ശ്രീപദ്മനാഭസ്വാമി ക്ഷേത്രത്തിനു മുന്നിലൂടെയുള്ള റോഡിലെ മാന്‍ഹോളുകള്‍ അപകടക്കെണിയാകുന്നു. റോഡില്‍നിന്ന് ഉയര്‍ന്നു നില്‍ക്കുന്ന മാന്‍ഹോളുകളിലിടിച്ച്‌ നിരവധി ഇരുചക്രവാഹനങ്ങള്‍ അപകടത്തില്‍പ്പെടുന്നുണ്ട്.

ഇത്തരത്തില്‍ നാല് മാന്‍ഹോളുകളാണ് ഈ റോഡിലുള്ളത്. ആറ്റുകാല്‍ പൊങ്കാല സമയത്ത് ജലഅതോറിറ്റി അറ്റകുറ്റപ്പണി നടത്തിയിരുന്നു. തുടര്‍ന്ന് റോഡില്‍നിന്ന് ഉയര്‍ന്നുനില്‍ക്കുന്ന മാന്‍ഹോളുകള്‍ക്കു ചുറ്റും കോണ്‍ക്രീറ്റ് ചെയ്തു. എന്നാല്‍, ഇത് പൊട്ടിപ്പൊളിഞ്ഞ് നാശമായി. തുടര്‍ന്ന് ഇരുമ്പ് പൈപ്പ് റോഡില്‍ ഉയര്‍ന്നു നില്‍ക്കുകയാണ്. ഇതിലിടിച്ചാണ് അപകടങ്ങളുണ്ടാകുന്നത്. കാറുകള്‍ക്കും കേടുപാടുണ്ടാകുന്നുണ്ട്. ജലഅതോറിറ്റി കരാറുകാരുടെ അനാസ്ഥയാണ് കോണ്‍ക്രീറ്റ് പൈട്ടന്ന് തകരാന്‍ കാരണമെന്നാണ് നാട്ടുകാരുടെ പരാതി.