നഴ്‌സുമാരുടെ സമരത്തിനെതിരായ ഹര്‍ജി ഇന്ന് ഹൈക്കോടതി പരിഗണിക്കും. സമരം നിയമ വിരുദ്ധമാണെന്നും കെസ്മ പ്രയോഗിക്കണമെന്നുമാണ് മാനേജ്‌മെന്റുകളുടെ ആവശ്യം. ഹൈക്കോടതി നിര്‍ദേശ പ്രകാരം ആശുപത്രി മാനേജ്മന്റെ് പ്രതിനിധികളും യുണൈറ്റഡ് നഴ്‌സസ് അസോസിയേഷനും തമ്മില്‍ ചര്‍ച്ച നടന്നിരുന്നു. അതിനിടെ ഈ മാസം 31 ന് ശമ്പള പരിഷ്‌കരണം നടത്താനുള്ള സര്‍ക്കാര്‍ നീക്കം തടഞ്ഞ് ഹൈക്കോടതി ഇടക്കാല ഉത്തരവ് നല്‍കിയിരുന്നു.

ശമ്പള പരിഷ്‌കരണ ഉത്തരവ് ഇറക്കുന്നത് തടഞ്ഞ നടപടി റദ്ദാക്കണമെന്ന് ആവശ്യപ്പെട്ട് യുണൈറ്റഡ് നഴ്‌സസ് അസോസിയേഷന്‍ ഹൈക്കോടതിയെ സമീപിച്ചു.