കെ.എസ്.ആര്.ടി.സി. ബസില് വച്ച് യാത്രക്കാരന് ഹൃദയാഘതം വന്നു; ഡ്രൈവറും കണ്ടക്ടറും രക്ഷകരായപ്പോള്
ഡ്രൈവറും കണ്ടക്ടറും ബസില് ഹൃദയാഘാതം അനുഭവപ്പെട്ട യാത്രക്കാരനു തുണയായി മാറി. കെഎസ്ആര്ടിസിയിലെ കരുനാഗപ്പള്ളി സ്റ്റേഷനില്നിന്നു സര്വീസ് നടത്തുന്ന കരുനാഗപ്പള്ളി അഴീക്കല് ബസിലായിരുന്നു സംഭവം. കാട്ടില്കടവ് കണ്ടത്തില് ജയകുമാറിനാണ് (63) ബസില് വച്ച് ഹൃദയാഘാതം അനുഭവപ്പെട്ടത്. ബസിലെ കണ്ടക്ടര് തൊടിയൂര് സ്വദേശി സന്തോഷ്കുമാര്, ഡ്രൈവര് മൈനാഗപ്പള്ളി സ്വദേശി താജുദ്ദീന് എന്നിവര് ചേര്ന്ന ജയകുമാറിനെ സമീപത്തുള്ള ഓച്ചിറയിലെ സ്വകാര്യ ആശുപത്രിയിലെത്തിക്കുകയായിരുന്നു.
കണ്ടക്ടറുടെ നിര്ദേശം പ്രകാരം ഉടന് തന്നെ ഡ്രൈവര് ബസ് നിര്ത്തി. പിന്നീട് ഇരുവരും ചേര്ന്ന് ജയകുമാറിനെ ഒരു ഓട്ടോറിക്ഷയില് കയറ്റി ആലുംപീടികയിലുള്ള സ്വകാര്യ ക്ലിനിക്കില് കൊണ്ടു പോയി. അവിടെ ഡോക്ടര് എത്താന് വൈകുമെന്ന വിവരം ലഭിച്ചതോടെ സമയം കളയാതെ ഇരുവരും യാത്രക്കാരനെ ഓച്ചിറയിലെ സ്വകാര്യ ആശുപത്രിയിലെത്തിക്കുകയായിരുന്നു.
ഹൃദയാഘാതത്തെ തുടര്ന്ന് യാത്രക്കാരന് ബസ് കുഴഞ്ഞുവീണത് ശ്രദ്ധയില്പ്പെട്ട ഇരുവരുടെയും കൃത്യസമയത്തുള്ള ഇടപെടലാണ് വിലപ്പെട്ട ഒരു ജീവന് രക്ഷിക്കാന് കാരണമായത്. യാത്രക്കാരന്റെ പ്രാഥമിക ചികില്സയ്ക്കുള്ള പണവും ഇരുവരും ചേര്ന്ന് ആശുപ്രതിയില് നല്കിയിരുന്നു. കൃത്യ സമയത്ത് എത്തിച്ചതിനാല് രക്ഷിക്കാന് സാധിച്ചതായി ഡോക്ടര്മാര് പറഞ്ഞു. 8.10ന് ആലുംപീടിക പട്ടശേരിമുക്കിനു സമീപത്ത് വച്ച് ഇന്നലെയാണ് ജയകുമാര് ബസിനുള്ളില് കുഴഞ്ഞുവീണത്.
https://www.facebook.com/Malayalivartha
