ഓട്ടോ-ടാക്‌സി നിരക്കുവര്‍ധന സംബന്ധിച്ച ജസ്‌റ്റിസ്‌ എം. രാമചന്ദ്രന്‍ സമിതി റിപ്പോര്‍ട്ട്‌ സമര്‍പ്പിച്ചു
സംസ്‌ഥാനത്ത്‌ ഓട്ടോ-ടാക്‌സി നിരക്കുകള്‍ പുനര്‍നിര്‍ണയിക്കാനുള്ള ജസ്‌റ്റിസ്‌ എം. രാമചന്ദ്രന്‍ സമിതി റിപ്പോര്‍ട്ട്‌ സമര്‍പ്പിച്ചു. ട്രാന്‍സ്‌പോര്‍ട്ട്‌ കമ്മിഷണര്‍ ശ്രീലേഖ, നാറ്റ്‌പാക്‌ സീനിയര്‍ എന്‍ജിനീയര്‍ ഇളങ്കോവന്‍, സാമ്പത്തിക ശാസ്‌ത്രജ്‌ഞനായ ഡോ. ബി.എ. പ്രകാശ്‌ എന്നിവരായിരുന്നു സമിതിയിലെ മറ്റംഗങ്ങള്‍.
റിപ്പോര്‍ട്ടില്‍ ഓട്ടോറിക്ഷയുടെ മിനിമം ചാര്‍ജ്‌ 15 രൂപയില്‍ നിന്ന് 20 രൂപയും സാദാ ടാക്‌സി കാറുകളുടെ മിനിമം നിരക്ക്‌ 100 രൂപയില്‍ നിന്ന് 200 രൂപയും വര്‍ധനവരുത്തിയിട്ടുണ്ട്‌. ദൂരപരിതിയില്‍ മാറ്റം വരുത്തിയിട്ടില്ല. ഓട്ടോറിക്ഷയില്‍ മിനിമം ചാര്‍ജില്‍ ഓടാവുന്ന ദൂരം ഒന്നര കിലോമീറ്റര്‍ തന്നെയാണ്‌. എന്നാല്‍ അതു കഴിഞ്ഞു കിലോമീറ്ററിന്‌ ഇപ്പോള്‍ 10 രൂപയായിരുന്നതു 11 രൂപയാകും. സാദാ ടാക്‌സിക്കു കിലോമീറ്ററിനു നിലവിലുള്ള ഒന്‍പതു രൂപ 10 രൂപയാക്കും.
എസി ടാക്‌സിക്കു മിനിമം നിരക്ക്‌ 220 രൂപ. കിലോമീറ്ററിനു 10 രൂപയില്‍ നിന്നു 11 രൂപയാക്കും. ആഡംബര ടാക്‌സികള്‍ക്കു വലുപ്പമനുസരിച്ചു കിലോമീറ്ററിനു 15 രൂപ വരെ വര്‍ധനവ്‌ വരുത്താം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
