കസ്റ്റഡി മരണത്തില്‍ വരാപ്പുഴ എസ്‌ഐ ദിപക്കിനെ ഇന്നു അറസ്റ്റ് ചെയ്യുമെന്ന സൂചനകളാണ് ലഭിക്കുന്നത്. കേസിന്റെ അന്വേഷണ സംഘതലവന്‍ ഐജി ശ്രീജിത്ത് ചോദ്യം ചെയ്യുന്നതിനായി ഇതുവരെ എത്തിച്ചേര്‍ന്നില്ല. എന്നാല്‍ കേസിന്റെ നിര്‍ണായക നീക്കങ്ങളെല്ലാം തന്നെ അന്വേഷണ സംഘതലവന്റെ നിര്‍ദേശത്തിലാണ് നടക്കുന്നത്. റൂറല്‍ ടൈഗര്‍ ഫോഴ്‌സ് അംഗങ്ങളെ അറസ്റ്റ് ചെയ്തതിന് പിന്നാലെ വരാപ്പുഴ എസ്‌ഐ ദിപക്കിനെ അറസ്റ്റ് ചെയ്യാനുള്ള നീക്കങ്ങള്‍ നടക്കുന്നത്. ഇതിന് ഡിജിപി ലോക്‌നാഥ് ബെഹ്‌റയുടെ അനുമതി ക്രൈംബ്രാഞ്ചിന് ലഭിച്ചിട്ടുണ്ടെന്നും വിവരം ലഭിക്കുന്നുണ്ട്. ദീപക്കിനെതിര നിര്‍ണായക വിവരങ്ങള്‍ അന്വേഷണ സംഘത്തിന് ലഭിച്ചു എന്നും വിവരം ലഭിക്കുന്നത്. ഇതിന്റെയൊക്കെ സ്ഥിരീകരണത്തിനായി ആലങ്ങാട് ഏരിയകമ്മറ്റി അംഗം പി.വി ഡെന്നിയെയും ചോദ്യം ചെയ്യുന്നതിനായി വിളിച്ചുവരുത്തിയിട്ടുണ്ട്. അതേസമയം ആദ്യ ഘട്ട ചോദ്യം ചെയ്യലില്‍ തന്നെ ശ്രീജിത്തിനെ കസ്റ്റഡിയില്‍ മര്‍ദ്ദിച്ചതായി എസ്‌ഐ ദീപക്ക് സമ്മതിച്ചു എന്നതരത്തിലുള്ള വാര്‍ത്തകളാണ് പുറത്തുവരുന്നത്. 

രാവിലെ 10.30 ഓടെ അന്വേഷണ സംഘത്തിന് മുന്നില്‍ ഹാജരായ ദീപക്കിന്റെ അറസ്റ്റിനായുള്ള നടപടിക്രമങ്ങള്‍ നടന്നു വരികയാണ്. ശ്രീജിത്തിനെ റൂറല്‍ ടൈഗര്‍ ഫോഴ്‌സ് അവശനിലയിലാക്കിയിട്ടാണ് സ്‌റ്റേഷനിലെത്തിച്ചതെന്നാണ് അന്വേഷണത്തില്‍ വ്യക്തമായിരിക്കുന്നത്. ഇതിന് പിന്നാലെ എസ്‌ഐ ദീപക്കും സ്‌റ്റേഷനില്‍ എത്തി രാത്രി രണ്ട് മണിയോടെ മര്‍ദ്ദിച്ചുവെന്നാണ് അന്വേഷണ സംഘത്തിന് ലഭിക്കുന്ന വിവരം. ഭാര്യവീട്ടിലായിരുന്ന എസ്‌ഐ ദീപക് റൂറല്‍ എസ്പിയുടെ നിര്‍ദ്ദേശ പ്രകാരമാണ് അര്‍ദ്ധരാത്രി സ്‌റ്റേഷനില്‍ എത്തിയത്. സ്റ്റഷനിലെത്തിയ അമ്മയോട് ശ്രീജിത്ത് വെള്ളം ചോദിച്ചതിനെതുടര്‍ന്ന് അവര്‍ വെള്ളവുമായി വന്നെങ്കിലും, നല്‍കാന്‍ അനുമതി കൊടുത്തില്ലെന്ന ആരോപണവും ദീപക്കിനെതിരെയുണ്ട്. ഇത് ദീപക്ക് സമ്മതിച്ചു. 50 ദിവസത്തിനുള്ളില്‍ തന്നെ പൂര്‍ണ്ണ കുറ്റപത്രം സമര്‍പ്പിക്കാനാണ് െ്രെകംബ്രാഞ്ചിന്റെ നീക്കം.

ശ്രീജിത്തിന് മര്‍ദ്ദനമേറ്റ ദിവസം വരാപ്പുഴ എസ്‌ഐ ദീപക്ക് ഭാര്യയുടെ നെടുമങ്ങാടുള്ള വീട്ടിലായിരുന്നുവെന്നും. പ്രതികളെ കസ്റ്റഡിയിലെടുത്ത ദിവസം അര്‍ദ്ധരാത്രിയില്‍ തന്നെ ദീപക്ക് ധൃതി പിടിച്ച് ബൈക്കുമായി വരാപ്പുഴയിലേക്ക് തിരിച്ചത് ആരുടെ നിര്‍ദ്ദേശപ്രകാരമാണെന്നും. 216 ഉള്ള നെടുമങ്ങാട് നിന്നും കിലോമീറ്ററുകള്‍താണ്ടി ആറുമണിക്കൂര്‍ സമയമെടുത്ത് വരാപ്പുഴയിലേക്ക് എത്തിച്ചേരണ്ട ആവശ്യകതയെന്തെന്നുമുള്ള ചോദ്യങ്ങളും ഉയരുന്നുണ്ട്. ഇതു തന്നെയാണ് അന്വേഷണ സംഘത്തിന് സംശയത്തിനുള്ള വത മാറ്റിവയ്ക്കുന്നത്.

എസ്‌ഐ ദീപക്കിനെ അറസ്റ്റ് ചെയ്തില്ലെങ്കില്‍ പ്രക്ഷോഭം ആരംഭിക്കുമെന്ന് അമ്മ ശ്യാമള രാവിലെ ഒരു പ്രമുഖ മാധ്യമത്തിനു നല്‍കിയ അഭിമുഖത്തില്‍ പറഞ്ഞിരുന്നു. മൂന്നു ആര്‍.ടി.എഫ് ഉദ്യോഗസ്ഥരെ കൂടാതെ പറവൂര്‍ സിഐയും റൂറല്‍ എസ്പി എ.വി ജോര്‍ജും കൊലപാതകത്തില്‍ ഉത്തരവാദികളാണെന്നാണ് അമ്മ ശ്യാമള പറയുന്നത്.