തിരുവനന്തപുരത്ത് അപകടങ്ങൾ പതിവാകുന്ന ഇടമാണ് വെള്ളയമ്പലം മുതൽ കവടിയാർ വരെയുള്ള 3 കിലോമീറ്റർ പാത. രാത്രിയായാൽ ഇവിടെ സൂപ്പർ ബൈക്കുകളുടേയും കാറുകളുടെയും മത്സര ഓട്ടവും പതിവാണ് . മദ്യപിച്ചും നിയമം തെറ്റിച്ചുമുള്ള ഇത്തരം യാത്രകൾക്ക് കടിഞ്ഞാണിടാൻ സംസ്ഥാന പോലീസും റോഡ് ട്രാൻസ്‌പോർട്ട് വകുപ്പും പദ്ധതിയൊരുക്കുന്നു.

മോട്ടോർ വെഹിക്കിൾ ഡിപ്പാർട്മെന്റിന്റെ ഭാഗമായി ഓവർ സ്പീഡ് നിയന്ത്രിക്കാൻ സ്പീഡ് ക്യാമറകൾ സ്ഥാപിച്ചു കഴിഞ്ഞു. 10 ക്യാമറകൾ മൂന്ന് സ്ഥലത്തായിട്ടാകും സ്ഥാപിക്കുക. 6 ക്യാമറകളാണ് ഇത്തരത്തിൽ നിലവിൽ സ്ഥാപിച്ചിട്ടുള്ളത്. ഇവയെ കണ്ട്രോൾ റൂമിലിരുന്ന് നിയന്ത്രിക്കാനാകും. 360 ഡിഗ്രി ചുറ്റളവിലുള്ള ദൃശ്യങ്ങൾ എല്ലാം ഇവയ്ക്ക് ഒപ്പിയെടുക്കാനാകും. എറണാകുളം സെൻട്രൽ കണ്ട്രോൾ റൂമിൽ നിന്നായിരിക്കും ഈ ക്യാമറകൾ നിയന്ത്രിക്കുക. ഇത് വഴി ഓവർ സ്പീഡിൽ പോയാൽ ഇനി മുതൽ പിഴ ഉറപ്പാണ്.