ഷുഹൈബ് വധക്കേസില് സിബിഐ അന്വേഷണത്തിന്റെ ആവശ്യമില്ലെന്ന് മുഖ്യമന്ത്രി, പോലീസിന്റെ ഭാഗത്തു നിന്നും ഒരു വീഴ്ചയും ഉണ്ടായിട്ടില്ല, സര്ക്കാര് അധികാരത്തില് വന്നതിന് ശേഷം കണ്ണൂരില് ഒന്പത് രാഷ്ട്രീയ കൊലപാതകങ്ങള് നടന്നെന്നും പിണറായി
സര്ക്കാര് അധികാരത്തില് വന്ന ശേഷം കണ്ണൂരില് മാത്രം ഒമ്പത് രാഷ്ട്രീയ കൊലപാതകങ്ങള് ഉണ്ടായതായി മുഖ്യമന്ത്രി പിണറായി വിജയന്. ആഭ്യന്തരവകുപ്പുമായി ബന്ധപ്പെട്ട വിഷയങ്ങളില് നിയമസഭയില് മറുപടി പറയുകയായിരുന്നു മുഖ്യമന്ത്രി. അതെ സമയം ഷുഹൈബ് വധത്തില് കേന്ദ്ര ഏജന്സിയേക്കൊണ്ട് അന്വേഷിപ്പിക്കേണ്ട സാഹചര്യം ഇപ്പോഴില്ലെന്നും അദ്ദേഹം ആവര്ത്തിച്ചു.
സംസ്ഥാനത്തെ പോലീസിന് സ്വതന്ത്രമായി പ്രവര്ത്തിക്കാന് അധികാരമുണ്ട്. ഇതുസംബന്ധിച്ച വ്യക്തമായ നിര്ദേശം പോലീസിന് സര്ക്കാര് നല്കിയിട്ടുണ്ട്. പോലീസ് സ്റ്റേഷനില് കയറി പ്രതികളെ മോചിപ്പിക്കാന് ആര് ശ്രമിച്ചാലും തടയുമെന്നും മുഖ്യമന്ത്രി സഭയില് പറഞ്ഞു.
എല്.ഡി.എഫ് സര്ക്കാര് അധികാരത്തില് വന്നതിന് ശേഷം കണ്ണൂരില് ഒന്പത് രാഷ്ട്രീയ കൊലപാതകങ്ങള് നടന്നെന്ന് വ്യക്തമാക്കി മുഖ്യമന്ത്രി പിണറായി വിജയന്. സി.പി.എം, ബി.ജെ.പി, എസ്.ഡി.പി.ഐ പ്രവര്ത്തകരാണ് ഈ കേസുകളിലെ പ്രതികളെന്നും നിയമസഭയില് വെച്ച് അനൂപ് ജേക്കബ്ബിന്റെ ചോദ്യത്തിന് മുഖ്യമന്ത്രി മറുപടി പറഞ്ഞു.
പൊലീസിന് നിഷ്പക്ഷമായി പ്രവര്ത്തിക്കാനുള്ള അവകാശവും സ്വാതന്ത്ര്യവും നല്കിയിട്ടുണ്ട്. അതുപോലെ തന്നെയാണ് പൊലീസ് പ്രവര്ത്തിക്കുന്നത്. പൊലീസ് സ്റ്റേഷനില് കയറി പ്രതികളെ മോചിപ്പിക്കാന് ആര് ശ്രമിച്ചാലും കര്ശന നടപടിയുണ്ടാവും. നിയമവിരുദ്ധമായ യാതൊരു നടപടിയും അനുവദിക്കില്ലെന്നും മുഖ്യമന്ത്രി പറഞ്ഞു.
https://www.facebook.com/Malayalivartha
