റൂറല് ടൈഗര് ഫോഴ്സ് കാക്കിയിട്ട ഗുണ്ടകളോ..? പോലീസിന് അപമാനം വരുത്തിവച്ച ഇടുക്കി സ്പെഷല് സ്ക്വാഡ് പിരിച്ചുവിട്ടിരുന്നു; അന്ന് ഇടുക്കി ഇന്ന് എറണാകുളും
ലോക്കല് പോലീസിന്റെ അധികാരത്തില് കടന്നു കയറുകയാണെന്നായിരുന്നു മുഖ്യ ആക്ഷേപമാണ് റൂറല് ടൈഗര് ഫോഴ്സിനുള്ളത്. അതുമാത്രമല്ല മയക്കുമരുന്നു കേസിലെ പ്രതികളില്നിന്നു കൈക്കൂലി വാങ്ങിയെന്ന കേസില് ഇടുക്കിയില് ഒന്നരവര്ഷം മുമ്പ് സ്പെന്റ് ചെയ്തിരുന്നു. ആ സ്ക്വാഡില്പ്പെട്ട മൂന്നു പോലീസുകാര് അറസ്റ്റിലായിരുന്നു.ഇതുകൂടിയായപ്പോള് ഇത്തരം സ്ക്വാഡുകള്ക്കെതിരേ നടപടി വേണമെന്ന ആവശ്യവും ശക്തമായിരിക്കുകയാണ്. എസ്.ഐയുടെ അധികാരമില്ലാതെ വീടുകയറി പ്രതികളെ പിടിക്കുക, സ്റ്റേഷനിലുള്ള മറ്റു പോലീസുകാരോട് അപമര്യാതയായി പെരുമാറുക, ലോക്കല് പോലീസ് അറിയാതെ രഹസ്യനീക്കം നടത്തി പ്രതികളെ പിടികൂടി മര്ദിച്ചശേഷം ബന്ധപ്പെട്ട സ്റ്റേഷനില് ഏല്പ്പിക്കുക തുടങ്ങിയ നടപടികള്ക്കെതിരേ ലോക്കല് പോലീസും പ്രതിഷേധം ശക്തമാക്കിയിരുന്നു. ടഗര് ഫോഴ്സ് എന്നാല് കാക്കിയിട്ട ഗുണ്ടകളോ എന്ന ആക്ഷേപവും ഉയര്ന്നിരുന്നു.
എറണാകുളും റൂറല് എസ്.പി എ.വി. ജോര്ജാണ് എറണാകുളം റൂറല് ജില്ലയില് ടൈഗര് ഫോഴ്സിനു രൂപം നല്കിയത്. ഈ ഫോഴ്സാണ് ഇപ്പോള് പൊലീസിനുതന്നെ തലവേദനയാകുന്നത്. തിനു മുമ്പും എ.വി. ജോര്ജ് ഇടുക്കി സ്.പിയായിയിരുന്നപ്പോള് സമാനമായ സ്പെഷല് സ്ക്വാഡ് രൂപീകരിച്ചിരുന്നു ഇവിടെയും എ.ആര്. ക്യാമ്പില്നിന്നുള്ള പോലീസുകാരെ ചേര്ത്തായിരുന്നു സ്ക്വാഡ് ഉണ്ടാക്കിയത്. ഇടുക്കിയില് സ്പെഷല് സ്ക്വാഡ് പോലീസ് സേനയ്ക്ക് അപമാനം വരുത്തിവച്ചതോടെ ഇതും പിരിച്ചുവിടുകയായിരുന്നു. ഒടുവില് സ്ഥലംമാറി എറണാകുളത്ത് റൂറല് എസ്.പിയായി അധികാരമേറ്റതോടെ എ.വി. ജോര്ജ് ഇവിടെ രൂപംനല്കിയ റൂറല് ടൈഗര് ഫോഴ്സും വിവാദത്തിലെത്തിനില്ക്കുന്നത്. മയക്കുമരുന്നുകേസ് പ്രതികളില്നിന്നു കൈക്കൂലി വാങ്ങി കേസ് ഒതുക്കിയെന്നു കണ്ടെത്തിയതോടെ സ്ക്വാഡ് അംഗങ്ങളായ മൂന്നുപേരെ പോലീസ് പാലക്കാട്ട് വച്ച് പിടികൂടിയിരുന്നു.
ഇതിനു പുറമേ പ്രതികളെ പിടികൂടിയത് ആര്.ടി.എഫ്. ആണെന്ന് ഒരിടത്തും വെളിപ്പെടുത്തുകയുമില്ല. ഇക്കാരണത്താല് ആര്.ടി.എഫിന്റെ നിയമനം പോലീസ് ചട്ടത്തിനു തന്നെ വിരുദ്ധമാണെന്നു കാണിച്ച് നിരവധി രഹസ്യാന്വേഷണ റിപ്പോര്ട്ടുകള് പോലീസ് ആസ്ഥാനത്ത് എത്തിയിരുന്നു.
https://www.facebook.com/Malayalivartha
