സമൂഹമാധ്യമങ്ങളിലൂടെ വ്യാജ ഹര്ത്താല് ആഹ്വാനം നടത്തി അക്രമം അഴിച്ച് വിട്ടതിന് പിന്നാലെ നാളെ ലോങ് മാര്ച്ചിന് ആഹ്വാനം നല്കുന്ന സന്ദേശം വാട്സാപ്പ് ഗ്രൂപ്പുകളില് പ്രചരിക്കുന്നു
കഴിഞ്ഞ ദിവസം സോഷ്യല്മീഡിയയിലൂടെ വ്യാജ ഹര്ത്താല് സന്ദേശം പ്രചരിപ്പിക്കുകയും അതിന്റെ മറവില് കലാപം അഴിച്ചുവിടാന് ശ്രമിക്കുകയും ചെയ്ത സംഘടനകളില് പ്രധാനിയായ എസ്.ഡി.പി.ഐ വീണ്ടും സംഘര്ഷത്തിന് കളമൊരുക്കുന്നു. നാളെ ചലോ കോഴിക്കോട് എന്ന പേരില് ലോങ്ങ് മാര്ച്ച് സംഘടിപ്പിക്കാനാണ് ഇവര് ലക്ഷ്യമിടുന്നത്. ഇതിന് മുന്നോടിയായി സോഷ്യല് മീഡിയയിലൂടെ ചെറുപ്പക്കാരെ കൂട്ടാന് വ്യാപക പ്രചരണം നടത്തുന്നു. എസ്.ഡി.പി.ഐ പ്രവര്ത്തകരുടെ പല തരത്തിലുള്ള വാട്സാപ്പ് ഗ്രൂപ്പുകളിലൂടെയാണ് സന്ദേശം പ്രവഹിക്കുന്നത്. ഹര്ത്താലിന്റെ മറവില് അക്രമം അഴിച്ച് വിട്ടതിന് കോഴിക്കോട് ഉള്പ്പെടെയുള്ള ഉത്തരകേരളത്തിലെ അഞ്ച് ജില്ലകളിലെ യുവാക്കളെയാണ് പൊലീസ് അറസ്റ്റ് ചെയ്തത്.
അറസ്റ്റ് ചെയ്തവരിലും റിമാന്ഡിലായവരിലും ഏറെപ്പേരും എസ്.ഡി.പി.ഐ പ്രവര്ത്തകരാണ്. തുടര്ന്നാണ് പ്രശ്നം സങ്കീര്ണമാക്കി, ന്യൂനപക്ഷങ്ങള്ക്കിടയില് വേരുറപ്പിക്കാന് എസ്.ഡി.പി.ഐ ശ്രമിക്കുന്നത്. ചലോ കോഴിക്കോട് എന്ന പേരില് നാളെ കോഴിക്കോട് നഗരത്തില് സംഘടിക്കാനും മാര്ച്ച് നടത്താനും ആഹ്വാനം ചെയ്യുന്ന നാഥനില്ലാ സന്ദേശം വാട്ട്സാപ്പുകളില് പ്രചരിക്കുന്നു. ഹിന്ദുത്വ ഭീകരതക്കെതിരെ ഒന്നിക്കുക എന്ന ആഹ്വാനമാണ് വാട്ട്സാപ്പ് സന്ദേശത്തില് ഉള്ളത്.
സംഘപരിവാര് ഭീകരത അതിന്റെ എല്ലാ പൈശാചികതയുടെ രൗദ്രഭാവങ്ങളും പുറത്തുകാണിച്ചുകഴിഞ്ഞതായി വാട്ട്സാപ്പ് സന്ദേശത്തില് പറയുന്നു. തെരുവുകളില് പരിവാര് തെമ്മാടികള്ക്കെതിരെ രോഷാഗ്നി ഉയരുകയാണ് 19ന് കോഴിക്കോടിന്റെ നഗരവീഥികളില് അക്ഷരാര്ത്ഥത്തില് പ്രതിഷേധം അലയടിക്കാന് പോകുകയാണെന്ന് സന്ദേശം പറയുന്നു. സംഘാടകരെ നോക്കാതെ സംഘടിക്കുന്നവരുടെ കൊടിയുടെ നിറം നോക്കാതെ കത്വ പെണ്കുട്ടിക്ക് നീതി ലഭിക്കാന് എല്ലാവരും ഈ പരിപാടിയില് പങ്കെടുക്കണമെന്ന് സന്ദേശം ആഹ്വാനം ചെയ്യുന്നു.
എസ്.ഡി.പി.ഐയുടെ മലപ്പുറത്തെ മീഡിയാ ഗ്രൂപ്പുകളിലാണ് സന്ദേശം ഷെയര് ചെയ്യുന്നത്. ഈ സന്ദേശം രഹസ്യാന്വേഷണ വിഭാഗത്തിനും കിട്ടിയിട്ടുണ്ട്. അന്വേഷണം ആരംഭിച്ചിട്ടുണ്ട്. ഹര്ത്താലിനും അക്രമങ്ങള്ക്കും എതിരെ മുസ്്ലിംലീഗ് പരസ്യമായി രംഗത്ത് വരുകയും എസ്.ഡി.പി.ഐയെ തള്ളിപ്പറയുകയും ചെയ്തതോടെയാണ് ഇവരും വെല്ഫയര് പാര്ട്ടിയും തീവ്രനിലപാട് ശക്തമാക്കുന്നത്.
https://www.facebook.com/Malayalivartha
