‍ന്നതോടെ പെരിന്തല്‍മണ്ണ ആര്‍ഡിഒക്ക് അന്വേഷണ ചുമതല നല്‍കി ജില്ലാ കളക്ടര്‍ ഉത്തരവിട്ടു. യുവാവിന്റെ മരണത്തില്‍ ദുരൂഹതയുണ്ടെന്ന് കാണിച്ച്‌ മനുഷ്യാവകാശ പ്രവര്‍ത്തകന്‍ സാബു അറക്കല്‍ ജില്ലാ കളക്ടര്‍ക്ക് പരാതി നല്‍കിയിരുന്നു. കോഴിക്കോട് മെഡിക്കല്‍ കോളജ് ആശുപത്രിയിലാണ് പോസ്റ്റ്മോര്‍ട്ടം നടത്തിയത്.