നട്ടെല്ലുള്ളവന്മാര് ഇങ്ങോട്ട് വാ... പച്ചക്ക് പറയുകയാണ് ഏതാണ്ടൊക്കെയാ ഒണ്ടാക്കാന് വന്ന കുറേ പാഴ്ജന്മങ്ങള് അവിടെ നില്ക്കുന്നുണ്ട്..കുറേ വിവരം കെട്ട തെമ്മാടികള്; ഏതെങ്കിലും ഒരു ഹൈന്ദവന്റെ ഒരു വാഹനം ഇവര് തടയുകയോ അക്രമിക്കുകയോ ചെയ്താല് ഇവന്മാര് മര്യാദക്ക് നടന്ന് പോവില്ല; നിമിഷങ്ങള്ക്കകം ഒരു കൂട്ടം ഹര്ത്താല് അനുകൂലികള് സ്ഥലത്തേക്ക് എത്തിയതോടെ പേടിച്ച് പോലീസിനെ വിളിച്ച് വരുത്തി ആളുമുങ്ങി
ദളിത് സംഘടനകള് ഇന്നലെ ആഹ്വാനം ചെയ്ത ഹര്ത്താലില് കടതുറന്ന് സമരക്കാരെ വെല്ലുവിളിച്ച് ശ്രീജിത്ത് പന്തളം ഒടുക്കം പോലീസില് അഭയം തേടി. ഹര്ത്താലില് ഫേസ്ബുക്ക് ലൈവിലെത്തി ദളിത് പ്രവര്ത്തകരെ അസഭ്യം പറയുകയും, വെല്ലുവിളിക്കുകയും ചെയ്ത ശേഷം സമരക്കാരോട് നേരിട്ട് ഏറ്റുമുട്ടാം എന്ന് പറഞ്ഞ ശ്രീജിത്ത് പന്തളമാണ് സമരാനുകൂലികള് സ്ഥലത്തെത്തിയപ്പോള് പോലീസില് അഭയം തേടിയത്.
ശ്രീജിത്ത് പന്തളത്തിന്റെ ഫേസ്ബുക് ലൈവിലൂടെ...
കുളനട ടൗണിലുള്ള തന്റെ സ്റ്റുഡിയോ തുറന്ന് അതിന് മുന്നിലായിരുന്നു ഫേസ്ബുക്കിലൂടെ ശ്രീജിത്ത് ലൈവിലെത്തിയത് സംസാരിച്ചത്. ഹര്ത്താല് അനുകൂലികളെ അസഭ്യം പറഞ്ഞും, ധൈര്യമുണ്ടെങ്കില് സ്റ്റുഡിയോയുടെ മുന്നിലേക്ക് വരാന് പറഞ്ഞും വെല്ലുവിളി ഉയര്ത്തിയ യുവാവ് കട തുറന്നെന്ന് തെളിയിക്കാന് ഫാന് കറങ്ങുന്നതും, ബള്ബ് തെളിഞ്ഞ് നില്ക്കുന്നതുമായ ദൃശ്യങ്ങള് ലൈവില് കാണിച്ചു.
'ഏതാണ്ടൊക്കെയാ ഒണ്ടാക്കാന് വന്ന കുറേ പാഴ്ജന്മങ്ങള് അവിടെ നില്ക്കുന്നുണ്ട്. കുറേ വിവരം കെട്ട തെമ്മാടികള് അവിടെ നിന്ന് എന്തൊക്കെയോ കാട്ടുമെന്ന് പറയുന്നുണ്ട്. ഏതെങ്കിലും ഒരു ഹൈന്ദവന്റെ ഒരു വാഹനം ഇവര് തടയുകയോ അക്രമിക്കുകയോ ചെയ്താല് കുളനട ഗ്രാമപഞ്ചായത്തിന്റെ പരിധിവിട്ട് ഇവന്മാര് മര്യാദക്ക് നടന്ന് പോവില്ല. നട്ടെല്ലുള്ളവന്മാര് ഇങ്ങോട്ട് വാ. പച്ചക്ക് പറയുകയാണ്. എന്റെ കട അടപ്പിക്കാന് വന്നാല് മുട്ട് കാല് തല്ലിയൊടിക്കും. അതിപ്പോ കേ.ഡി.പിയുടെ സംസ്ഥാന പ്രസിഡന്റല്ല, ഇന്നലെ വെല്ലുവിളിച്ച ഗീതാനന്ദനോ പ്രാക്കാനമോ, ഏതവളായാലും.' ശ്രീജിത്ത് ഫേസ്ബുക്കിലൂടെ നടത്തിയ വെല്ലുവിളി അങ്ങനെ തുടര്ന്നു...
https://www.facebook.com/Malayalivartha
