സിസ്റ്റര്‍ അഭയക്കേസില്‍ മൂന്ന് പ്രതികള്‍ നല്‍കിയ വിടുതല്‍ ഹര്‍ജിയില്‍ വിധി ഇന്ന്. പ്രതികളായ ഫാദര്‍ തോമസ് എം. കോട്ടൂര്‍, ഫാദര്‍ ജോസ് പുതൃക്കയില്‍, സിസ്റ്റര്‍ സെഫി എന്നിവരാണ് സി.ബി.ഐ കോടതിയില്‍ ഹര്‍ജി നല്‍കിയിരിക്കുന്നത്. തങ്ങള്‍ക്കെതിരായ കേസ് സി.ബി.ഐ കെട്ടിച്ചമച്ചതാണെന്നും സാക്ഷികളുടെ മൊഴി സി.ബി.ഐ ഭീഷണിപ്പെടുത്തി എഴുതി തയാറാക്കിയതാണെന്നുമാണ് പ്രതികളുടെ വാദം.
എന്നാല്‍, രാത്രികാലങ്ങളില്‍ ഇരുവികാരിമാരും കോണ്‍വന്റെിലെ മതില്‍ ചാടിക്കടന്ന് സിസ്റ്റര്‍ സെഫിയെ കാണാന്‍ എത്തിയിരുന്നതായി സാക്ഷി മൊഴികളുണ്ടെന്നും സെഫിയും വികാരിമാരുമായുള്ള അവിഹിത ബന്ധം സിസ്റ്റര്‍ അഭയ കാണാന്‍ ഇടയായതാണ് കൊലപാതകത്തിന് പിന്നിലെന്നുമാണ് സി.ബി.ഐ വാദം

1992 മാര്‍ച്ച് 27നാണ് കോട്ടയം പയസ് ടെന്‍ത് കോണ്‍വെന്റിലെ കിണറ്റില്‍ ദുരൂഹ സാഹചര്യത്തില്‍ സിസ്റ്റര്‍ അഭയയെ മരിച്ചനിലയില്‍ കണ്ടെത്തിയത്. ലോക്കല്‍ പൊലീസ് 17 ദിവസവും െ്രെകംബ്രാഞ്ച് ഒമ്പത് മാസവും അന്വേഷിച്ച് അഭയ ആത്മഹത്യ ചെയ്തതാണെന്ന് റിപ്പോര്‍ട്ട് നല്‍കി. എന്നാല്‍, സംസ്ഥാന സര്‍ക്കാറിന്റെ ശിപാര്‍ശപ്രകാരം 1993 മാര്‍ച്ച് 29ന് കേസ് സി.ബി.ഐ ഏറ്റെടുത്തു.

മൂന്നുതവണ അന്വേഷണം അവസാനിപ്പിക്കാന്‍ സി.ബി.ഐ, കോടതിയുടെ അനുമതി തേടിയിരുന്നു. എന്നാല്‍, മൂന്നു പ്രാവശ്യവും റിപ്പോര്‍ട്ട് തള്ളിയ കോടതി കേസില്‍ തുടരന്വേഷണം നടത്താന്‍ സി.ബി.ഐയോട് നിര്‍ദേശിക്കുകയായിരുന്നു.