വര്ക്കലയിലെ കോടികൾ വിലമതിക്കുന്ന സര്ക്കാര് ഭൂമി സ്വകാര്യ വ്യക്തിക്ക് കൈമാറിയെന്ന ആരോപണം വിവാദമാകുന്നു; സബ് കളക്ടറുടെ നടപടിക്ക് സ്റ്റേ, വിടാതെ പിന്തുടര്ന്ന് എംഎല്എ: ദിവ്യ എസ്. അയ്യരുടെ കസേര തെറിച്ചേക്കുമോ?
കഴിഞ്ഞ ജൂലൈയില് സര്ക്കാര് ഏറ്റെടുത്ത ഭൂമി കൈവശക്കാരിക്കു തിരിച്ചുകൊടുത്ത ദിവ്യ എസ്. അയ്യരെ തിരുവനന്തപുരം സബ് കലക്ടര് സ്ഥാനത്തുനിന്നു മാറ്റിയേക്കും. ഭൂമി വിട്ടുകൊടുത്ത നടപടി റവന്യു മന്ത്രി ഇ. ചന്ദ്രശേഖരന് സ്റ്റേ ചെയ്തു. വിശദമായി അന്വേഷിച്ച് റിപ്പോര്ട്ട് നല്കാന് ലാന്ഡ് റവന്യു കമ്മിഷണറെ ചുമതലപ്പെടുത്തി. കെ.എസ്. ശബരീനാഥന് എം.എല്.എയുടെ ഭാര്യ കൂടിയാണു ദിവ്യ എസ്. അയ്യര്. ഇവരെ സസ്പെന്ഡ് ചെയ്യണമെന്നു സി.പി.എമ്മില്നിന്ന് ആവശ്യമുയര്ന്നു. ശബരീനാഥന്റെ കുടുംബസുഹൃത്തും ഡി.സി.സി. അംഗത്തിന്റെ അടുത്ത ബന്ധുവുമായ അയിരൂര് സ്വദേശിനി ലിജിക്കാണു ഭൂമി പതിച്ചുനല്കിയത്.
ഭൂവിനോഗ നിയമം അനുസരിച്ചാണ് തന്റെ നടപടിയെന്ന് സ്ബ് കളക്ടര് വിശദീകരിക്കുമ്പോഴും വിവാദം കൂടുതല് സങ്കീര്ണമാകുമെന്നാണ് വിലയിരുത്തല്. വര്ക്കല എംഎല്എയുടെ പരാതിയിലാണ് സബ് കളക്ടറുടെ ഉത്തരവ് റദ്ദാക്കിയിരിക്കുന്നത്. വിശദമായ അന്വേഷണം ആരംഭിച്ചിരിക്കുകയാണിപ്പോള്. ക്രമവിരുദ്ധമായ ഇടപെടലുകള് നടന്നിട്ടുണ്ടെന്ന് കണ്ടെത്തിയാല് ദിവ്യ എസ്. അയ്യരുടെ കസേര തെറിക്കും.
വര്ക്കല ഇലകമണ് പഞ്ചായത്തിലെ അയിരൂര് വില്ലേജില് സംസ്ഥാനപാതയോടു ചേര്ന്നുള്ള 27 സെന്റാണു വിവാദഭൂമി. വര്ഷങ്ങളായി അനധികൃതമായി കൈവശംവച്ചിരുന്ന സര്ക്കാര് പുറമ്പോക്ക് തഹസില്ദാരാണ് നിയമനടപടികള് പൂര്ത്തിയാക്കി ഏറ്റെടുത്തത്. ഇവിടെ സര്ക്കാര് ഭൂമിയെന്നു ബോര്ഡ് വച്ചു. പോലീസ് സ്റ്റേഷന് നിര്മ്മാണത്തിനായി ഒഴിച്ചിടുകയും ചെയ്തു.
ഭൂമി ഏറ്റെടുത്തതിനെതിരേ ലിജി ഹൈക്കോടതിയെ സമീപിച്ചു. വാദിയെ നേരില് കേട്ട് തീരുമാനമെടുക്കാന് ആര്.ഡി.ഒ. കൂടിയായ സബ് കലക്ടറെ കോടതി ചുമതലപ്പെടുത്തി. ഭൂമി ഏറ്റെടുത്ത തഹസില്ദാരെപ്പോലും അറിയിക്കാതെ പരാതിക്കാരിയുടെ ഭാഗം മാത്രം കേട്ടാണ് സബ് കലക്ടര് അനുകൂല തീരുമാനമെടുത്തതെന്നാണ് ആരോപണം. പഞ്ചായത്ത് അധികൃതരെയോ ഉദ്യോഗസ്ഥരെയോ ഹിയറിങ് വിവരം അറിയിച്ചിരുന്നില്ല. ഇലകമണ് പഞ്ചായത്തും വി. ജോയി എം.എല്.എയുമാണ് റവന്യു മന്ത്രിക്കു പരാതി നല്കിയത്. സി.പി.എം. ജില്ലാ സെക്രട്ടറി ആനാവൂര് നാഗപ്പന് സബ് കലക്ടര്ക്കെതിരേ വിജിലന്സ് അന്വേഷണവും ആവശ്യപ്പെട്ടു.
https://www.facebook.com/Malayalivartha
