വിദ്യാര്ത്ഥിനികള്ക്ക് നേരേ ലൈംഗികാവയവം പ്രദര്ശിപ്പിക്കുകയും പീഡിപ്പിക്കാന് ശ്രമിക്കുകയും ചെയ്ത ഓട്ടോ ഡ്രൈവര് അറസ്റ്റില്
കുട്ടികളെ സ്കൂളില് കൊണ്ടു പോകുന്നതിനിടെ ലൈംഗികാതിക്രമം നടത്തിയ ഓട്ടോ ഡ്രൈവര് അറസ്റ്റില്. മൂന്ന്, നാല് ക്ലാസ്സുകളില് പഠിക്കുന്ന പെണ്കുട്ടികള്ക്ക് നേരെ ലൈംഗികാവയവം പ്രദര്ശിപ്പിക്കുകയും പീഡിപ്പിക്കാന് ശ്രമിക്കുകയും ചെയ്തുവെന്ന കേസിലാണ് ഓട്ടോ ഡ്രൈവര് തിരൂരില് അറസ്റ്റിലായത്. തിരൂര് ബിപി അങ്ങാടി പാറശ്ശേരി അക്കരത്തോട്ടത്തില് സുനില് (50) നെയാണ് തിരൂര് സി ഐ പി അബ്ദുള് ബഷീര് അറസ്റ്റ് ചെയ്തത്.
ഇയാള് വിദ്യാര്ത്ഥികളെ ഓട്ടോയില് സ്കൂളില് കൊണ്ടു പോകുന്നതിനിടെയാണ് പീഡിപ്പിച്ചത്. കുട്ടികള് വീട്ടുകാരോട് വിവരം പറഞ്ഞതിനെ തുടര്ന്ന് മലപ്പുറം ചൈല്ഡ് ലൈനില് വിവരമറിയിക്കുകയായിരുന്നു. ചൈല്ഡ്ലൈന് പ്രവര്ത്തകര് സ്ക്കൂളിലെത്തി കുട്ടികളെ കൗണ്സിലിങ് നടത്തി സംഭവം സ്ഥിരീകരിക്കുകയായിരുന്നു. തുടര്ന്ന് പൊലീസില് നല്കിയ പരാതിയെ തുടര്ന്ന് തിരൂര് സി ഐ കേസ് രജിസ്ട്രര് ചെയ്യുകയും പ്രതിയെ അറസ്റ്റു ചെയ്യുകയുമായിരുന്നു. പോക്സോനിയമ പ്രകാരം അറസ്റ്റു ചെയ്ത പ്രതിയെ ഇന്ന് കോടതിയില് ഹാജരാക്കി.
https://www.facebook.com/Malayalivartha
